కాళేశ్వరంకి జాతీయ హోదా వద్దు : ఆంధ్ర ప్రభుత్వం

కాళేశ్వరం ప్రారంభోత్సవానికి వెళ్లి.. అక్కడి శిలాఫలకంపై.. ఏపీ ముఖ్యమంత్రి హోదాలో తన పేరు చూసుకుని సంతోషపడి… కేసీఆర్ ఇచ్చిన అత్యంత ఖరీదైన వెండి జ్ఞాపికను తెచ్చుకున్న జగన్మోహన్ రెడ్డికి ఇప్పుడు అసలు చిక్కులు ప్రారంభం కాబోతున్నాయి. జగన్ తీరును ఆసరా చేసుకుని కాళేశ్వరం ప్రాజెక్ట్‌కు జాతీయ హోదా తెచ్చుకునేందుకు తెలంగాణ ప్రయత్నాలు చేస్తోంది. ఆ ప్రాజెక్టుపై ఎవరికి ఎలాంటి అభ్యంతరాలు లేవని చెప్పేందుకు జగన్మోహన్ రెడ్డి సానుకూలతనే ప్రత్యక్ష సాక్ష్యంగాచూపించే ప్రయత్నాలు సాగుతున్నాయి. ఢిల్లీలో గుట్టుగా ఈ వ్యవహారాలు సాగిపోతున్నాయి. ఈ విషయం ఆలస్యంగా గమనించారో… లేక కేసీఆర్‌తో.. సఖ్యత తగ్గిపోయిందేమో కానీ… కాళేశ్వరంకు.. జాతీయ హోదా ఇవ్వొద్దంటూ సుప్రీంకోర్టులో ఏపీ ప్రభుత్వం కౌంటర్ పిటిషన్ దాఖలు చేసింది.

విభజన హామీల విషయంలో… పొంగులేటి సుధాకర్ రెడ్డి దాఖలు చేసిన ఓ పిటిషన్ పై సుప్రీంకోర్టులో విచారణ జరుగుతోంది. దానికి సంబంధించి.. ఏపీ సర్కార్ కౌంటర్ దాఖలు చేసింది. ఇందులోనే… కాళేశ్వరం విషయంలో ఇప్పటి వరకూ ప్రభుత్వం చేసిన తప్పును దిద్దుకునే ప్రయత్నం చేశారు. ఆంధ్రప్రదేశ్‌లోని రైతుల ప్రయోజనాలకు విరుద్ధంగా, విచక్షణా రహితంగా తెలంగాణ చేపట్టిన కాళేశ్వరం ప్రాజెక్టుకు జాతీయ హోదా కల్పించే అంశాన్ని పరిశీలించొద్దని కౌంటర్‌లో ఏపీ ప్రభుత్వం సుప్రీంకోర్టును కోరింది. పోలవరం ప్రాజెక్టుకు సంబంధించి తెలంగాణలోని ముంపు ప్రాంతాలను ఏపీలో కలిపేయడంతో అభ్యంతరాలు చెప్పే హక్కు లేదని పేర్కొంది. పోలవరానికి సంబంధించిన కేసులో తెలంగాణను పార్టీగా పరిగణించాల్సిన అవసరం లేదంది. రీఇంజినీరింగ్‌ పేరుతో కాళేశ్వరం చేపట్టినట్లు చెబుతోంది. ఇది ముమ్మాటికీ నూతన ప్రాజెక్టే. తెలంగాణ నూతన ప్రాజెక్టుల వల్ల పోలవరం, ధవళేశ్వరం బ్యారేజీలపై తీవ్ర ప్రభావం పడుతుందని ఏపీ సర్కార్ వాదిస్తోంది. ఒక్క కాళేశ్వరంనే కాదు.. తెలంగాణ చేపట్టిన ఇతర ప్రాజెక్టులు పాలమూరు-రంగారెడ్డి, డిండి ఎత్తిపోతల పథకాలపైనా అభ్యంతరం వ్యక్తం చేసింది.

ఈ వాదనలు గత ప్రభుత్వం వినిపించినవే. కానీ.. ఇప్పుడు.. కాళేస్వరంపై ఇంత తీవ్ర అభ్యంతరం వ్యక్తం చేస్తున్నారు .. కానీ స్వయంగా ముఖ్యమంత్రి జగన్మోహన్ రెడ్డి ఆ ప్రాజెక్టు ప్రారంభోత్సవానికి వెళ్లారు. కాళేశ్వరంపై అభ్యంతరాల్లేవని.. ఓ ముఖ్యమంత్రి దీని ద్వారా సందేశం ఇచ్చారు. తెలంగాణ సర్కార్ కు ఇంత కంటే గొప్ప ఆయుధం ఇంకేమీ ఉండదు. రేపు సమర్థించుకోవడావికి జగన్మోహన్ రెడ్డికీ అవకాశం ఉండదు. అందుకే.. ముందు ముందు ఏపీ సీఎంగా జగన్ తీసుకున్న నిర్ణయం… చర్చనీయాంశం కాబోతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రియా కాల్ లిస్ట్‌లో రకుల్, రానా ..!

సుశాంత్ సింగ్ రాజ్ పుత్ ఆత్మహత్య కేసులో ప్రధాన నిందితురాలిగా ఉన్న రియా చక్రవర్తి కాల్ లిస్ట్‌లో టాలీవుడ్ ప్రముఖులు కూడా ఉన్నారు. బాలీవుడ్ స్టార్లు కూడా ఉన్నారు. కాల్ లిస్ట్‌ను బయటకు...

నన్ను సస్పెండ్ చేయండి ప్లీజ్: జనసేన ఎమ్మెల్యే రాపాక

జనసేన ఎమ్మెల్యే రాపాక వరప్రసాద్ " నేను మొదటి నుండి వైఎస్ఆర్సిపి మనిషినే" అని నిన్న చేసిన వ్యాఖ్యలు సంచలనం సృష్టించిన సంగతి తెలిసిందే. ఎన్నికల ముందే తాను వైఎస్ఆర్సిపి టికెట్ కోసం...

ఏపీ పోలీసుల పనితీరు రాష్ట్రపతి భవన్‌ వరకూ వెళ్లింది..!

ఆంధ్రప్రదేశ్ పోలీసులకు బ్యాడ్ టైం కొనసాగుతోంది. వరుసగా సీబీఐ విచారణలకు తోడు... రాజకీయ కారణాలతో ప్రాథమిక హక్కులను హరిస్తున్నారన్న ఫిర్యాదులు రాష్ట్రభవన్ వరకూ వెళ్లాయి. తూర్పుగోదావరి జిల్లా సీతానగరం పోలీస్ స్టేషన్‌లో ప్రసాద్...

క‌రోనాని జ‌యించిన జ‌క్క‌న్న కుటుంబం

ప్ర‌ముఖ ద‌ర్శ‌కుడు ఎస్‌.ఎస్.రాజ‌మౌళి, అత‌ని కుటుంబ స‌భ్యుల‌కు క‌రోనా సోకిన విష‌యం తెలిసిందే. రెండు వారాల నుంచి రాజ‌మౌళి, కుటుంబ స‌భ్యులు హోం క్వారెంటైన్‌లోనే ఉంటున్నారు. డాక్ట‌ర్ల ప‌ర్య‌వేక్ష‌ణ‌లో చికిత్స తీసుకుంటున్నారు. ఈరోజు...

HOT NEWS

[X] Close
[X] Close