ప్రగతిభవన్‌పై కరోనా పంజా..ఫామ్‌హౌస్‌లోనే కేసీఆర్..!

తెలంగాణలో కరోనా వైరస్ కలకలం రేపుతోంది. ముఖ్యమంత్రి అధికారిక నివాసం ప్రగతి భవన్‌లోని సిబ్బందికి ఇప్పటి వరకూ ఇరవై మందికి పాజిటివ్‌గా తేలింది. వారం రోజులుగా.. ఒక్కొక్కరిలో లక్షణాలు బయటపడుతూండటంతో.. టెస్టులు చేశారు. కొంత మందికి.. లక్షణాలు లేకపోయినా టెస్టులు చేయించుకున్నారు. మొత్తంగా.. ఇరవై మంది సిబ్బందికి పాజిటివ్‌గా తేలింది. వైరస్ సోకిన వారిలో పలువురు అవుట్‌ సోర్సింగ్‌, సెక్యూరిటీ సిబ్బంది ఉన్నారు. వైద్యాధికారుల పర్యవేక్షణలో.. ప్రగతిభవన్‌ను అధికారులు శానిటైజ్ చేస్తున్నారు. ముఖ్యమంత్రి కేసీఆర్.. ఇటీవలి కాలంలో ఎక్కువగా ఫామ్‌హౌస్‌లోనే ఉంటున్నారు.

ఇప్పుడు ఇక పూర్తిగా ఫామ్‌హౌస్ నుంచే అధికారిక కార్యక్రమాలు నిర్వహిస్తారని ప్రభుత్వ వర్గాలు అంచనా వేస్తున్నాయి. గతంలో ఎక్కువగా ఫామ్‌హౌస్‌లోనే ఉంటున్నప్పటికీ.. అధికారిక సమీక్షలు మాత్రం..ప్రగతి భవన్‌లోనే నిర్వహించేవారు. ప్రెస్‌మీట్లు కూడా పెట్టేవారు. ఇటీవలి కాలంలో… కరోనా కేసులు పెరిగిపోవడంతో… ప్రెస్‌మీట్లు కూడా తగ్గించారు. గత మూడు రోజులుగా.. హైదరాబాద్‌లో లాక్ డౌన్ విధింపుపై.. మంత్రులు.. అధికారులతో చర్చలు జరుపుతున్నారు. అయితే ఏ నిర్ణయానికి రాలేకపోయారు. తెలంగాణలో కరోనా ప్రమాదకరంగా విస్తరిస్తోంది. హైదరాబాద్‌లోనే రోజుకు దాదాపుగా వెయ్యి కేసులు నమోదయ్యే పరిస్థితి వచ్చింది.

తెలంగాణలో వైరస్ నియంత్రణ విషయం ప్రభుత్వం పట్టనట్లుగా ఉంటోందని విమర్శలు ఎదుర్కొంటున్న సమయంలో.. నేరుగా సీఎం అధికారిక నివాసంలో కరోనా తిష్ట వేయడం.. ముఖ్యమంత్రి కూడా…ఫామ్‌హౌస్ నుంచే పాలన చేస్తూండటం… విపక్షాలకు విమర్శల దాడి చేయడానికి మరో అవకాశం కల్పించినట్లయింది. సహజీవనం చేయాల్సిందేనని తెలంగాణ ప్రభుత్వం వాదిస్తూ… అన్ని రకాల కరోనా చర్యలను లైట్ తీసుకుందని కాంగ్రెస్ , బీజేపీ నేతలు ఇప్పటికే విరుచుకుపడుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బిగ్ బాస్ – 4 వాయిదా?

బిగ్ బాస్ రియాలిటీ షో.. తెలుగులోనూ సూప‌ర్ హిట్ట‌య్యింది. ఎన్టీఆర్‌, నాగార్జున‌, నాని లాంటి హోస్ట్ లు దొర‌క‌డంతో బిగ్ బాస్ కి తెలుగు ఆన‌ట ఆద‌ర‌ణ ద‌క్కింది. ఇప్పుడు నాలుగో సీజ‌న్...

చిరంజీవి ని కలవడం పై వివరణ ఇచ్చిన సోము వీర్రాజు

ఆంధ్రప్రదేశ్ బిజెపి అధ్యక్షుడిగా ఈరోజు అధికారికంగా పగ్గాలు చేపట్టారు సోము వీర్రాజు. పార్టీని 2024లో అధికారంలోకి తీసుకురావడానికి కృషి చేస్తానని ఆయన వ్యాఖ్యానించారు. ఈ సందర్భంలో విలేకరులతో మాట్లాడుతూండగా, ఇటీవల చిరంజీవిని...

జగన్ “స్టే” ఆశల్ని వమ్ము చేసిన తప్పుల పిటిషన్..!

మూడు రాజధానుల బిల్లుల అమలుపై హైకోర్టు ఇచ్చిన స్టేటస్‌కోపై స్టే తెచ్చుకుందామనుకున్న ఏపీ సర్కార్‌కు.. కాలం కలసి రావట్లేదు. సుప్రీంకోర్టులో పిటిషన్లు వేస్తున్న ఏపీ ప్రభుత్వ న్యాయ నిపుణులు తప్పుల తడకలుగా వేయడంతో.....

మాకు మహానగరాల్లేవ్.. సాయం చేయండి : జగన్

కేంద్రం నుంచి సాయం పొందాలంటే.. ముఖ్యమంత్రి జగన్మోహన్ రెడ్డి చేసే విజ్ఞప్తులు కాస్త భిన్నంగా ఉంటాయి. కరోనా వైరస్ ఎక్కువ ప్రభావం చూపుతున్న పది రాష్ట్రాల సీఎంలతో ప్రధాని మోడీ వీడియో...

HOT NEWS

[X] Close
[X] Close