గోదావరికి జీవనది కళ వచ్చిందన్న కేసీఆర్..!

కాళేశ్వరం ప్రాజెక్టుతో.. గోదావరి నది జీవనదిలా మారిందని..కేసీఆర్ సంతోషం వ్యక్తం చేశారు. తన మనసు పులకించి పోతోందన్నారు. కాళేశ్వరం ప్రాజెక్టులో భాగంగా మేడిగడ్డ వద్ద ప్రాజెక్టు పని చేస్తూండటంతో.. కేసీఆర్ ప్రాజెక్ట్ సందర్శనకు వెళ్లారు. ప్రాజెక్ట్ తిప్పిపోతల అంటూ… విపక్షాలు చేస్తున్న విమర్శలను..తనదైన వాగ్ధాటితోనే తిప్పికొట్టారు. కాళేశ్వరంలో రివర్స్‌ పంపింగ్‌ జరగడం లేదని.. వాటర్‌ లిఫ్టింగ్‌ మాత్రమే జరుగుతోందని తేల్చిచెప్పారు. 44 ఏళ్ల సెంట్రల్‌ వాటర్‌ కమిషన్‌ రిపోర్టు ఆధారంగానే… కాళేశ్వరం ప్రాజెక్టు రీడిజైన్‌ చేశామని గుర్తు చేశారు. కాళేశ్వరం ద్వారా అదనంగా 400 టీఎంసీల నీటిని ఒడిసిపట్టుకుంటున్నామని.. దీని ద్వారా.. 45 లక్షల ఎకరాలకు నీళ్లు వస్తాయన్నారు. జూన్‌ నుంచి నవంబర్‌ వరకు నెలకు 60 టీఎంసీలు లిఫ్ట్‌ చేస్తామని .. నవంబర్‌ నుంచి జూన్‌ వరకు 40 టీఎంసీలు వాడుకుంటామన్నారు.

గోదావరి నుంచి 400 టీఎంసీలు ఎత్తిపోయడానికి… ఏడాదికి రూ.4,992 కోట్ల కరెంట్‌ బిల్లు చెల్లిస్తామని కేసీఆర్ ప్రకటించారు. మేడిగడ్డ బ్యారేజీ నుంచి ఎల్లంపల్లి బ్యారేజీ వరకు… ప్రతి రోజు 3 టీఎంసీల నీరు పంపింగ్ చేస్తున్నామని… 365 రోజులు ధర్మపురిలో గోదావరి జలాలు ఇలానే ఉంటాయన్నారు. కృష్ణాలో నీటి లభ్యత తక్కువగా ఉంది.. తెలంగాణకు గోదావరే గతి అని కేసీఆర్ తేల్చి చెప్పారు. తెలంగాణ ప్రాజెక్టులకు కేంద్రం ఒక్క రూపాయి ఇవ్వలేదని.. సొంత నిధులతో ప్రాజెక్ట్‌లు పూర్తి చేసుకుంటున్నామని కేసీఆర్ ప్రకటించారు. కొన్ని రాజకీయ శక్తులు కుట్రలు పన్ని 300కి పైగా కేసులు వేశారని అన్నీ అధిగమించి ప్రాజెక్ట్‌లు పూర్తి చేస్తున్నామన్నారు.

ప్రాజెక్టులను పూర్తి చేసి తెలంగాణలో 1.20కోట్ల ఎకరాల భూమిని సస్యశ్యామలం చేస్తామని ధీమా వ్యక్తం చేశారు. ఇవన్నీ హామీలు కాదు, కళ్లముందు కన్పిస్తున్న వాస్తవాలని కేసీఆర్ ప్రకటించారు. ప్రాజెక్టులు ప్రారంభమైనా కరెంట్ సమస్య ఉండబోని..కేసీఆర్ స్పష్టం చేశారు. రామగుండం వద్ద నాలుగు వేల మెగావాట్ల విద్యుత్ ఉత్పత్తి కేంద్రం రెడీ అవుతోందన్నారు. కరెంట్‌ సమస్య లేకుండా పోయిందని అన్ని రంగాలకు నాణ్యమైన కరెంట్‌ ఇస్తున్నామని గుర్తు చేశారు. అంతకు ముందు ధర్మపురి ఆలాయానికి వెళ్లిన కేసీఆర్.. ప్రత్యేక పూజలు చేశారు. ధర్మపురి పట్టాణాభివృద్ధికి రూ.10కోట్లు మంజూరు చేస్తున్నట్లుగా ప్రకటించారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జగన్ సలహాదారులు కి కనీస అవగాహన లేదా ?

ఎస్‌ఈసీగా రమేష్‌కుమార్ తొలగింపు వ్యవహారంలో హైకోర్టు ఇచ్చిన తీర్పు నేపధ్యలో ప్రతిపక్షపార్టీల నేతలు..జగన్మోహన్ రెడ్డి రాజీనామాకు డిమాండ్ చేస్తున్నారు. రాజ్యాంగ విరుద్దంగా ఆర్డినెన్స్ ఇచ్చి... రాజ్యాంగ ఉల్లంఘనకు పాల్పడ్డారని.. పదవిలో ఉండే అర్హత...

దేశం ఆశ్చర్యపోయేలా తెలంగాణ ప్రజలకు తీపి కబురు: కేసీఆర్

తెలంగాణ సీఎం కేసీఆర్.. తెలంగాణ ప్రజలకు త్వరలో ఓ తీపి కబురు చెబుతానని ప్రకటించారు. ఈ మాట ఆయన మామూలుగా చెప్పలేదు. దానికో విశేషణం జోడించారు. అదేమిటంటే.. తాను చెప్పబోయే తీపి కబురు...

బాల‌య్య ఇష్యూ: కేసీఆర్‌పై నెట్టేశారుగా!

`ఇండ్ర‌స్ట్రీ స‌మావేశాల‌కు న‌న్ను పిల‌వ‌లేదు` అన్న బాల‌య్య మాట - ప‌రిశ్ర‌మ‌లో కొత్త వివాదానికీ, కాంపౌండ్ రాజ‌కీయాల‌కు కేంద్ర బిందువు అయ్యింది. బాల‌య్య‌ని పిల‌వ‌క‌పోవ‌డం త‌ప్పే అని ప‌రిశ్ర‌మ‌లో చాలామంది పెద్ద‌లు తేల్చేస్తున్నారు....

ద‌ర్శ‌కేంద్రుడి ‘కాన్సెప్ట్’ ఏమిటి?

న‌మోః వేంక‌టేశాయ త‌ర‌వాత మ‌ళ్లీ మెగాఫోన్ ప‌ట్ట‌లేదు ద‌ర్శ‌కేంద్రుడు. ఆయ‌న సినిమాల‌కు దూరంగానే ఉంటూ వ‌చ్చారు. ద‌ర్శ‌కేంద్రుడు రిటైర్ అయిపోయార‌ని, ఆయ‌న ఇక సినిమాలు చేయ‌ర‌ని వార్త‌లొచ్చాయి. కానీ ఓ మంచి సినిమా...

HOT NEWS

[X] Close
[X] Close