కేసీఆర్ సర్కారు నిర్ణ‌యాన్ని కొట్టేసిన హైకోర్టు..!

కొత్త అసెంబ్లీ భ‌వ‌నం కోసం ఎర్ర‌మంజిల్ భ‌వ‌నాన్ని కూల్చాల‌ని తెరాస స‌ర్కారు అసెంబ్లీలో తీర్మానించిన సంగ‌తి తెలిసిందే. దీన్ని స‌వాలు చేస్తూ హైకోర్టులో దాఖ‌లైన పిటీష‌న్ల‌పై న్యాయ‌స్థానం తీర్పు వెలువ‌రించింది. ఎర్ర‌మంజిల్ భ‌వ‌నాన్ని కూల్చ‌డానికి వీల్లేద‌ని స్ప‌ష్టంగా చెప్పేసింది. ఎర్ర‌మంజిల్ లాంటి వార‌స‌త్వ సంప‌ద భ‌వ‌న నిర్మాణాల్లో మార్పులూ చేర్పులూ చెయ్యాలంటే నిబంధ‌న‌లు త‌ప్ప‌క పాటించాల్సి ఉంటుంద‌ని కోర్టు చెప్పింది. ఎర్ర‌మంజిల్ విష‌యంలో ఆ నిబంధ‌న‌ల‌ను ప్ర‌భుత్వం ప‌రిగ‌ణ‌న‌లోకి తీసుకోకుండానే జూన్ 18 అసెంబ్లీలో తీర్మానం చేసింద‌ని కోర్టు వ్యాఖ్యానించింది. వార‌స‌త్వ భ‌వనాల‌ను కూల‌గొట్ట‌డ‌మంటే ప్ర‌జ‌ల సంప‌ద‌ను ధ్వంసం చేయ‌డ‌మేన‌నీ, హైద‌రాబాద్ చారిత్ర‌క ప్రత్యేక‌త‌ను దెబ్బ‌తీయ‌డ‌మే అవుతుంద‌ని వ్యాఖ్యానించింది.

నిజానికి, అసెంబ్లీ తీసుకున్న నిర్ణ‌యంపై కోర్టు స్పందించ‌వ‌చ్చా… అసెంబ్లీ వ్య‌వ‌హారాల‌పై జోక్యం చేసుకోవ‌చ్చా… ప్ర‌భుత్వం తీసుకున్న విధాన‌ప‌ర‌మైన నిర్ణ‌యాల‌పై న్యాయ స‌మీక్ష‌కు ఆస్కారం ఉందా అనే చ‌ర్చ‌పై కూడా కోర్టు స్పందించింది. ఇలాంటి సంద‌ర్భంలో న్యాయ‌ప‌ర‌మైన జోక్యం ప‌రిమిత‌మే అని చెబుతూనే, కొన్ని ప్ర‌త్యేక సంద‌ర్భాల్లో జోక్యం చేసుకోవ‌చ్చు అంటూ బిజ్ మోహ‌న్ లాల్ వెర్సెస్ యూనియ‌న్ ఇండియా కేసులో సుప్రీం కోర్టు ఇచ్చిన తీర్పును ఉదాహ‌ర‌ణ‌గా చూపించింది. చ‌ట్టాల‌కు లోబ‌డి కేబినెట్ నిర్ణ‌యాలు లేక‌పోతే జోక్యం త‌ప్ప‌ద‌ని స్ప‌ష్టం చేసింది. పురాత‌న క‌ట్ట‌డాలు, వార‌స‌త్వ భ‌వ‌నాల‌ను కాపాడాల్సిన ప్ర‌భుత్వంపై ఉంటుంద‌ని వ్యాఖ్యానించింది.

ఈ కూల్చివేతలు క‌ట్ట‌డాల‌పై ఇప్ప‌టికే ప్ర‌జ‌ల్లో కూడా కొంత వ్య‌తిరేక చ‌ర్చే ఉంది. రాష్ట్రంలో అప్పుల్లో ఉంద‌ని చెబుతూ, ఉన్న భ‌వ‌నాల్ని కూల‌గొట్టుడూ క‌ట్టుడూ అవ‌స‌ర‌మా అనేది చాలామంది అభిప్రాయం. మున్సిప‌ల్ ఎన్నిక‌ల్లో దీన్ని ప్ర‌ధానంగా ప్ర‌చారం చేసుకునే అవ‌కాశం వారికి చిక్కిన‌ట్టే. కోర్టు తీర్పు తెరాస‌కు రాజ‌కీయంగా గ‌ట్టి ఎదురుదెబ్బే అవుతుంది. ఈ నేప‌థ్యంలో విప‌క్షాలు విమ‌ర్శ‌లు అందుకున్నాయి. ముఖ్యంగా జీహెచ్ ఎంసీ ప‌రిధిలో ఇది మంచి ప్ర‌చారాస్త్ర‌మే అవుతుంది. ఈ విమ‌ర్శ‌ల్ని ఎదుర్కోవాలంటే ఏదో ఒక యాంగిల్ ని తెరాస ప‌ట్టుకోవాల్సి ఉంది. కోర్టు తీర్పుపై టి. స‌ర్కారు స్పంద‌న ఎలా ఉంటుందో చూడాలి. అసెంబ్లీ తీసుకున్న నిర్ణ‌యంపై న్యాయ వ్య‌వ‌స్థ జోక్యం చేసుకోవ‌డం అనే అంశం మీద తెరాస ఎదురుదాడికి దిగుతుందేమో మ‌రి!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీఆర్ఎస్‌లో ఉండను : మల్లారెడ్డి

బీఆర్ఎస్‌లో ఉండేది లేదని మల్లారెడ్డి ప్రకటించారు. తాను పూర్తి స్థాయి రాజకీయ నాయకుడ్ని కాదని.. పార్ట్ టైమ్ రాజకీయ నేతను.. పూర్తి స్థాయి వ్యాపారవేత్తనని చెప్పుకొచ్చారు. తన వ్యాపారాలకు రక్షణ కోసమైనా...

లేటుగా వ‌చ్చినా ప్ర‌తాపం చూపిస్తున్న‌ ‘హ‌నుమాన్’

ఈ యేడాది సంక్రాంతికి విడుద‌లైన `హ‌నుమాన్` బాక్సాఫీసు ద‌గ్గ‌ర కొత్త రికార్డులు సృష్టించింది. చిన్న సినిమాగా వ‌చ్చి ఏకంగా రూ.300 కోట్ల మైలు రాయిని అందుకొంది. ఇప్పుడు ఓటీటీలో ప్ర‌త్య‌క్ష‌మైంది. ఇక్క‌డా.. 'హ‌నుమాన్‌'...

స‌మంత భ‌య‌పెట్టేస్తోంది

క‌థానాయిక‌ల పారితోషికంపై ఎప్పుడూ ఎడ‌తెగ‌ని చ‌ర్చ జ‌రుగుతూనే ఉంటుంది. స్టార్ హోదా వ‌చ్చిన క‌థానాయిక‌లు ఎప్ప‌టి క‌ప్పుడు త‌మ రేట్ల‌ని పెంచుకొంటూ పోతుంటారు. డిమాండ్ - అండ్ స‌ప్లై సూత్రం ప్ర‌కారం నిర్మాత‌లూ...

ఎన్డీఏ కూటమికి మందకృష్ణ సపోర్ట్ !

మాదిగ రిజర్వేషన్ పోరాట సమితి ఎన్డీఏ కూటమికి మద్దతు తెలిపింది. ఎమ్మార్పీఎస్ నేత మంద కృష్ణ ఈ మేరకు అధికారికంగా ప్రకటన చేశారు. చంద్రబాబు హయాంలో మాదిగలకు మేలు...

HOT NEWS

css.php
[X] Close
[X] Close