కేసీఆర్ సారూ… ఏది తేల్చరు…!?

తెలంగాణ ముఖ్యమంత్రి కల్వకుంట్ల చంద్రశేఖర రావుపై తెలంగాణ రాష్ట్ర సమితి అగ్ర నాయకుల్లో అసహనం పెరుగుతోంది. పదవుల పందారంతో సహా మిగిలిన అన్ని విషయాల్లోనూ సీఎం కేసీఆర్ తీవ్ర జాప్యం చేస్తున్నారంటూ సీనియర్ నాయకులు వాపోతున్నారు. మొదటిసారి అధికారంలోకి వచ్చినప్పుడు అనుభవ రాహిత్యంతో పాటు జాగ్రత్తగా వ్యవహరిస్తున్నారని ముందుగా అనుకున్నారు. గడచిన ఐదేళ్లలో పాలనాపరంగా రాటు దేలిన కేసీఆర్ రెండోసారి అధికారంలోకి వచ్చిన తర్వాత అంతగా ప్రభావం చూపించలేకపోతున్నారు అంటున్నారు. తెలంగాణలో రెండోసారి అధికారపగ్గాలు చేపట్టిన కేసీఆర్ గతంలో చూపించిన దూకుడు ప్రదర్శించే లేకపోతున్నారన్నది పార్టీ సీనియర్ నాయకులు అభిప్రాయంగా చెబుతున్నారు. కఠినంగా వ్యవహరించాల్సిన అంశాల్లో ఉదాసీనంగా ఉండటం, సత్వరమే నిర్ణయాలు తీసుకోవాల్సిన అంశాలు పట్టించుకోకపోవడం వంటివి చేస్తున్నారని పార్టీ నాయకులు అభిప్రాయ పడుతున్నారు. పైకి గంభీరంగా ఉన్నట్టు మాట్లాడుతున్నా లోలోపల మాత్రం ఇంటి సెగ ఆయనను వేధిస్తోందని సీనియర్లు చెబుతున్నారు. తన కుమారుడు, ఐటీ శాఖ మంత్రి కల్వకుంట్ల తారక రామారావును తన వారసుడిగా కేసీఆర్ ప్రకటించాలనుకున్నా దానికి సమయ సందర్భాలు ఉన్నాయని కేసీఆరే సీనియర్ల వద్ద చాలాసార్లు చెప్పారని వార్తలు వచ్చాయి. అయితే పరిస్థితులు ఇందుకు విరుద్ధంగా ఉన్నాయి. సాధ్యమైనంత త్వరగా కేటీఆర్ ను ముఖ్యమంత్రిగా ప్రకటించాలంటూ ఇంటిపోరు ఎక్కువైంది అంటున్నారు. లోక్ సభ ఎన్నికలలో కుమార్తె కల్వకుంట్ల కవిత ఓడిపోవడం కూడా కేసీఆర్ కు తలనొప్పులు తెచ్చి పెడుతోందని సమాచారం. ఎన్నికల్లో ఓటమి చవి చూసిన కుమార్తె కల్వకుంట్ల కవితకు సముచిత స్థానం కట్ట పెట్టాలంటూ డిమాండ్లు వస్తున్నాయి. దీంతో కేసీఆర్ కుమారుడు, ఇటు కుమార్తెల మధ్య కేసీఆర్ నలిగిపోతున్నారని పార్టీ నాయకులు అంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తేగేదాకా లాగుతున్న సర్కార్-ఎస్‌ఈసీ..!

ఆంధ్రప్రదేశ్‌లో రాజ్యాంగసంక్షోభ సూచనలు చాలా స్పష్టంగా కనిపిస్తున్నాయి. ఎన్నికల నిర్వహణకు హైకోర్టు కూడా స్పష్టమైన ఉత్తర్వులు ఇచ్చిన తర్వాత ప్రభుత్వం.. అధికారులు సహకరించడానికి ఏ మాత్రం సిద్ధంగా లేరు. అదే సమయంలో ఎస్‌ఈసీ...

గ్రేటర్ పీఠం కైవసానికి టీఆర్ఎస్ స్కెచ్ రెడీ ..!

గ్రేటర్ హైదరాబాద్ మేయర్ పదవిని అలా వదిలేయడానికి తెలంగాణ రాష్ట్ర సమితి పెద్దలకు మనస్కరించలేదు. ఎలాగోలా పీఠంపై గులాబీ నేతను కూర్చోబెట్టాల్సిందేనని డిసైడయ్యారు. ఎన్నికలు ముగిసి చాలా కాలం అవుతున్నా.. పాత కార్యవర్గానికి...

ధిక్కరణకే సర్కారు మొగ్గు..!

పంచాయతీ ఎన్నికల విషయంలో హైకోర్టు స్పష్టమైన తీర్పు ఇచ్చినప్పటికీ.. ఎస్‌ఈసీకి సహకరించకూడదని ప్రభుత్వం నిర్ణయించుకుంది. ఈ మేరకు అధికారులకు తేల్చి చెప్పడంతో వారెవరూ.. ఎస్‌ఈసీతో కనీసం సమావేశానికి కూడా ఆసక్తి చూపడంలేదు. పంచాయతీ...

వెంటిలేటర్‌పై శశికళ..!

ఇరవై ఏడో తేదీన చిన్నమ్మ విడుదలవుతుంది.. తమిళనాడు అసెంబ్లీ ఎన్నికలను దున్ని పారేస్తుందని... తమిళ మీడియా జోరుగా విశ్లేషిస్తున్న సమయంలో అనూహ్యంగా శశికళ తీవ్ర అనారోగ్యానికి గురయ్యారు. ఆమెకు శ్వాస సమస్య...

HOT NEWS

[X] Close
[X] Close