అమిత్ షాతో భేటీకి కేసీఆర్ డుమ్మా..! ఇంకా మెత్తబడలేదా..?

తెలంగాణ సీఎం కేసీఆర్… పాత మిత్రులు భారతీయ జనతా పార్టీ అగ్రనేతలు నరేంద్రమోడీ, అమిత్ షాలకు ఎదురు పడేందుకు ఇప్పటికీ ఆసక్తి చూపించడం లేదు. ఈ విషయం మరోసారి స్పష్టమయింది. ఢిల్లీలో మావోయిస్టు ప్రభావిత ప్రాంతాలు ఉన్న రాష్ట్రాల ముఖ్యమంత్రులతో… హోంమంత్రి అమిత్ షా.. ఓ సమావేశం ఏర్పాటు చేశారు. దానికి ఆంధ్రప్రదేశ్ సీఎం జగన్మోహన్ రెడ్డి సహా… యూపీ సీఎం యోగి ఆదిత్యనాథ్‌, జార్ఖండ్‌ సీఎం రఘుబర్‌ దాస్‌, మధ్యప్రదేశ్‌ సీఎం కమల్‌నాథ్‌, ఒడిశా సీఎం నవీన్‌ పట్నాయక్‌, చత్తీస్‌గఢ్‌ సీఎం భాఘెల్‌, బిహార్‌ సీఎం నితీష్‌ కుమార్‌ హాజరయ్యారు. తెలంగాణ నుంచి మాత్రం..కేసీఆర్ హాజరు కాలేదు. ఆయనకు బదులుగా.. డిప్యూటీ సీఎం మహమూద్ అలీని పంపించారు.

కేసీఆర్ హైదరాబాద్‌లో తీరిక లేనంత కార్యక్రమాల్లో ఏమీ లేరని.. అయినప్పటికీ.. ఉద్దేశపూర్వకంగానే.. ఆయన ఢిల్లీకి వెళ్లలేదని అంటున్నారు. ముందస్తు అసెంబ్లీ ఎన్నికల వరకూ.. బీజేపీకి దాదాపుగా మిత్రపక్షంగా వ్యవహరించిన టీఆర్ఎస్.. ఆ తర్వాత మాత్రం.. ప్రత్యర్థిగా మారిపోయింది. పార్లమెంట్ ఎన్నికల నాటికి… పూర్తి రాజకీయ ప్రత్యర్థిగా మారడంతో…రాజకీయం కూడా మారిపోయింది. అప్పటి వరకూ బీజేపీ అగ్రనేతలతో రాసుకుపూసుకు తిరిగిన టీఆర్ఎస్ అధినేత.. ఆ తర్వాత మాత్రం దూరంగా ఉంటున్నారు. ప్రధానమంత్రి ప్రమాణస్వీకారోత్సవానికి కూడా వెళ్లలేదు.

ఆ తర్వాత కొన్ని అత్యున్నత సమావేశాల్లో.. పాల్గొనేందుకు కేసీఆర్ కు ఆహ్వానం అందినప్పటికీ.. ఆయన కేటీఆర్ నో.. మరొకర్నో పంపారు కానీ.. తాను మాత్రం వెళ్లలేదు. కేంద్రంలో మోడీ రెండో సారి ప్రధానిగా బాధ్యతలు చేపట్టి మూడు నెలలు గడుస్తున్నప్పటికీ.. మర్యాదపూర్వకంగా ఒక్కసారి కూడా సమావేశం కాలేదు. అయితే రాజ్యసభ లో.. కొన్ని కీలకమైన బిల్లుల విషయంలో… టీఆర్ఎస్ .. బీజేపీకి మద్దతు ఇచ్చింది. అప్పట్నుంచి రెండు పార్టీల మధ్య సుహృద్భావ వాతావరణం ఏర్పడుతుందనుకున్నారు కానీ.. అలాంటిదేమీ లేదని.. కేసీఆర్ ఢిల్లీకి వెళ్లకపోవడంతోనే తేలిపోయిందంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో కరోనా మరణమృదంగం..! ఆపడానికి ప్రయత్నాల్లేవా..?

ఆంధ్రప్రదేశ్‌లో మరణాలు రెండు వేలు దాటిపోయాయి. గత రెండు రోజులుగా.. రోజుకు కొద్దిగా తక్కువగా వంద మంది ప్రాణాలు కోల్పోతున్నారు. కరోనా వైరస్ అనేది ప్రాణాంతకం కాదని... చికిత్స చేస్తే పోతుందని ప్రభుత్వం...

“అప్పడం వ్యాక్సిన్” కనిపెట్టిన కేంద్రమంత్రికే కరోనా..!

కరోనా వైరస్‌కు ప్రపంచ ప్రఖ్యాత శాస్త్రవేత్తల దగ్గర్నుంచి భారతీయ జనతా పార్టీ నేతల వరకూ..అందరూ.. మందు కనిపెట్టే పనిలో బిజీగా ఉన్నారు. సైంటిస్టులు ఇంకా కుస్తీలు పడుతున్నారు కానీ.. భారతీయ జనతా పార్టీ...

టీటీడీపై కరోనా పడగ..! బ్రహ్మోత్సవాలు ఎలా..?

తిరుమల తిరుపతి దేవస్థానం ఉద్యోగుల్లో 743 మంది కరోనా బారిన పడ్డారు. వీరిలో ముగ్గురు ప్రాణాలు కోల్పోయారు. ఈ ముగ్గురిలో ఓ అర్చకుడు కూడా ఉన్నారు. అర్చకుల్లో సగం మందికిపైగా వైరస్ బారిన...

తప్పు యాజమన్యాలది .. పరిహారం మాత్రం ప్రజల సొమ్మా..!?

ఆంధ్రప్రదేశ్ ప్రభుత్వం ఏదైనా హై ప్రోఫైల్ ప్రమాదం జరిగితే ముందుగా... భారీగా నష్ట పరిహారం ప్రకటించడానికి ఉత్సాహపడుతోంది. ముందూ వెనుక ఆలోచించకుండా.. ఎంత మంది చనిపోయారో తెలియకుండానే.. ఆ ప్రమాద వార్త హైలెట్...

HOT NEWS

[X] Close
[X] Close