వింటే బుజ్జ‌గించాలి… విన‌కుంటే బ‌హిష్క‌రించాల‌న్న సీఎం!

తెలంగాణ భ‌వ‌న్ లో పార్టీ ఎమ్మెల్యేలతో ముఖ్యమంత్రి కేసీఆర్ స‌మావేశం నిర్వ‌హించారు. ప్రారంభ‌మే కొంత‌మంది ఎమ్మెల్యేల‌కు క్లాస్ పీక‌డంతో మొద‌లైంది. స‌మావేశానికి ఆల‌స్యంగా కొంత‌మంది రావ‌డంతో, సీఎం కాస్త అసంతృప్తికి గుర‌య్యారు. ముందురోజు సాయంత్ర‌మే అంద‌ర్నీ హైద‌రాబాద్ చేరుకోవాలంటూ ఆదేశించినా.. కొంత‌మంది ఆల‌స్యంగా రావ‌డం సీఎం అస‌హ‌నానికి కార‌ణ‌మైంది. స‌మావేశానికి హాజ‌రైన ఎమ్మెల్యేలు వారి ప‌రిధిలోని మున్సిపాలిటీల్లో ఎవ‌రికి టిక్కెట్లు ఇవ్వ‌బోతున్నారు, ఎవ‌రిని ఛైర్మ‌న్లుగా ప్ర‌తిపాదిస్తున్నారు అనేది ఖ‌రారు చేసి తెచ్చిన జాబితాల‌ను సీఎంకి ఇచ్చారు. ఈ సమావేశంలో ఎమ్మెల్యేల‌కి ఎ, బి ఫార‌మ్స్ ని ముఖ్య‌మంత్రి కేసీఆర్ అందించారు. అనంత‌రం మాట్లాడుతూ… తెరాస‌కు రాష్ట్ర‌మంతా అనుకూలంగా ఉంద‌న్నారు. మున్సిప‌ల్ ఎన్నిక‌ల్లో గెలుపును ఎమ్మెల్యేలంతా అత్యంత ప్ర‌తిష్టాత్మ‌కంగా తీసుకోవాల్సి ఉంటుంద‌న్నారు.

ప్ర‌ధానంగా రెబెల్స్ గురించి ఎక్కువసేపు స‌మావేశంలో చ‌ర్చ జరిగిన‌ట్టు స‌మాచారం. పార్టీ నుంచి టిక్కెట్లు ఆశిస్తున్న‌వారు పెద్ద సంఖ్య‌లో ఉన్నారు కాబ‌ట్టి, రెబెల్స్ బెడ‌ద ఉంటుంద‌ని సీఎం అన్నారు. మ‌రో నాలుగేళ్ల‌పాటు తెలంగాణలో తెరాస అధికారంలో ఉంటుంది కాబ‌ట్టి, ఇత‌ర ప‌దవులు లేదా ఇత‌ర అంశాల విష‌యంలో పార్టీ నుంచి ఏదో ఒక ‌ర‌క‌మైన మేలు క‌చ్చితంగా జ‌రుగుతుంద‌ని వారికి హామీ ఇచ్చి బుజ్జ‌గించాలంటూ ఎమ్మెల్యేల‌కు సీఎం సూచించిన‌ట్టు తెలుస్తోంది. రాబోయే రోజుల్లో ఎన్నిక‌లు లేక‌పోయినా పార్టీ ప‌ద‌వులు చాలా ఉంటాయ‌ని చెప్పాల‌న్నారు. ఇది త‌న మాట‌‌గా రెబెల్స్ కి చెప్పి పోటీని విమ‌ర‌మింప‌జేయాల‌ని ఎమ్మెల్యేల‌కు సీఎం చెప్పారు. ఒక‌వేళ అప్ప‌టికీ విన‌కుంటే… అలాంటివారిని పార్టీ నుంచి వేటు వెయ్యాల‌ని కూడా చెప్పిన‌ట్టు తెలుస్తోంది. అంతేకాదు, ఈ సంద‌ర్భంలో వేటుప‌డ్డ‌వారిని భ‌విష్య‌త్తులో ఎట్టి ప‌రిస్థితుల్లో తిరిగి తెరాస‌లోకి తీసుకునే అవ‌కాశం ఉండ‌ద‌నేది కూడా స్ప‌ష్టంగా తెలియ‌జేయాల‌ని సీఎం ఆదేశించిన‌ట్టు స‌మాచారం.

తెరాస‌కి మున్సిపోల్స్ లో రెబెల్స్ బెడ‌ద తీవ్రంగానే ఉందనేది ముఖ్య‌మంత్రి మాట‌ల్లో అర్థ‌మౌతోంది. రెబెల్స్ ఇత‌ర పార్టీల‌వైపున‌కు వెళ్లే ఆలోచ‌న చేయ‌కుండా క‌ట్ట‌డి చేయాల‌నే వ్యూహం క‌నిపిస్తోంది. బుజ్జ‌గించాలి, లేదంటే భ‌విష్య‌త్తుపై భ‌యం క‌లిగించేలా హెచ్చ‌రిస్తూ బ‌హిష్క‌రించాల‌ని భావిస్తున్నారు. అయితే, ఇప్ప‌టికే త‌మ నియోజ‌క వ‌ర్గాల్లో చాలావ‌ర‌కూ రెబెల్స్ ని బుజ్జ‌గించేశామ‌ని, రాబోయే రెండు మూడు రోజుల్లో ఆ చ‌ర్చే ఉండ‌ద‌ని కొంత‌మంది ఎమ్మెల్యేలు స‌మావేశం అనంత‌రం మీడియాతో చెప్పారు. చూడాలి.. సీఎం ఆదేశాలు ఏర‌కంగా ప‌నిచేస్తాయో?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close