సంజయ్ పాదయాత్ర ఔట్.. కిషన్ రెడ్డి ఆశీర్వాద్ యాత్ర ఇన్..!

తెలంగాణ బీజేపీలో జరుగుతన్న వర్గ పోరులో కిషన్ రెడ్డిదే పైచేయి అయింది. ఆయన జన ఆశీర్వాద్ యాత్ర చేపట్టాలని నిర్ణయించుకోవడంతో .. తెలంగాణ బీజేపీ అధ్యక్షుడు బండి సంజయ్ చేయాలని తలపెట్టిన పాదయాత్రను వాయిదా వేయక తప్పలేదు. ఈ నెల 9వ తేదీన చార్మినార్ భాగ్యలక్ష్మి ఆలయం నుంచి పాదయాత్ర ప్రారంభించాలని బండి సంజయ్ ముందుగా నిర్ణయించుకున్నారు. ఇందు కోసం పార్టీ పరంగా కమిటీలు నియమించారు. ఏర్పాట్లు కూడా పూర్తి చేసుకున్నారు. అయితే అనూహ్యంగా కిషన్ రెడ్డి.. తాను జన ఆశీర్వాద్ యాత్ర చేయాలని నిర్ణయించుకున్నారు.

అయితే ఈ జనఆశీర్వాద్ యాత్ర.. కిషన్ రెడ్డి సొంతంగా నిర్ణయించుకుది కాదు. హైకమాండ్ నిర్దేశించింది. కొత్త మంత్రులందరూ ప్రజల్లోకి వెళ్లడానికి ఈ కార్యక్రమానికి రూపకల్పన చేశారు. ఇందులో భాగంగా ఒక్కో కేంద్రమంత్రి మూడు, నాలుగు లోక్‌సభ నియోజకవర్గాలను కవర్ చేసేలా పర్యటనలు చేయనున్నారు. ఆగస్టు పదహారు నుంచి మూడురోజుల పాటు యాత్ర సాగుతుంది. ఈ యాత్రకు ఎంపీలు అందరూ అందుబాటులో ఉండాలని బీజేపీ హైకమాండ్ స్పష్టం చేయడంతో బండి సంజయ్‌కు మరో మార్గం లేకుండా పోయింది. తెలంగాణ బీజేపీలో బండి సంజయ్.. తారాజువ్వలా దూసుకు వచ్చారు. ఘాటైన వ్యాఖ్యలతో కేసీఆర్‌పై విరుచుకుపడి… ఓ ఇమేజ్ తెచ్చుకున్నారు.

అయితే ఎప్పుడైతే ఆయన ఎదుగుదల చాలా ఫాస్ట్‌గా జరిగిందో.. అది పార్టీలోని ఇతర సీనియర్లకు ఆయనను దూరం చేసింది. అప్పటి నుండి బండి సంజయ్‌కు గడ్డు కాలం వచ్చింది. ఆయన ఏం చేద్దామనుకున్నా కలసి రావడం లేదు. కిషన్ రెడ్డితో ఆయనకు పొసగడం లేదన్న ప్రచారం కూడా ప్రారంభమయింది. ఈ క్రమంలో ఆయన పాదయాత్ర సాధ్యం కాదన్న చర్చ నడుస్తోంది. ఈ లోపే ఆయన ప్రారంభించతలపెట్టిన పాదయాత్రను వాయిదా వేసుకోవాల్సి వచ్చింది. 24వ తేదీన పాదయాత్ర ప్రారంభిస్తానని ఆయన చెబుతున్నారు కానీ అది సాధ్యం కాదని బీజేపీ నేతలే చెప్పుకునే పరిస్థితి ఏర్పడింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఎయిడెజ్ కాలేజీలపై ప్రభుత్వ విధానంతో మైనస్సే !

దశాబ్దాలుగా విద్యా సేవ అందిస్తున్న ఎయిడెడ్ కాలేజీలను అయితే ప్రభుత్వానికి స్వాధీనం చేయాలి లేకపోతే ప్రైవేటుగా నిర్వహించుకోవాలని ప్రభుత్వం ఆదేశించడం ఇప్పుడు రాష్ట్ర వ్యాప్తంగా చర్చనీయాంశం అవుతోంది. ఎయిడెడ్ కాలేజీలు ప్రభుత్వానివిగానే సాగుతున్నాయి....

తెలంగాణలో కూడా ప్రభుత్వ మటన్ !

ఏపీ ప్రభుత్వం మటన్ మార్టుల పేరుతో ఓ కాన్సెప్ట్‌ను ‌తమ అధికార మీడియా ద్వారా ప్రజలకు తెలియచెబితే జరిగిన రచ్చ అంతా ఇంతా కాదు. చివరికి పశుసంవర్థక మంత్రి అలాంటి ఆలోచనలేదని. అలా...

కేశినేనివి బెదిరింపులా ? నిజంగానే విరక్తి చెందారా ?

కేశినేని నాని ఇక ఎన్నికల్లో పోటీ చేయకూడదని నిర్ణయించుకున్నట్లుగా టీడీపీని వ్యతిరేకించే.. వైసీపీకి దగ్గరగా ఉండే మీడియాలో ప్రచారం జరిగింది. ఆయనే ఈ విషయాన్ని చెప్పినట్లుగా ఆ మీడియా చెప్పుకొచ్చింది. తన ఆశక్తతను...

టీ కాంగ్రెస్ సీనియర్ల అసంతృప్తి కూడా కామెడీ అయిపోతోందా !?

తెలంగాణ కాంగ్రెస్‌లో సీనియర్లుగా చెలామణి అయ్యే కొంత మంది నాయకులను రేవంత్ రెడ్డి ప్రణాళిక ప్రకారం సైడ్ చేస్తున్నట్లుగా ఉన్నారు. కలసి వస్తే సరే లేకపోతే వారి అసంతృప్తిని కూడా లెక్కలోకి రాకుండా...

HOT NEWS

[X] Close
[X] Close