కేసుల ఆందోళన..! కోడెలకు గుండెపోటు..!

మాజీ స్పీకర్ కోడెల శివప్రసాదరావు గుండెపోటుతో ఆస్పత్రి పాలయ్యారు. నిన్న రాత్రి సమయంలో.. హఠాత్తుగా ఆయన ఒళ్లంతా చెమటలు పట్టి.. శ్వాస పీల్చుకోవడం.. కష్టంగా మారడంతో కుటుంబసభ్యులు హుటాహుటిన ఆస్పత్రికి తరలించారు. గుండెపోటు వచ్చిందని గుర్తించి చికిత్స ప్రారంభించారు. ప్రాణానికి ప్రమాదం లేదని డాక్టర్లు చెబుతున్నారు. ఏపీలో ప్రభుత్వం మారిన తర్వాత.. అత్యంత ఎక్కువగా … వేధింపులు ఎదుర్కొంటోన్నది ఆయనే. గత రెండున్నర నెలల కాలంలో.. ఆయనపై.. ఆయన కుటుంబంపై… పదుల సంఖ్యలో కేసులు పెట్టారు. ఎన్ని కేసులు పెట్టారో.. ఎవరెవరు వచ్చి కేసులు పెడతారో.. ఎవరికీ లెక్కలేదు. చివరికి అసెంబ్లీ ఫర్నీచర్‌ను ఆయన తీసుకెళ్లిపోయారంటూ.. కేసు నమోదు చేసేందుకు సిద్ధమవుతున్నారు.

అదే సమయంలో.. ప్రభుత్వం వైపు నుంచి ఆయన ఆర్థిక మూలాలను దెబ్బకొట్టే చర్యలు కూడా ప్రారంభమయ్యాయి. ఆయన కుమారుడు నిర్వహిస్తున్న హీరోహోండా షోరూమ్‌లో.. టీఆర్ నెంబర్లు లేకుండా బైక్‌లు విక్రయించారంటూ.. కేసు నమోదు చేశారు. షోరూంను సీజ్ చేశారు. అలాంటి… బైక్‌లను టీఆర్ నెంబర్లు.. రిజిస్ట్రేషన్లు లేకుండా అమ్మడం ఎలా సాధ్యమో.. రవావాణా రంగంలో ఉన్న వారెవరూ ఊహించలేరు. దీనికి సంబంధించి.. హైకోర్టులో ఆధారాలు చూపించలేకపోయారు ఆర్టీఏ అధికారులు. ఇలాంటివి చాలా ఉన్నాయి. కోడెల శివప్రసాదరావును టార్గెట్ గా పెట్టుకుని ప్రభుత్వం.. కొంత మందిని ప్రత్యేకంగా.. ఓ గ్రూప్‌గా ఏర్పాటు చేసిందని.. చెబుతున్నారు. ఆయనను ఎలా.. టార్గెట్ చేయాలో.. రోజు వారికీ దిశానిర్దేశం జరుగుతుందని.. అంటున్నారు. వారు చెప్పినట్లుగానే… రోజూ.. కోడెల కుటుంబంపై.. ఏదో విధమైన.. చర్య ప్రభుత్వంపై కనిపిస్తోంది. మీడియా కూడా.. దుష్ప్రచారం చేస్తోందన్న బాధ కోడెలలో ఉందంటున్నారు.

కోడెల … ఫ్యాక్షన్ తరహా రాజకీయాలను ఎదుర్కొని నిలబడిన నేత. పల్నాడులో ఒకప్పుడు.. కాంగ్రెస్ మినహా.. ఏ నేత కూడా… బతికి బట్టకట్టలేని పరిస్థితి ఉన్నప్పుడు.. టీడీపీ తరపున రంగంలోకి దిగి… దాడుల రాజకీయాలను.. ధీటుగా ఎదుర్కొన్నారు. తిరుగులేని నేతగా ఎన్నికయ్యారు. వైఎస్ హయాంలో నియోజకవర్గాల పునర్విభజన కారణంగా.. ఆయనకు పట్టున్న గ్రామాలన్నీ.. వేరే నియోజకవర్గాల్లో చేరడంతో.. రాజకీయంగా ఒడిదుడుకులు ఎదుర్కొంటున్నారు. ఇప్పుడు.. వేధింపుల కారణంగా.. ఆస్పత్రి పాలవ్వాల్సి వచ్చింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close