కొత్తపలుకు : జగన్‌కు ఆర్కే సవాల్..!

ఆంధ్రజ్యోతి మేనేజింగ్ డైరక్టర్ వేమూరి రాధాకృష్ణ … అనుకున్నట్లుగానే ఈ వారం.. ఏపీ సీఎం జగన్మోహన్ రెడ్డిని సూటిగా గురిపెట్టారు. తన వారంతాపు ఆర్టికల్ “కొత్త పలుకు”లో.. అవినీతిపై విచారణకు సవాల్ విసిరారు. ఆంధ్రజ్యోతికి కేటాయించిన భూమిని వెనక్కి తీసుకుంటూ.. కేబినెట్ నిర్ణయం తీసుకోవడం.. ఆంధ్రజ్యోతిపై సమాచార, ప్రసారశాఖ మంత్రి పేర్ని నాని అనుచిత వ్యాఖ్యలు చేయడంతో.. రాధాకృష్ణ.. తన వారాంతపు ఆర్టికల్‌లో.. జగన్ ను టార్గెట్ చేస్తారని అందరూ భావించారు. దానికి తగ్గట్లుగానే ఆ భూమి విషయంలో తన వాదన వినిపించిన వేమూరి రాధాకృష్ణ.. జగన్మోహన్ రెడ్డికి సవాల్ చేశారు. రూ. 43వేల కోట్ల అవినీతికి పాల్పడినట్లు సీబీఐ నిర్ధారించిన జగన్.. అందరికీ అవినీతి ముద్ర పూయాలనుకోవడం హాస్యాస్పదమన్నారు. తన భూమి విషయంలో ప్రభుత్వం చేసిన ఆరోపణలను నిరూపిస్తే.. ఆ భూమితో పాటు.. దాని కోసం కట్టిన రూ. 50 లక్షలు వదులుకుంటాని సవాల్ చేశారు. మరి జగన్మోహన్ రెడ్డి రూ. 43వేల కోట్ల అవినీతికి ఏం సమాధానం చెబుతారని ప్రశ్నించారు.

ఈ క్రమంలో.. తాను ఎంత సచ్చీలుడినో చెప్పుకునేందుకు వైఎస్ హయాంలో.. తనకు ఇవ్వబోయిన ఓ తాయిలం గురించి ఆర్కే బయట పెట్టారు. వైఎస్ సీఎంగా ఉన్న సమయంలో.. స్వయంగా జగన్మోహన్ రెడ్డి తన అనుచరులతో.. జూబ్లిహిల్స్‌ చెక్ పోస్ట్ దగ్గర అత్యంత విలువైన స్థలాన్ని ఆంధ్రజ్యోతికి కేటాయించేందుకు సిద్ధమని సమాచారం పంపారట. అయితే.. దానికి కొన్ని షరతులు పెట్టారంటున్నారు. దానికి తాను అంగీకరించలేదని.. అందుకే స్థలం పొందలేదని.. అదే తన నిజాయితీకి గుర్తని.. ఆర్కే చెప్పుకొచ్చారు.

అయితే.. రాధాకృష్ణ.. ఈ అంశాన్ని హైలెట్ చేసినప్పటికీ… మొదట్లో మాత్రం తనది ప్రజాప్రయోజనాల బాణి అని చెప్పేందుకు… రెండు తెలుగు రాష్ట్రాల ప్రభుత్వాలపైనా విమర్శలు చేశారు. సంక్షేమ పథకాల పేరుతో.. మింగ మెతుకు లేదు కానీ.. మీసాలకు సంపెంగ నూనె తరహాలో.. ప్రజాధనాన్ని పప్పుబెల్లాల్లా పంచి పెడుతున్నారని విమర్శలు గుప్పించారు. అప్పులు చేసి మరీ… ఇలా ప్రజలకు డబ్బులు పంచుతూ పోతే.. ఎదురయ్యే పరిస్థితులపై ఆందోళన వ్యక్తం చేశారు. రెండు తెలుగు రాష్ట్రాల్లోనూ బుద్ది జీవులు స్పందించాలని… పిలుపునిచ్చారు.

తాను తెలుగుదేశం పార్టీకి మద్దతుగా ఉంటానన్న విషయాన్ని.. ఆర్టికల్‌లో వేమూరి రాధాకృష్ణ బహిరంగంగా ఒప్పుకున్నారు. తాను.. ఎన్టీఆర్ హయాం నుంచి జర్నలిజంలో ఉన్నానని… అప్పట్లో ఎన్టీఆర్.. ఆ తర్వాత చంద్రబాబు హైదరాబాద్ ను చేసిన అభివృద్ధి.. అమరావతి విషయంలో చంద్రబాబు విజన్…అన్నీ చూడటం వల్ల.. చంద్రబాబు రాజకీయాల కన్నా అభివృద్ధికి పెద్ద పీట వేస్తారని నమ్మడం వల్లే.. పలు సందర్భాల్లో ఆయనకు మద్దతుగా నిలబడినట్లుగా చెప్పుకొచ్చారు. అభివృద్ధి కోసమే.. చంద్రబాబు వెంట ఉన్నట్లుగా.. ఆర్కే స్పష్టం చేశారు. అదే సమయంలో జగన్ కు బంపర్ ఆఫర్ ఇచ్చారు. రాజధాని లేని నవ్యాంధ్రకు… అమరావతిలో ఊహించని రీతీలో అభివృద్ధి చేస్తే.. ఆయనకూ మద్దతిస్తామని ప్రకటించారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

విజయసాయిరెడ్డి నీళ్లు నమిలిన ప్రశ్న..!

రఘురామకృష్ణంరాజుకు వేటు కోసం ప్రత్యేక విమానంలో ఢిల్లీ వెళ్లిన విజయసాయిరెడ్డి బృందానికి .. లోక్‌సభ స్పీకర్ ఏం చెప్పారో .. ఏం హామీ ఇచ్చి పంపారో కానీ బయట మీడియా దగ్గర మాత్రం...

లద్దాఖ్‌లో సడన్‌ టూర్.. చైనాకు హెచ్చరికలు పంపిన మోడీ..!

భారత భాభాగాన్ని కొద్ది కొద్దిగా ఆక్రమించుకుంటూ.. చర్చల పేరుతో టైంపాస్ చేస్తున్న చైనా కు చెక్ పెట్టేందుకు ప్రధానమంత్రి నరేంద్రమోడీ వ్యూహాత్మకంగా అడుగులేశారు. హఠాత్తుగా చైనా సరిహద్దుల్లో పర్యటించారు. అక్కడి సైనికులతో...

ఆర్ఆర్ఆర్‌పై ఎలా వేటేయాలో కూడా స్పీకర్‌కు చెప్పిన వైసీపీ బృందం..!

రాజ్యాంగంలోని ఆర్టికల్ 2 ప్రకారం.. నర్సాపురం ఎంపీ రఘురామకృష్ణంరాజుపై అనర్హతా వేటు వేయాలని వైసీపీ నేతలు.. స్పీకర్ ఓంబిర్లాకు వినతి పత్రం సమర్పించారు. ఆ వినతి పత్రంలో వారు.. పలు కోర్టు తీర్పులను...

వ‌ర్మ టీమ్‌లో ‘క‌రోనా’ భ‌యం

లాక్‌డౌన్ స‌మ‌యంలోనూ... సినిమాలు తీసే ధైర్యం చేశాడు రాంగోపాల్ వ‌ర్మ‌. అవి ఎలాంటి సినిమాలు? ఎవ‌రికి న‌చ్చాయి? అనేది ప‌క్క‌న పెడితే - క్లిష్ట‌మైన ప‌రిస్థితుల్లోనూ ప‌నైతే చేయ‌గ‌లిగాడు. వ‌ర్మ‌కి...

HOT NEWS

[X] Close
[X] Close