క్రిష్ లో ఎన్ని క‌ళ‌లో. అత‌నికి ఎన్ని చేతులో. ద‌ర్శ‌కుడిగా త‌నెప్పుడూ బిజీనే. నిర్మాత‌గా కూడా అంతే. ఓ ప‌క్క టీవీ సీరియ‌ళ్లు, ఇంకో ప‌క్క వెబ్ సిరీస్‌లూ. మ‌ధ్య‌మ‌ధ్య‌లో కమ‌ర్షియ‌ల్ యాడ్లు కూడా తెర‌కెక్కిస్తుంటాడు. ఆహా కోసం క్రిష్ ఆధ్వ‌ర్యంలో కొన్ని వెబ్ సిరీస్ లు రూపొందుతున్నాయి. అందులో ఒక‌టి స్ట్రీమింగ్ కూడా అవుతోంది. ఆహా కోసం మూడు నాలుగు వెబ్ సిరీస్‌లు రూపొందించే బాధ్య‌త‌ని క్రిష్ మీద వేశారు అల్లు అర‌వింద్‌.
ఇప్పుడు హాట్ స్టార్ కోసం ఓ వెబ్ సిరీస్‌ని రూపొందిస్తున్నాడ‌ట క్రిష్. ఈ మేర‌కు హాట్ స్టార్‌తో ఒప్పందం కూడా కుదిరింది. ఈ వెబ్ సిరీస్‌కి క్రిష్ క‌థ, స్క్రీన్ ప్లే అందిస్తారు. నిర్మాణంలోనూ పాలు పంచుకుంటున్నారు. ప్ర‌స్తుతం క‌థ సిద్ధ‌మ‌వుతోంది. ఈ వెబ్ సిరీస్‌లో కొంత‌మంది టాలీవుడ్ స్టార్లు కూడా క‌నిపిస్తార‌ని ప్ర‌చారం జ‌రుగుతోంది. వెబ్ సిరీస్ ల‌లో బోల్డ్ కంటెంట్‌దే పైచేయి. ఉగ్ర‌వాదం నేప‌థ్యంలో సాగే క‌థ‌ల‌కూ మంచి గిరాకీ ఉంది. మ‌రి క్రిష్ ఎలాంటి క‌థ‌ని చెప్ప‌బోతున్నాడో చూడాలి.
