గోపీ చంద్ – తేజ కాంబినేష‌న్‌లో ఓ సినిమా రూపుదిద్దుకుంటోంది. `అలివేలు వెంక‌ట‌ర‌మ‌ణ` అనే టైటిల్ ఫిక్స్ చేశారు. ఈ సినిమాలో హీరోయిన్ ఎవ‌ర‌న్న‌ది ఇంకా తేల‌లేదు. ఆ ఛాన్స్ కృతి శెట్టికి ద‌క్కింద‌ని స‌మాచారం. `ఉప్పెన` సినిమాతో హీరోయిన్ గా ఎంట్రీ ఇస్తోంది కృతి. నాని సినిమాలోనూ అవ‌కాశం అందుకుంది. లేటెస్టుగా త‌మిళ స్టార్ సూర్య సినిమాలో క‌థానాయిక‌గా న‌టించే ఛాన్స్ కొట్టేసింద‌ని ప్ర‌చారం జ‌రుగుతోంది. ఇప్పుడు గోపీచంద్ – తేజ సినిమా అవ‌కాశాన్ని అందుకున్న‌ట్టు టాక్‌. `ఉప్పెన` రిలీజ్ కాకుండానే ఇన్ని అవ‌కాశాలంటే మాట‌లు కాదు. తొలి సినిమా రాక‌ముందు ఇంత పాపుల‌ర్ అయిపోయిన హీరోయిన్ ఈమ‌ధ్య కాలంలో చూళ్లేదేమో..? ‘ఉప్పెన’ విడుద‌లై.. ఆ సినిమా హిట్ట‌యితే – స్టార్ హీరోయిన్ల స్థానానికి కృతి ఎస‌రు పెట్టిన‌ట్టే.
గోపీచంద్ తో కృతి శెట్టి?
