ఏపీ ఎన్నిక‌ల్లో గెలుపెవ‌రిది? ర‌క‌ర‌కాల సంస్థ‌లు, స‌ర్వే ఏజేన్సీలు నిత్యం ప్ర‌జ‌ల నాడిని ప‌ట్టేందుకు చెమ‌ట్చోడుతున్నాయి. పార్టీల‌కు అనుకూలంగా స‌ర్వేలు ఇచ్చే సంస్థ‌లు కొన్ని అయితే, నిజంగానే ప్ర‌జ‌ల ప‌ల్స్ ను ప‌ట్టుకునే సంస్థ‌లు కూడా ఉన్నాయి.
అయితే, ఏపీలో జ‌రుగుతున్న అసెంబ్లీ ఎన్నిక‌ల్లో గెలుపుపై తాజాగా కేటీఆర్ ఓ ఇంట‌ర్వ్యూలో చేసిన కామెంట్స్ ఇప్పుడు వైర‌ల్ అవుతున్నాయి. గ‌తంలో ఏపీలో ఎవ‌రు గెలుస్తారు అన్న అంశంపై ప్రెస్ మీట్ పెట్టి మ‌రీ కేసీఆర్ కామెంట్ చేసిన సంద‌ర్భం కూడా ఉంది. దీంతో కేటీఆర్ అంచ‌నా ఎలా ఉంటుంద‌న్న ఆస‌క్తి స‌హ‌జంగానే అంద‌రికీ ఉంటుంది.
కేసీఆర్ ఫ్యామిలీకి జ‌గ‌న్ కు మంచి సంబంధాలున్నాయ‌న్న‌ది ఓపెన్ సీక్రెట్. దీంతో కేటీఆర్ కూడా జ‌గ‌న్ కు ఓటేస్తారు అని అంతా అనుకున్నారు. కానీ, కేటీఆర్ ట్విస్ట్ ఇచ్చారు.
ఏపీ అసెంబ్లీ ఎన్నిక‌ల్లో పోటీ చేస్తున్న జ‌గ‌న్ త‌న‌కు అన్న‌లాంటి వార‌ని, ఇటు లోకేష్ కూడా స్నేహితుడ‌ని కామెంట్ చేశారు. చంద్ర‌బాబు పెద్ద‌వార‌ని, ప‌వ‌న్ త‌న‌కు బ్ర‌ద‌ర్ తో స‌మానం అంటూ ఏ ఒక్క‌రికీ మ‌ద్ద‌తుగా ఏదీ స్ప‌ష్టంగా చెప్ప‌లేదు. ఎవ‌రూ గెలిచినా ప్రజలకు మంచి జ‌ర‌గాల‌ని మాత్రం కోరుకుంటున్న‌ట్లు న‌వ్వుతూ స‌మాధానం ఇచ్చారు.
గ‌తంలో చంద్ర‌బాబు అరెస్ట్ స‌మ‌యంలో కేటీఆర్ చేసిన కామెంట్స్ బీఆర్ఎస్ కు ఇబ్బందిగా మారాయి. దీంతో ఈసారి ఎలాంటి త‌ప్పుకు తావివ్వ‌కూడ‌ద‌న్న ఉద్దేశంతోనే కేటీఆర్ స‌మాధానం దాట‌వేసినట్లు క‌న‌ప‌డుతోంది.
