తెలంగాణ అసెంబ్లీ వేదికగా మహిళా సంఘాలకు రుణాల పంపిణీ అంశంపై రాజకీయం చేయబోయి కేటీఆర్ ఇరుక్కుపోయారు. మహిళా సంఘాలకు $57,000$ కోట్ల మేర బ్యాంకు రుణాలు ఇచ్చామని ప్రభుత్వం చెబుతుంటే, అది అసాధ్యమని.. ఒకవేళ నిరూపిస్తే రాజీనామా చేస్తానంటూ కేటీఆర్ చేసిన సవాల్ ఇప్పుడు ఆయనకే ఇబ్బందికరంగా మారింది. మొత్తం వివరాలను మంత్రి సీతక్క సభ ముందు పెట్టారు. కేటీఆర్పై విరుచుకుపడ్డారు. అసెంబ్లీకి వచ్చే ముందు కనీస అవగాహన లేకుండా, లెక్కలు చూసుకోకుండా సవాల్ చేసిన కేటీఆర్, ఇప్పుడు తన మాటకు కట్టుబడి వెంటనే ఎమ్మెల్యే పదవికి రాజీనామా చేయాలని డిమాండ్ చేశారు.
మహిళా స్వయం సహాయక సంఘాలకు గత రెండు సంవత్సరాల్లో బ్యాంకుల ద్వారా ప్రభుత్వం 57,000 కోట్ల రూపాయల రుణాలను విడుదల చేసిందని మంత్రి సీతక్క స్పష్టం చేశారు. కేవలం రుణాలివ్వడమే కాకుండా, వాటిపై పడే వడ్డీ భారాన్ని కూడా మహిళలపై పడకుండా ప్రభుత్వమే భరిస్తోందని, ఇప్పటికే 1,390 కోట్ల రూపాయల వడ్డీని బ్యాంకులకు చెల్లించామని ఆమె వెల్లడించారు. తాము అన్ని ఆధారాలతో, లెక్కలతో సహా వివరాలను సభ ముందు ఉంచామని.. బీఆర్ఎస్ నాయకులు తమ వద్ద ఉన్న లెక్కలను సరిచూసుకోవాలని ఆమె సూచించారు.
కేసీఆర్ హయాంలో మహిళా సంఘాలకు అందాల్సిన 4,000$ కోట్ల రూపాయల వడ్డీని** ఎగ్గొట్టారని సీతక్క మండిపడ్డారు. అంతేకాకుండా, పేద మహిళల భద్రత కోసం ఉద్దేశించిన అభయహస్తం నిధులను కూడా గత ప్రభుత్వం కాజేసిందని విమర్శఇంచారు. పదేళ్ల పాలన చేసిన అనుభవం ఉన్న నాయకులు ఇలాంటి సున్నితమైన అంశాల్లో అవగాహన లేకుండా సవాళ్లు విసరితే ఇలాంటి పరిస్థితే ఎదురవుతుందని అసెంబ్లీలో సెటైర్లు వినిపిస్తున్నాయి.
