హుజూర్ న‌గ‌ర్ ఉప ఎన్నిక‌.. కేటీఆర్ కి కొత్త ప‌రీక్ష‌!

లోక్ స‌భ ఎన్నిక‌ల్లో సీఎం కుమారుడు కేటీఆర్ సార‌థ్యంలో పార్టీ శ్రేణులు ప‌నిచేశాయి! కానీ, అనుకున్న స్థాయిలో విజయం ద‌క్క‌లేదు. సారు కారు ప‌ద‌హారు అనుకున్నారుగానీ… చాలాచోట్ల తెరాస‌ దాదాపు ఓడినంత ప‌నైంది. దీంతో, ఇప్పుడు ప‌రువు ద‌క్కించుకోవ‌డానికి మారి ముందున్న మ‌రో అవ‌కాశం… హుజూర్ న‌గర్ ఉప ఎన్నిక! పీసీసీ అధ్య‌క్షుడు ఉత్త‌మ్ కుమార్ రెడ్డి ఇక్క‌డ సిట్టింగ్ ఎమ్మెల్యే. ఆయ‌న ఎంపీగా గెలిచారు కాబ‌ట్టి, ఇక్క‌డ ఉప ఎన్నిక అనివార్యం అవుతోంది. దీంతో హుజూర్ న‌గ‌ర్ లో తెరాస అభ్య‌ర్థిని ఎట్టి ప‌రిస్థితుల్లో గెలిపించుకుని తీరాల‌నీ, ఉత్త‌మ్ సొంత ఇలాఖాలోనే కాంగ్రెస్ ని ఓడించాల‌నే ప‌ట్టుద‌ల‌తో తెరాస ఉన్న‌ట్టు సమాచారం. ఈ ఉప ఎన్నిక బాధ్య‌త‌ను కేటీఆర్ కి అప్ప‌గించిన‌ట్టుగా తెలుస్తోంది. ఇక‌పై ఆ నియోజ‌క వ‌ర్గం మీద‌ ఆయ‌న ప్ర‌త్యేక దృష్టి సారిస్తార‌ని తెరాస వ‌ర్గాలు అంటున్నాయి. అయితే, ఉత్త‌మ్ సొంత నియోజ‌క వ‌ర్గంలో తెరాస గెలుపు అనేది అనుకున్నంత ఈజీగా క‌నిపించ‌డం లేదు.
గ‌డ‌చిన అసెంబ్లీ ఎన్నిక‌ల్లో ఉత్త‌మ్ చేతిలో దాదాపు 14 వేల ఓట్ల తేడాతో తెరాస అభ్య‌ర్థి సైదిరెడ్డి ఓడిపోయారు. లోక్ స‌భ ఎన్నిక‌ల‌కు వ‌చ్చేస‌రికి… ఇదే నియోజక వ‌ర్గంలో ఉత్త‌మ్ కు మ‌రింత ఓటు బ్యాంకు పెరిగింది. అయితే, ఈసారి ఉప ఎన్నిక వ‌స్తోంది కాబ‌ట్టి… మ‌రోసారి త‌న‌కే సీటు కావాల‌ని సైదిరెడ్డి ప‌ట్టుబ‌డుతున్న‌ట్టు స‌మాచారం. కానీ, ఆయ‌న స్థానంలో ఎప్ప‌ట్నుంచో మంత్రి ప‌ద‌వి కోసం ఎదురుచూస్తున్న గుత్తా సుఖేంద‌ర్ రెడ్డిని నిల‌బెడితే ఎలా ఉంటుంద‌నే చ‌ర్చ తెరాసలో జ‌రుగుతోంది. ఓ ద‌శ‌లో… కేసీఆర్ కుమార్తె క‌విత‌ను హుజూర్ న‌గ‌ర్ బ‌రిలోకి దించితే బాగుంటుంద‌నే ఆలోచ‌న కూడా తెరాస‌లో చ‌ర్చ‌కు వ‌చ్చిన‌ట్టు స‌మాచారం. సైదిరెడ్డిని కాద‌ని వేరే అభ్య‌ర్థికి సీటు ఇస్తే… ఆయ‌న అసంతృప్తికి గురికావ‌డం ఖాయం అంటున్నారు. ఇక‌, కాంగ్రెస్ నుంచి ఉత్త‌మ్ కుమార్ రెడ్డి భార్య ప‌ద్మావ‌తి బ‌రిలోకి దిగుతార‌ని అంటున్నారు. మొత్తానికి, తెరాస‌కు ఈ ఉప ఎన్నిక‌ల గెలుపు న‌ల్లేరు మీద న‌డ‌కేం కాదు.
ఏదేమైనా, హుజూర్ న‌గ‌ర్ ఉప ఎన్నిక తెరాస‌కు ఇజ్జ‌త్ కా స‌వాల్ కాబోతోంది. కేటీఆర్ స‌మ‌ర్థ‌త‌పై కూడా ఈ మ‌ధ్య కొంత చ‌ర్చ జ‌రుగుతోంది. ఆయ‌న సొంత నియోజ‌క వ‌ర్గం ఉన్న క‌రీంన‌గ‌ర్ లో కూడా తెరాస ఓట‌మి పాలైంది. ఈ నేప‌థ్యంలో త‌న స‌త్తా చాటుకోవాలంటే… హుజూర్ న‌గ‌ర్ లో గులాబీ జెండాను ఎగ‌రెయ్యాల్సిందే. ఒక‌ప్పుడు… ఉప ఎన్నిక‌లు ఏవి జ‌రిగినా తెరాస ఏక‌ప‌క్షంగా గెలుస్తూ వ‌చ్చేది. కానీ, ఇప్పుడీ ఉప ఎన్నిక ద‌గ్గ‌ర‌కు వ‌చ్చేస‌రికి… చెమ‌ట‌లు ప‌డుతున్న ప‌రిస్థితి తెరాస‌లో క‌నిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో కరోనా మరణమృదంగం..! ఆపడానికి ప్రయత్నాల్లేవా..?

ఆంధ్రప్రదేశ్‌లో మరణాలు రెండు వేలు దాటిపోయాయి. గత రెండు రోజులుగా.. రోజుకు కొద్దిగా తక్కువగా వంద మంది ప్రాణాలు కోల్పోతున్నారు. కరోనా వైరస్ అనేది ప్రాణాంతకం కాదని... చికిత్స చేస్తే పోతుందని ప్రభుత్వం...

“అప్పడం వ్యాక్సిన్” కనిపెట్టిన కేంద్రమంత్రికే కరోనా..!

కరోనా వైరస్‌కు ప్రపంచ ప్రఖ్యాత శాస్త్రవేత్తల దగ్గర్నుంచి భారతీయ జనతా పార్టీ నేతల వరకూ..అందరూ.. మందు కనిపెట్టే పనిలో బిజీగా ఉన్నారు. సైంటిస్టులు ఇంకా కుస్తీలు పడుతున్నారు కానీ.. భారతీయ జనతా పార్టీ...

టీటీడీపై కరోనా పడగ..! బ్రహ్మోత్సవాలు ఎలా..?

తిరుమల తిరుపతి దేవస్థానం ఉద్యోగుల్లో 743 మంది కరోనా బారిన పడ్డారు. వీరిలో ముగ్గురు ప్రాణాలు కోల్పోయారు. ఈ ముగ్గురిలో ఓ అర్చకుడు కూడా ఉన్నారు. అర్చకుల్లో సగం మందికిపైగా వైరస్ బారిన...

తప్పు యాజమన్యాలది .. పరిహారం మాత్రం ప్రజల సొమ్మా..!?

ఆంధ్రప్రదేశ్ ప్రభుత్వం ఏదైనా హై ప్రోఫైల్ ప్రమాదం జరిగితే ముందుగా... భారీగా నష్ట పరిహారం ప్రకటించడానికి ఉత్సాహపడుతోంది. ముందూ వెనుక ఆలోచించకుండా.. ఎంత మంది చనిపోయారో తెలియకుండానే.. ఆ ప్రమాద వార్త హైలెట్...

HOT NEWS

[X] Close
[X] Close