సార్వత్రిక ఎన్నికల రెండో దశ పోలింగ్ ప్రారంభమైంది. దేశవ్యాప్తంగా శుక్రవారం 13 రాష్ట్రాలు, కేంద్ర పాలిత ప్రాంతాల్లో ఎన్నికలు జరగుతున్నాయి. 89లోక్ సభ స్థానాలకు పోలింగ్ జరగాల్సి ఉండగా…మధ్యప్రదేశ్ బైతూల్ లో బీఎస్పీ అభ్యర్థి మృతితో పోలింగ్ ను ఎన్నికల అధికారులు వాయిదా వేశారు.
రెండో విడతలో 15.88 కోట్ల మంది తమ ఓటు హక్కును వినియోగించుకోనున్నారు. 1.67 లక్షల పోలింగ్ కేంద్రాలను ఏర్పాటు చేసిన ఎన్నికల అధికారులు ఎలాంటి ఇబ్బందులు తలెత్తకుండా 16 లక్షలకు పైగా పోలింగ్ సిబ్బంది నియమించారు.వివిధ పార్టీల నుంచి 1,202 మంది అభ్యర్థులు పోటీ చేస్తున్నారు.
కేరళలోని మొత్తం 20 లోక్‌సభ స్థానాలతో పాటు రాజస్థాన్‌లో మిగిలి ఉన్న 13 సీట్లకు నేడు పోలింగ్ జరుగుతోంది. యూపీలో 8, మధ్యప్రదేశ్‌లో 6, కర్ణాటకలో 14, మహారాష్ట్రలో 8,బిహార్‌లో 5, అసోంలో 5, పశ్చిమ బెంగాల్‌‌లో మరియు ఛత్తీస్‌గఢ్‌లో 3, మణిపుర్‌, త్రిపుర, జమ్మూ కశ్మీర్ లో ఒక్కో స్థానాల్లో పోలింగ్ జరుగుతోంది.
రెండో దఫా ఎన్నికలతో పలువురు రాజకీయ ప్రముఖులు తమ అదృష్టాన్ని పరీక్షించుకొబోతున్నారు. కాంగ్రెస్‌ అగ్రనేత రాహుల్‌గాంధీ వయనాడ్ నుంచి, అలప్పుళ నుంచి కాంగ్రెస్‌ నేత కేసీ వేణుగోపాల్‌ , యూపీలోని మథుర బాలీవుడ్ సీనియర్ నటి హేమామాలిని, రాజస్థాన్‌లోని కోటా నుంచి ఓం బిర్లా, తిరువనంతపురం నుంచి కాంగ్రెస్‌ నేత శశిథరూర్‌, బెంగళూరు దక్షిణం నుంచి తేజస్వీ సూర్యల భవితవ్యాన్ని ఓటర్లు నిక్షిప్తం చేయనున్నారు.
