మాదిరెడ్డి ప్రతాప్‌కు ఆ పోస్టూ పాయే..!

వైఎస్ కుటుంబానికి అత్యంత సన్నిహితుడనని.. జగన్ పై పెట్టిన కేసులు అక్రమం అంటూ.. రాజకీయ నాయకుడి స్టైల్లో ప్రెస్‌మీట్ పెట్టి మరీ చెప్పిన ఐపీఎస్ అధికారి మాదిరెడ్డి ప్రతాప్‌కు ప్రభుత్వం షాకిచ్చింది. ఆయనకు ప్రస్తుతం కేటాయించిన పోస్టు నుంచి కూడా బదిలీ చేసి.. జీఏడీలో రిపోర్ట్ చేయాలని ఆదేశించింది. నిన్నామొన్నటి వరకు ఆయన ఆర్టీసీ ఎండీగా ఉండేవారు. అయితే.. ఆయన వివాదాస్పద నిర్ణయాలు తీసుకుని.. సంస్థకు నష్టం చేకూరుస్తూండటం.. ప్రభుత్వానికి చెడ్డపేరు తెస్తూండటంతో.. ప్రభుత్వం.. ఈ తలనొప్పి అంతా ఎందుకని… ఆరు నెలలకే ఆయనపై బదిలీ వేటు వేసింది. ప్రాథాన్యత లేని పోస్టుకు పంపేసింది. దీంతో.. ఆయన ప్రెస్‌మీట్ పెట్టి…ప్రభుత్వాన్ని విమర్శిస్తూ.. జగన్మోహన్ రెడ్డిని పొగుడుతూ.. మాట్లాడారు.

తనకు వైఎస్ జయంతి సందర్భంగా విజయమ్మ కేక్ పంపారని.. తిని పండుకుని.. లేచే సరికి బదిలీ అయిపోయిందన్నారు. తాను శక్తివంచన లేకుండా పని చేశానని చెబుతూ.. గతంలో వైఎస్ హయాంలో ఎలా పని చేశానో కూడా చెప్పుకొచ్చారు. ఈ క్రమంలో.. చాలా రాజకీయాలు మాట్లాడారు. జగన్ అక్రమాస్తుల కేసులపై మాట్లాడారు. చాలా మంది ఆయన కేసుల్లో ఇరుక్కున్నా… తాను బయటపడటానికి కారణం.. నిజాయితీనేనని చెప్పుకొచ్చారు. అదే సమయంలో.. జగన్ పై పెట్టినవి అక్రమకేసులేనని వాదించారు. మాదిరెడ్డి ప్రతాప్ ప్రెస్‌మీట్ ప్రభుత్వ వర్గాల్లోనూ కలకలం రేపింది. విధేయత చూపిస్తున్నట్లుగా మాట్లాడి.. ఇమేజ్‌ను డ్యామేజ్ చేశారన్న అభిప్రాయంతో ప్రభుత్వ పెద్దలు ఉన్నారు.

ఆయన ప్రెస్‌మీట్ పెట్టడం.. సివిల్ సర్వీస్ నిబంధనలకు విరుద్ధమని తేల్చి..ఆయనకు ఇచ్చిన అప్రాధాన్య శాఖ నుంచి కూడా తొలగించి.. జీఏడీలో రిపోర్ట్ చేయమని ఆదేశించారు. షోకాజ్ నోటీసు జారీ చేశారు. కోడ్ ఆఫ్ కాండక్టుకు విరుద్దంగా వ్యవహరించారని.. షోకాజ్ నోటీసుకు ఏడు రోజుల్లో సమాధానం చెప్పాలని ఆదేశించారు. వైఎస్ కుటుంబంతో ఎంతో సాన్నిహిత్యం ఉందని చెప్పుకునే మాదిరెడ్డి ప్రతాప్.. వైసీపీ అధికారంలోకి రాగానే.. ఏపీఐఐసీ ఎండీ పోస్టు.. ఆర్టీసీ ఎండీ పోస్టుల్లాంటివి పొందిన ఆయన… తన వివాదాస్పద తీరుతో.. చివరికి.. ఏ పోస్టింగ్ లేని స్థికికి వచ్చారని అధికారవర్గాలు సెటైర్లు వేస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో బీజేపీ అధికారంలోకి రావడం అవసరం  : రామ్మాధవ్

ఆంధ్రప్రదేశ్‌లో ప్రతిపక్ష స్థానం ఖాళీగా ఉందని..  దాన్ని భర్తీ చేయాలని బీజేపీ జాతీయ ప్రధానకార్యదర్శి రామ్‌మాధవ్ పార్టీ కార్యకర్తలకు పిలుపునిచ్చారు. సోము వీర్రాజు.. ఏపీ  బీజేపీ అధ్యక్షుడిగా బాధ్యతలు చేపడుతున్న కార్యక్రమంలో పాల్గొనేందుకు...

చిరు మాస్టర్ ప్లాన్

ఆచార్య త‌ర‌వాత‌.. భారీ లైన‌ప్ అట్టి పెట్టుకున్నాడు చిరంజీవి. ఓ వైపు బాబీకి ఓకే చెప్పిన చిరు, మ‌రోవైపు మెహ‌ర్ ర‌మేష్‌కి గ్రీన్ సిగ్న‌ల్ ఇచ్చాడు. ఇంకోవైపు వినాయ‌క్ తో సినిమా చేయ‌డానికి...

అఖిల్ – సురేంద‌ర్ రెడ్డి ఫిక్స్

`సైరా` త‌ర‌వాత సురేంద‌ర్ రెడ్డి ప్రాజెక్టు ఎవ‌రితో అన్న విష‌యంలో గంద‌ర‌గోళం నెల‌కొంది. అగ్ర హీరోలంతా బిజీ బిజీగా ఉండ‌డంతో.. సురేంద‌ర్ రెడ్డికి అనుకోని విరామం తీసుకోవాల్సివ‌చ్చింది. కొంత‌మంది కోసం క‌థ‌లు సిద్ధం...

సచివాలయం గాయబ్..!

దశాబ్దాల పాటు ఉమ్మడి రాష్ట్ర పాలనా కేంద్రంగా ఉన్న హైదరాబాద్‌ హుస్సేన్ సాగర్ ఒడ్డున ఉన్న భవనాలు నేలమట్టం అయ్యాయి. మొత్తం పదకొండు భవనాలను నామరూపాల్లేకుండా తొలగించేశారు. శరవేగంగా ఇరవై ఐదు...

HOT NEWS

[X] Close
[X] Close