గ‌ల్లా జ‌య‌దేవ్ కుమారుడు గ‌ల్లా అశోక్ క‌థానాయ‌కుడిగా ఎంట్రీ ఇస్తున్న సినిమా… హీరో. శ్రీ‌రామ్ ఆదిత్య ద‌ర్శ‌క‌త్వం వ‌హించిన ఈచిత్రం సంక్రాంతి కానుక‌గా… జ‌న‌వ‌రి 15న వ‌స్తోంది. కృష్ణ ఫ్యామిలీతో అశోక్ కి ఎటాచ్‌మెంట్ ఉన్న సంగతి తెలిసిందే. ఈ సినిమా ప్ర‌మోష‌న్ల‌లో కృష్ణ, మహేష్ బాబు పేర్లు కూడా గ‌ట్టిగానే వినిపిస్తున్నాయ్‌. అయితే.. వినిపించ‌డ‌మే కాదు…. వాళ్లిద్ద‌రూ క‌నిపించ‌బోతున్నార‌ని టాక్‌.
`హీరో`లో అశోక్ కౌబోయ్ అవ‌తారంలో ద‌ర్శ‌న‌మివ్వ‌బోతున్నాడు. కౌబోయ్ అంటే… ముందు గుర్తొచ్చేది కృష్ణ. తెలుగులో కౌబోయ్ చిత్రాల‌కు నాంది ప‌లికింది ఆయ‌నే. ట‌క్క‌రి దొంగ‌లో మహేష్ కూడా కౌబోయ్ గా క‌నిపించాడు. ఆ గెట‌ప్ మ‌హేష్‌కీ మ‌హ బాగా సూట్ అయ్యింది. ఇప్పుడు ఇదే గెట‌ప్ లో అశోక్ క‌నిపించబోతున్నాడు. హీరో సినిమాలో, ఈ హీరోని కౌబోయ్ గెట‌ప్ లోనే ఇంట్ర‌డ్యూస్ చేయ‌బోతున్నాడు ద‌ర్శ‌కుడు. ఇదే సీన్‌లో.. కృష్ణ, మ‌హేష్‌లు కూడా కౌబోయ్ గెట‌ప్పుల్లో క‌నిపిస్తారు. దాన్ని గ్రాఫిక్స్ ద్వారా యాడ్ చేశాడ‌ట ద‌ర్శ‌కుడు. అలా.. ఈ ముగ్గురినీ ఒకేసారి కౌబోయ్ గెట‌ప్పుల్లో చూడ‌డం ఫ్యాన్స్ కి ట్రీట్ గా ఉంటుంద‌ని శ్రీ‌రామ్ ఆదిత్య భావిస్తున్నాడు. సినిమా మొదలైన కాసేప‌టికే.. ఈ కౌబోయ్ సీన్ రాబోతోంది. అందుకే శ్రీ‌రామ్ ఆదిత్య కూడా ప‌నిగ‌ట్టుకుని `ఈ సినిమాలోని తొలి ప‌ది నిమిషాలు అస్స‌లు మిస్ కావొద్దు.. అదో ట్రీట్ లా ఉంటుంది` అని ఊరించేస్తున్నాడు
