క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక.. కంటెంట్, క‌థ‌ల అవ‌స‌రం మ‌రింత ఎక్కువైంది. అందుకే మ‌న సాహిత్యాన్ని వెదుక్కుంటూ, వాటి చుట్టూనే ప్ర‌ద‌క్ష‌ణాలు చేస్తున్నారు కొంత‌మంది. షాడో న‌వ‌ల‌ల్ని ఇప్ప‌డు వెబ్ సిరీస్ గా రూపొందిస్తున్న సంగ‌తి తెలిసిందే. ఇప్పుడు చ‌లం `మైదానం` కూడా వెబ్ సిరీస్ గా రాబోతోంది.
ఆహా కోసం చ‌లం ‘మైదానం’ వెబ్ సిరీస్‌ని రూపొందిస్తున్న‌ట్టు ద‌ర్శ‌కుడు వేణు ఉడుగుల తెలిపారు. ‘నీదీ నాదీ ఒకే క‌థ’తో ద‌ర్శ‌కుడిగా ప‌రిచ‌యం అయ్యారు ఆయన. ఇప్పుడు ‘విరాట‌ప‌ర్వం’ చూపించ‌బోతున్నారు. అయితే ఈ వెబ్ సిరీస్‌కి వేణు నిర్మాత‌గా వ్య‌వ‌హ‌రిస్తారంతే. ఈ వెబ్ సిరీస్ లో ఓ అగ్ర క‌థానాయిక న‌టిస్తుంద‌ని ప్ర‌చారం జ‌రుగుతోంది. ఆమె ఎవ‌ర‌న్న‌ది త్వ‌రలో వెల్ల‌డిస్తారు.
