“మేఘా” వార్తలకు చోటేది..? ధనబలానికి భయపడిన మెయిన్‌స్ట్రీమ్ మీడియా..!

మేఘా ఇంజినీరింగ్ కంపెనీ యజమానికి పీవీ కృష్ణారెడ్డి ఇళ్లు, నివాసాలపై ఐటీ అధికారులు జరిపిన దాడుల వ్యవహారంలో ప్రధానమైన మీడియా మౌనాన్నే ఆశ్రయించింది. ఐటీ దాడుల విషయం బయటకు పొక్కగానే.. మేఘా ఇంజినీరింగ్ సంస్థకు చెందిన పీఆర్ టీం చాలా చురుగ్గా… స్పందించింది. ప్రధానమైన మీడియా సంస్థలన్నిటికీ నేరుగా సమాచారం పంపేశారు. చాలా పద్దతిగా చెప్పారు. దాంతో… ప్రధానమైన మీడియా సంస్థలు ఐటీ దాడుల విషయాన్ని చెప్పీచెప్పకుండా చెప్పి ఆపేశాయి. తర్వాత ఎక్కడా కవరేజీ లేదు. మేఘా కృష్ణారెడ్డి ఇటీవలి కాలంలో మీడియా రంగంలో పెట్టుబడులు పెట్టి ఉండవచ్చు కానీ.. కాంట్రాక్టర్‌గా ఆయన మొదటి నుంచి మెయిన్ స్ట్రీమ్ మీడియాతో సన్నిహిత సంబంధాలు కలిగి ఉన్నారు.

మేఘా ఇంజినీరింగ్ తరపున ఎలాంటి ప్రాజెక్ట్ ప్రారంభించినా… పనులు చేస్తున్నా… ప్రతి అకేషన్‌కు పెద్ద ఎత్తున ప్రకటనుల ఆయా పత్రికలు, టీవీ చానళ్లకు వస్తాయి. ప్రతీ పండుగకు ప్రత్యేకంగా మీడియాకు వాటి వాటి రేంజ్ లో ప్రకటనలు ఇస్తారు. ప్రకటనలు మాత్రమే కాదు.. మేఘా గ్రూప్‌కు ఇటీవలికాలంలో రెండు తెలుగు రాష్ట్రాల ప్రభుత్వాధినేతలతోనూ సన్నిహిత సంబంధాలు ఏర్పడ్డాయి. దాంతో.. ఆయా ప్రభుత్వాలకు సన్నిహితంగా ఉండే మీడియా వర్గాలు.. ఐటీ సోదాలు గురించి రిపోర్ట్ చేయడానికి మొహమాటపడ్డాయి. అయితే.. ప్రభుత్వాలను తీవ్రంగా వ్యతిరేకించే మీడియా కూడా.. ఈ సారి సైలెన్స్ అవడం విచిత్రం. సాధారణంగా ఎవరిపైనైనా ఐటీ దాడులు జరిగితే.. మీడియా చేసే హడావుడి అలా ఇలా ఉండదు.

ఓ మామూలు ఉద్యోగిపై ఏసీబీ దాడులు జరిగితే.. లక్షలు.. కోట్లు అక్రమాస్తులు అంటూ.. హడావుడి చేస్తుంది. అలాంటి… దేశంలోనే అత్యంత సంపన్న కాంట్రాక్టర్లుగా ఎదిగిన వారిపై ఐటీ దాడులు జరిగితే.. మరింత హంగామా చేయాల్సి ఉంటుంది. వారిపై ఉన్న ఆరోపణలు అటువంటివి. కానీ… వెబ్ మీడియా తప్ప.. మెయిన్ స్ట్రీమ్ మీడియా… ఆ సంపన్నులకు ఎదురెళ్లడానికి సంకోచించింది. చివరికి వెబ్ మీడియాకు కూడా… మెగా నుంచి సూచనలు వచ్చినా… పట్టించుకోలేదు. వారు మాత్రం ధైర్యంగా… రిపోర్ట్ చేశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఫామ్‌హౌస్ లొల్లి : రేవంత్ గొడవేనా.. కేటీఆర్ వాదన వినరా..!?

హైదరాబాద్ శివార్లలో జన్వాడ ఫామ్‌హౌస్ విషయంలో తెలంగాణ మంత్రి కేటీఆర్‌కు... నేషనల్ గ్రీన్ ట్రిబ్యూనల్ నోటీసులు ఇచ్చింది. కాంగ్రెస్ ఎంపీ రేవంత్ రెడ్డి ఫిర్యాదు మేరకు..  ఎన్జీటీ ఈ నోటీసులు జారీ చేసింది....

ప్రాజెక్టుల వార్‌తో కేంద్రం చేతుల్లోకి తెలుగు రాష్ట్రాల జుట్టు ..!?

పిట్టపోరు..పిట్టపోరు పిల్లి తీర్చిందన్నట్లుగా... తెలుగు రాష్ట్రాల మధ్య జల వివాదాన్ని కేంద్రం అడ్వాంటేజ్‌గా తీసుకునే ప్రయత్నం చేస్తున్నట్లుగా కనిపిస్తోంది. సాగునీటి ప్రాజెక్టుల విషయంలో మరింతగా జోక్యం చేసుకునేందుకు పావులు కదుపుతోంది. తెలుగు...

ఆర్కే పలుకు : మళ్లీ టీడీపీ – బీజేపీ పొత్తు మాట..!

ఆంధ్రజ్యోతి ఎండీ వేమూరి రాధాకృష్ణ ప్రతీవారంతంలో తను రాసే ఆర్టికల్ " కొత్తపలుకు"లో ఇటీవల గాఢత తగ్గింది. ఏపీ సర్కార్‌పై... తెలంగాణ సర్కార్‌పై గతంలో ఆయన విరుచుకుపడే తీరు వేరుగా ఉండేది. ఇప్పుడు...

జగన్ పై ప్రత్యక్ష, చిరంజీవి పై పరోక్ష విమర్శలు చేసిన బాలకృష్ణ

బాలకృష్ణ మరో మూడు రోజుల్లో షష్టి పూర్తి చేసుకోబోతున్నారు. ఈ సందర్భంగా కొన్ని టీవీ చానల్స్ కు బాలకృష్ణ ఇంటర్వ్యూలు ఇస్తున్నారు. తాజాగా ఒక ఛానల్ కిచ్చిన ఇంటర్వ్యూలో ఏపీ సీఎం జగన్...

HOT NEWS

[X] Close
[X] Close