హైదరాబాద్: ఔట్‌లుక్ మ్యాగజైన్‌పై మంచులక్ష్మి మండిపడ్డారు. తెలంగాణ ప్రభుత్వంలో ఉన్నతాధికారిగా పనిచేస్తున్న స్మితా సభర్వాల్‌పై ఆ పత్రిక వెలువరించిన కథనం చవకబారుగా ఉందని అన్నారు. అందమైన అమ్మాయి ఉన్నతస్థాయి పదవి నిర్వహించకూడదా అని ప్రశ్నించారు. మీడియా బాధ్యతాయుతంగా వ్యవహరించాలని అన్నారు. ఔట్‌లుక్ మ్యాగజైన్ అంటే తనకు ఎంతో గౌరవం ఉందని చెప్పారు. ఈ కథనాన్ని ప్రచురించినందుకు ఆ పత్రికపై చర్యలు తీసుకోవాలని డిమాండ్ చేశారు. ఈమేరకు లక్ష్మి ఒక వీడియోను విడుదల చేశారు. తెలంగాణ ముఖ్యమంత్రి కార్యాలయంలో ఆఫీసర్ ఆన్ స్పెషల్ డ్యూటీగా పనిచేస్తున్న స్మితా సభర్వాల్‌పై ఔట్ లుక్ మ్యాగజైన్ ఒక వివాదాస్పద కథనాన్ని వెలువరించిన సంగతి తెలిసిందే.
అందమైన అమ్మాయి ఉన్నతాధికారిగా ఉండకూడదా?: మంచులక్ష్మి
