మంచు లక్ష్మి సోషల్ మీడియాలో యాక్టివ్‌గా ఉంటారు కానీ.. సహజంగా వివాదాస్పద అంశాల జోలికి పోరు. మహిళా సమస్యలకు సంబంధించిన అంశాలపై అగ్రెసివ్‌గా స్పందిస్తారు. లేకపోతే.. సొంత పోస్టులు ఎక్కువగా పెట్టుకుంటారు. కానీ హఠాత్తుగా సీఎం జగన్‌ను ట్రోల్ చేసేలా ఓ పోస్టును రీ ట్వీట్ చేసి.. కామెడీగా “లోల్” కామెంట్ పెట్టడం సోషల్ మీడియాలో హాట్ టాపిక్ అయింది. ఎందుకంటే… అది జగన్‌ను తీవ్రంగా అవమానించే ట్వీట్.
కొన్నాళ్ల క్రితం సీఎం జగన్ ఢిల్లీలో జరిగిన ఓ సమావేశానికి వెళ్లారు. అక్షమాల ప్రకారం ఆంధ్రప్రేదశ్ సీఎం జగన్‌కు మొదటి సీటు కేటాయించారు. అక్కడ కూర్చున్న జగన్ ఏం చేయాలో తెలియక బిత్తర చూపులు చూస్తూ చాలా సేపు గడిపారు. ఈ వీడియోను ఇటీవల బాగా ట్రోల్ చేస్తున్నారు. బీ లైక్ అంటూ.. పెళ్లి బంతిలో కూర్చుని విస్తరాకు కోసం ఎదురు చూస్తున్న నేను …. ఎగ్జామ్ హాల్‌లో క్వశ్చన్ పేపర్ చూశాకా నా పరిస్థితి.. సీరియస్ మీటింగ్‌లో ఉన్నప్పుడు కడుపులో గిరగిరా తిరిగితే… ఎలా ఉంటుందంటే అంటూ వీడియో మీమ్స్ పెడుతున్నారు.
ఇలాంటి వాటిలో ఒకటి షేర్ చేసిన మంచు లక్ష్మి .. మరింత పరువు తీసేలా లోల్ అంటూ కామెంట్ పెట్టింది. ఇది వైసీపీ అభిమానులకు నచ్చలేదు. ఆమెపై దండయాత్ర చేస్తున్నారు. వైసీపీ మాత్రం కామెంట్లు చేస్తున్నారు.కానీ మంచు లక్ష్మి మాత్రం స్పందించలేదు. ఈ ట్వీట్‌ను తీసేయలేదు. నిజానికి మంచు విష్ణుకు జగన్ దగ్గరి బంధువు. మోహన్ బాబు వైసీపీనేత. అయినా కూడా మంచు లక్ష్మి ఇలా ట్రోల్ చేయడం చర్చనీయాంశం అవుతోంది.
