మంచు మేనిఫెస్టో : గెలిపిస్తే “అర్హులైన సభ్యులకు” అన్నీ !

“మా” ఎన్నికల్లో గెలిపిస్తే సభ్యులకు సినిమా అవకాశాలు కల్పించడం దగ్గర్నుంచి.. వారి పిల్లల చదువులకు , పెళ్లిళ్ల వరకూ అన్నింటికీ సాయం చేస్తామని మంచు విష్ణు ప్రకటించారు. ఈ మేరకు ఆయన పార్క్ హయత్ హోటల్‌లో మేనిఫెస్టోను విడుదల చేశారు. మొత్తం అందులో పధ్నాలుగు అంశాలు పెట్టారు. అందులో మొదటిది సభ్యులకు సినిమా అవకాశాలు కల్పించడం. ప్రత్యేకంగా యాప్ తయారు చేయిస్తానని అందరికీ అందుబాటులో ఉంచి.. అవకాశాలు కల్పిస్తామని విష్ణు ప్రకటించారు. జాబ్ కమిటీ వేసి అన్ని ప్రొడక్షన్స్, ఓటీటీ ప్లాట్‌ఫామ్‌ల వద్దకు వెళ్లి ఒప్పందం చేసుకుంటామని చెప్పుకొచ్చారు.

“మా” భవనాన్ని సొంత డబ్బుతో నేను కడతానని అందు కోసం మూడు స్థలాలు చూశానని ప్రకటించారు. అయితే మేనిఫెస్టోలో సొంత డబ్బుతో కడతానని చెప్పలేదు. ఇక “అర్హులు” అనే పదం వాడి పలు హమీలు ప్రకటించారు. వాటిలో ప్రభుత్వంతో మాట్లాడి సొంత ఇల్లు ఇవ్వడం, ఉచిత వైద్యం, పిల్లల పెళ్లిళ్లకు సాయం, చదవులకు సాయం వంటివి ఉన్నాయి. అర్హులైన సభ్యుల పెళ్లి ఖర్చుల కోసం 1.16 లక్షలు “మా” తరఫున ఇస్తామన్నారు. వృద్ధకళాకారుల సంక్షేమం కోసం ఎన్‌జీవో సర్వే చేయించి అర్హులకు పింఛను అందిస్తామన్నారు.

“మా” చరిత్రలో తొలిసారిగా మహిళల రక్షణ కోసం హైపవర్ ఉమెన్ గ్రివెన్స్ సెల్ ఏర్పాటు చేస్తామని కూడా హామీ ఇచ్చారు. కొందరకి మాలో సభ్యత్వం ఉన్నా ఓటు హక్కు లేదని వారికి ఓటు హక్కు కల్పిస్తామని ప్రకటించారు. “మా” ఉత్సవాలు నిర్వహించి ఫండ్ సేకరించి.. వాటిని మంచి పనులకు ఉపయోగిస్తామన్నారు. కేంద్ర రాష్ట్ర పథకాలకు మా సభ్యులు అర్హులు అయితే వారికి అందేలా ప్యానల్ కృషి చేస్తుందని ప్రకటించారు. జూన్‌లో మోహన్ బాబు ఫిల్మ్ ఇనిస్టిట్యూట్ ప్రారంభించి .. మా సభ్యులకు సగం స్కాలర్ షిప్ ఇస్తామని హామీ ఇచ్చారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close