ప్రభాస్ – హను రాఘవపూడి కాంబోలో ఓ సినిమా రూపుదిద్దుకొంటున్న సంగతి తెలిసిందే. మైత్రీ మూవీస్ రూపొందిస్తున్న ఈ చిత్రంలో మిథున్ చక్రవర్తి ఓ కీలక పాత్ర పోషిస్తున్నారు. బాలీవుడ్ లో ఒకప్పుడు తన డాన్సులతో దుమ్ము దులిపేసిన హీరో… మిథున్. ఇప్పటికీ తన డాన్సులకు అభిమానులు ఉన్నారు. ఓ దక్షిణాది చిత్రంలో మిథున్ నటించడం ఇదే తొలిసారి. ఈ చిత్రంలో కథానాయికగా ఇమాన్విని ఎంచుకొన్నారు. జయప్రద మరో కీలక పాత్ర పోషిస్తున్నారు.
విశాల్ చంద్ర శేఖర్ ఈ చిత్రానికి స్వరాలు సమకూరుస్తున్నారు. ఇప్పటికే 3 పాటలు సిద్ధం చేసినట్టు టాక్. సుదీప్ ఛటర్జీ కెమెరామెన్ గా వ్యవహరిస్తారు. వీఎఫ్ఎక్స్ బాధ్యతలు కమల్ కణ్ణన్ స్వీకరించారు. ఈ చిత్రం కోసం `ఫౌజీ` అనే పేరు పరిశీనలో ఉంది. త్వరలోనే ఈ రెగ్యులర్ షూటింగ్ ప్రారంభిస్తారు. 1947 నేపథ్యంలో సాగే కథ ఇది. ప్రభాస్ బ్రిటీష్ సైనికుడిగా కనిపిస్తాడని సమాచారం. సుభాష్ చంద్రబోస్ స్థాపించిన `ఆజాద్ హిందు ఫౌజ్` నేపథ్యం కూడా కథలో కనిపిస్తుందని ఇన్ సైడ్ వర్గాల టాక్.
