చైతూకి అఖిల్ పాఠాలు

అఖిల్ కంటే నాగ‌చైత‌న్య సీనియ‌ర్‌. పైగా అన్న‌య్య‌. అయిన‌ప్ప‌టికీ… అఖిల్ చైతూకి కొన్ని టిప్స్ ఇవ్వాల్సివ‌చ్చింది. ఆ టిప్స్‌తోనే మ‌జిలీలోని త‌న పాత్ర‌కి న్యాయం చేశానంటున్నాడు నాగ‌చైత‌న్య‌. అవును.. చైతూ క‌థానాయ‌కుడిగా న‌టించిన చిత్రం ‘మ‌జిలీ’. ఈ సినిమాలోని పాత్ర కోసం అఖిల్ టిప్స్ తీసుకోవాల్సివ‌చ్చింది. ఎందుకంటే.. ఇందులో నాగ‌చైత‌న్య ఓ క్రికెట‌ర్‌గా న‌టించాడు. అయితే ఇది వ‌ర‌కు.. చైతూకి క్రికెట్‌తో అస్స‌లు ట‌చ్ లేదు. ఈ సినిమా కోస‌మే క్రికెట్ నేర్చుకోవాల్సివ‌చ్చింది. అందుకోసం కొంత‌మంది రంజీ ప్లేయ‌ర్స్ ద‌గ్గ‌ర కోచింగ్ తీసుకున్నాడు చైతూ. దాంతో పాటు అఖిల్ స‌ల‌హాలూ సూచ‌న‌లు పాటించాడ‌ట‌. ”నాకు క్రికెట్ బొత్తిగా రాదు. ఎప్పుడో చిన్నప్పుడు ఆడాను. ఆ త‌ర‌వాత బ్యాట్ ముట్టుకోలేదు. అఖిల్ మాత్రం ఎప్పుడూ క్రికెట్ ధ్యాస‌లోనే ఉంటాడు. అందుకే అఖిల్ ద‌గ్గ‌ర టిప్స్ తీసుకున్నాను. ఓ ప్రొఫెష‌న‌ల్ క్రికెట‌ర్ లైఫ్ స్టైల్ ఏమిటో, గ్రౌండ్‌లో ఎలా ఉంటాడో అఖిల్ చెప్పాడు. అవ‌న్నీ పాటించాను..” అంటున్నాడు చైతూ. ఏప్రిల్ 5న ఈ చిత్రం ప్రేక్ష‌కుల ముందుకు వ‌స్తోంది. శివ నిర్వాణ ద‌ర్శ‌క‌త్వం వహించిన ఈ చిత్రంలో స‌మంత క‌థానాయిక‌.

Telugu360 is always open for the best and bright journalists. If you are interested in full-time or freelance, email us at Krishna@telugu360.com