నాగార్జున‌ని చాలామంది ద‌ర్శ‌కులు రొమాంటిక్ హీరోగానే చూశారు. వ‌య‌సు పెరిగినా ఆయ‌న ఆ త‌ర‌హా పాత్ర‌ల‌కే ఎక్కువ ప‌రిమిత‌మ‌య్యారు. ఆయ‌న‌లో ఓ యాక్ష‌న్ హీరో కూడా ఉన్నాడు. ఇప్ప‌టికీ నాగ్ కి యాక్ష‌న్ క‌థ‌లు చేయాల‌ని ఉంది. అందుకే.. ‘వైల్డ్ డాగ్’ లాంటి సినిమాల్ని ఎంచుకొన్నారు. ఫ‌లితం ఎలా ఉన్నా – న‌టుడిగా ఆయ‌న్ని ఆయ‌న సంతృప్తి ప‌ర‌చుకుంటున్నారు. ‘ఘోస్ట్’ కూడా యాక్ష‌న్ డ్రామానే. ముందు నుంచీ ఈ సినిమాని అలానే ప్ర‌మోట్ చేస్తూ వ‌చ్చారు. ఇప్పుడైతే `ఘోస్ట్`లో యాక్ష‌న్ ఏ రేంజ్‌లో ఉంటుందో ‘రెడ్ నోటీస్‌’ అనే ఓ ప్రోమో ద్వారా చూపించే ప్ర‌య‌త్నం చేశారు.
‘విక్రమ్.. నువ్వెక్క‌డ ఉన్నావో వాళ్ల‌కు తెలిసిపోయింది.. అండ‌ర్ వ‌ర‌ల్డ్ మొత్తం నిన్ను వెదుక్కొంటూ వ‌స్తోంది’ అనే ఫోన్ కాల్ తో విక్రమ్ (నాగార్జున) అలెర్ట్ అవ్వ‌డం.. వాళ్ల‌ని ఎదుర్కోవ‌డానికి ఓ క‌త్తి సిద్ధం చేయ‌డం.. ఇదీ ప్రోమోలో క‌నిపిస్తోంది. ఈ సినిమా ప్ర‌మోష‌న్ల‌లో క‌త్తికి ఎక్కువ ప్రాధాన్యం ఇచ్చారు. దానికి త‌గ్గ‌ట్టుగానే క‌త్తి త‌యారు చేయ‌డం చుట్టూ ఈ ప్రోమో సాగింది. విజువ‌ల్స్‌, ఆర్‌.ఆర్‌… అన్నీ థ్రిల్లింగ్ గా అనిపిస్తున్నాయి. ఈ ప్రోమో వెనుక ‘విక్రమ్’ స్ఫూర్తి ఉన్న‌ట్టు అర్థ‌మ‌వుతోంది. ‘విక్రమ్’ తొలి ప్ర‌చార చిత్రం కూడా ఇలానే క‌ట్ చేశారు. ‘విక్రమ్’ థీమ్ ఏమిటో ఆ ప్రోమో ద్వారా చెప్పారు. విష‌యం ఏమిటంటే… విక్రమ్ లో ఆ ప్రోమో షాట్లూ, సీన్లూ లేవు. మ‌రి… ‘ఘోస్ట్’ విష‌యంలో ఏం జరుగుతుందో. ప్ర‌వీణ్ స‌త్తారు దర్శ‌క‌త్వం వ‌హించిన చిత్ర‌మిది. ఈనెల 25న ట్రైల‌ర్‌ని విడుద‌ల చేస్తారు. అక్టోబ‌రు 5న సినిమా ప్రేక్ష‌కుల ముందుకు వ‌స్తుంది.
