నాగ‌చైత‌న్య – పరశురామ్ క‌ల‌యిక‌లో ఓ చిత్రం రూపుదిద్దుకుంటోంది. దీనికి ‘నాగేశ్వ‌ర‌రావు’ అనే టైటిల్ అనుకుంటున్నారు. నాగేశ్వ‌ర‌రావు మ‌న‌వ‌డు నాగ‌చైత‌న్య సినిమాకి ఆ పేరు పెట్ట‌డం త‌ప్ప‌నిస‌రిగా ఎట్రాక్ట్ చేసే విష‌య‌మే. నాగేశ్వ‌ర‌రావు అనేది పాత‌త‌రం పేరు. ఈ సినిమాలో చైతూ పాత్ర చిత్ర‌ణ కూడా అదే త‌ర‌హాలో ఉంటుందట. వ‌య‌సు చిన్న‌దే అయినా, పాత‌కాలం భావాలు, పెద్ద‌రికం, బాధ్య‌త‌లూ.. ఇవ‌న్నీ చైతూలో క‌నిపిస్తాయ‌ట. అన్న‌ట్టు ఈ సినిమాకి ‘కంప్లీట్ ఫ్యామిలీ మేన్’ లేదా ‘ప్యాక్డ్ ఫ్యామిలీ మెన్‌’ అనే క్యాప్ష‌న్ పెట్టాల‌ని భావిస్తున్నారు. గీత గోవిందంతో హిట్టు కొట్టిన పరశురామ్… ఆ సినిమాతో కుటుంబ ప్రేక్ష‌కుల్ని ఆక‌ట్టుకున్నాడు. మ‌రోసారి వాళ్ల‌ని టార్గెట్ చేస్తూ ఈ క‌థ‌ని రాసుకున్నాడ‌ట. ‘గీత గోవిందం’లో హీరోయిన్ క్యారెక్ట‌రైజేష‌న్ కూడా హైలెట్‌గా ఉంటుంది. ఇందులోనూ క‌థానాయిక పాత్ర ని చాలా స్ట్రాంగ్ గా తీర్చిదిద్దాడ‌ట. ఆ పాత్ర కోసం ర‌ష్మిక, కీర్తి సురేష్ ల పేర్లు ప‌రిశీల‌న‌లో ఉన్నాయి. ఇప్ప‌టికే చైతూ, నాగార్జున‌ల‌కు లైన్ చెప్పేశాడు పరశురామ్. ప్ర‌స్తుతం డైలాగ్ వెర్ష‌న్ న‌డుస్తోంది. త్వ‌ర‌లోనే క్లాప్ కొట్టేయ‌డానికి సిద్ధ‌మ‌వుతోంది చిత్ర యూనిట్‌.
నాగేశ్వ‌ర‌రావు… కంప్లీట్ ఫ్యామిలీ మ్యాన్‌!
