ద‌స‌రా ఫీవ‌ర్ మొద‌లైంది. వ‌చ్చే వార‌మే నాని సినిమా విడుద‌ల. నాని కెరీర్‌లోనే అత్య‌ధిక బ‌డ్జెట్ తో రూపొందించిన సినిమా ఇది. పైగా తొలి పాన్ ఇండియా చిత్రం. నాని గెట‌ప్.. సెట‌ప్ అంతా కొత్త‌గా ఉన్నాయి. విజువ‌ల్స్ ఓ రేంజ్‌లో క‌నిపిస్తున్నాయి. బిజినెస్ ప‌రంగా, క్రేజ్ ప‌రంగా… ద‌స‌రా దూసుకుపోతోంది. ఈ సినిమా కాన్సెప్ట్ ఏమిట‌న్న‌ది చిత్ర‌బృందం ఇంకా చెప్ప‌లేదు. కాక‌పోతే.. నాని ధ‌ర‌ణి అనే పాత్ర‌లో క‌నిపిస్తాడ‌ని, త‌నో బొగ్గుల దొంగ అని రివీల్‌చేసింది.
ఈ సినిమా కోర్ పాయింట్ ఇప్పుడు బ‌య‌ట‌కు వచ్చింది. స్నేహం, ప్రేమ, ప‌గ.. ఈ మూడింటి మ‌ధ్య `ద‌స‌రా` సాగ‌బోతోంది. స్నేహితుడి మ‌ర‌ణానికి హీరో తీసుకొనే రివైంజ్ ఈ సినిమా. ఇందులోని ప్రేమ క‌థ‌లోనూ పెయిన్ ఉంటుంద‌ని తెలుస్తోంది. ఓ ర‌కంగా.. ఇది ఓ ట్ర‌యాంగిల్ ల‌వ్ స్టోరీలా సాగ‌బోతోంద‌ని, ఆ ప్రేమ‌క‌థ‌లో వ‌చ్చే ట్విస్టు కొత్త‌గా ఉంటుంద‌ని తెలుస్తోంది. చూడ్డానికి `ద‌స‌రా` చాలా `రా` అండ్ ర‌స్టిక్‌గా క‌నిపిస్తున్నా, ఎమోష‌న‌ల్ సీన్లు బాగా పండాయ‌ని స‌మాచారం. యాక్ష‌న్ స‌న్నివేశాల‌కు పెద్ద పీట వేశార‌ని, విల‌న్ పాత్ర కూడా బాగా తీర్చిదిద్దార‌ని తెలుస్తోంది. మొత్తానికి… ద‌స‌రా స్నేహం, ప్రేమ, ప‌గ‌ల‌కు పెద్ద పీట వేసిన సినిమా అని తేలింది. మ‌రి ఈ కాంబో ఎలా ఉంటుందో చూడాలి.
