అక్కడికి చేరుకోవడానికి 54 ఏళ్ళు పట్టింది?

“అక్కడికి చేరుకోవడానికి 54 ఏళ్ళు పట్టింది” అనగానే ఏ మంగళగ్రహానికో అనేసుకొనవసరం లేదు. పొరుగునే ఉన్న దుబాయ్ కి అని ప్రధాని నరేంద్ర మోడీ చెప్పారు. భారత్-దుబాయ్ ల మధ్య 700 విమానాలు తిరుగుతున్నప్పటికీ ఒక భారత ప్రధాని దుబాయ్ రావడానికి 54సం.లు పట్టిందని ప్రధాని నరేంద్ర మోడీ చమత్కారంగా అన్నారు. అంటే ఇంతకాలం భారత్ ని పరిపాలించిన కాంగ్రెస్ పార్టీ దుబాయ్ మరియు గల్ఫ్ దేశాల ప్రాదాన్యతని గుర్తించడంలో విఫలమయ్యిందని ఆయన చమత్కారభరితంగా చెప్పారు. ఆ తప్పును తను దుబాయ్ పర్యటన ద్వారా సరిదిద్డుతున్నట్లు చెప్పినట్లే భావించవచ్చును.

దుబాయ్ అంతర్జాతీయ క్రికెట్ మైదానంలో ప్రధాని నరేంద్ర మోడీ నిన్న రాత్రి నిర్వహించిన బహిరంగ సభకి హాజరయిన ప్రవాసభారతీయులతో స్టేడియం కిక్కిరిసిపోయింది. స్టేడియం కెపాసిటీ ముప్పై వేలే అయినప్పటికీ 50,000 మంది అందులో సర్దుకొని మరీ ఆయన ప్రసంగం విన్నారు. భారత ప్రధాని దుబాయ్ రావడం ఇన్నేళ్ళు ఆలశ్యమయినప్పటికీ దుబాయ్ రాజుగారు తమ కోసం ఓపికగా వేచిచూసి, వచ్చిన తరువాత చాలా ఆదరించి, భారత్ లో లక్ష కోట్లకు పైగా పెట్టుబడులు పెట్టేందుకు కూడా అంగీకరించారని తెలిపి మోడీ ఆయనకి సభాముఖంగా కృతజ్ఞతలు తెలుపుకొన్నారు.

ముస్లిం దేశమయిన దుబాయ్ లో హిందువుల కోసం ఒక దేవాలయం నిర్మించేందుకు స్థలం కేటాయిండం ఆయన ఔదార్యానికి గుర్తని మోడీ ఆయనని మెచ్చుకొన్నారు. ఇప్పుడు దుబాయ్ ఒక మినీ ప్రపంచంలాగ మారిపోయిందని ప్రపంచంలో అన్ని దేశాలవాళ్ళు అక్కడికి ఆకర్షితులవుతున్నారని మోడీ దుబాయ్ రాజుగారి సార్వజనిక పాలనను ప్రస్తుతించారు. అదేవిధంగా స్టేడియంలో తన ముందున్న ప్రవాస భారతీయులందరినీ చూస్తుంటే అక్కడే ఒక ‘మినీ భారత్’ ఉన్నట్లు తనకు అనిపిస్తోందని మోడీ అన్నారు.

దుబాయ్ రాజుగారు, ఆయన పరిపాలన గురించి మోడీ చెప్పిన మాటలు సభకు హాజరయిన ప్రవాసభారతీయులను ఆకట్టుకోవడం సహజమే. కానీ ఆయన పలికిన ఆ నాలుగుముక్కల వలన దుబాయ్ ప్రభుత్వం కూడా అక్కడ పనిచేస్తున్న లక్షలాది ప్రవాసభారతీయుల పట్ల మరికొంత సానుకూలంగా, సానుభూతితో వ్యవహరించవచ్చును. అలాగే భారత్ తో తన సంబంధాలను మరింత పటిష్టం చేసుకొనేందుకు ఆసక్తి చూపించవచ్చును. సాధారణంగా ఇటువంటి సందర్భాలలో ప్రధానులు ఏవో కొన్ని ఊకదంపుడు ప్రసంగాలు చేసి, కొన్ని ఒప్పందాలపై సంతకాలు చేసేసి తమ పర్యటన విజయవంతం అయిందని చెప్పుకొంటుంటారు. కానీ ప్రధాని మోడీ మాత్రం ఆ సాంకేతిక పడికట్టు పదజాలం జోలికి పోకుండా, అనేక ఏళ్ల తరువాత దుబాయ్ వచ్చినప్పటికీ, అక్కడి ప్రభుత్వం ప్రసన్నం అయ్యేవిధంగా చాలా చక్కగా మాట్లాడుతూ తన పని చక్కబెట్టుకొని వచ్చారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అవకాశాలు రాని టీఆర్ఎస్ నేతలకు ఆశాకిరణం ఈటల..!

ఈటల రాజేందర్ ఒక్క సారిగా తెలంగాణ రాజకీయాలకు కేంద్ర బిందువు అయ్యారు. తనంతట తాను టీఆర్ఎస్ నుంచి వెళ్లిపోయి రాజకీయ పార్టీ పెట్టుకుంటే.. ఆయనను ఎవరూ పట్టించుకునేవారు కాదు. కానీ కేసీఆర్ ...

“నిపుణులు” ఇప్పటికీ అమాయకులుగానే కనిపిస్తున్నారా..!?

భారతదేశంలో ప్రస్తుతం హెల్త్ ఎమర్జెన్సీ తరహా పరిస్థితులు ఉన్నాయి. కేంద్రం అధికారికంగా ప్రకటించలేదు కానీ... అంత కంటే దారుణమైన పరిస్థితులు ఉన్నాయి. కరోనా బారిన పడుతున్న ప్రజలకు కనీసం ఆక్సిజన్ అందించలేని దౌర్భాగ్య...

ఆ పేలుడు అంత సీరియస్ కాదా..? చర్యలేవి..?

కడప జిల్లాలోని సున్నపురాయి గనుల్లో జరిగిన బాంబు పేలుడు ఘటనను వీలైనంత తక్కువగా చూపే ప్రయత్నాలు జరుగుతున్నాయి. పది మంది .. తునాతనకలైనా.. అధికారులు శరవేగంగా స్పందించలేదు. ఆ గని యజమాని ఎవరు..?...

మీడియా మైండ్‌సెట్‌తో వైసీపీ మైండ్ గేమ్..!

కరోనా కారణంగా ఆంధ్రప్రదేశ్ ప్రభుత్వం తీవ్ర ఇక్కట్లను ఎదుర్కొంటోంది. ఓ వైపు కేంద్రం... ఆక్సిజన్, వ్యాక్సిన్లు, రెమిడిసివర్ ఇంజక్షన్లు అన్నింటినీ అధీనంలోకి తీసుకుని అరకొరగా పంపుతోంది. దీంత ప్రజలు నానా...

HOT NEWS

[X] Close
[X] Close