చిన్న చిన్న పాత్ర‌లనైనా – పెద్ద న‌టుల‌తో చేయించ‌డం బోయ‌పాటికి అల‌వాటు. అప్పుడే తెర నిండుగా క‌నిపిస్తుంద‌ని ఆయన న‌మ్మ‌కం. అందుకే.. బోయపాటి సినిమాల్లో ఫ్రేము ప‌ట్ట‌నంత మంది న‌టీన‌టులు క‌నిపిస్తారు. ఈసారీ అదే పంథాలో వెళ్తున్నారాయ‌న. బాల‌కృష్ణ – బోయపాటి కాంబినేష‌న్ లో ఓ సినిమా తెర‌కెక్కుతున్న సంగ‌తి తెలిసిందే. ఈ సినిమాలోనూ న‌టీన‌టుల ఎంపిక ప‌రంగా చాలా జాగ్ర‌త్తలు తీసుకుంటున్నారు బోయపాటి. ఓ పాత్ర కోసం అల్ల‌రి న‌రేష్ ని సంప్ర‌దించిన‌ట్టు వార్త‌లొస్తున్నాయి.
కాక‌పోతే.. న‌రేష్ స‌న్నిహిత వ‌ర్గాలు మాత్రం ఈ వార్త‌ని ఖండించాయి. ”బోయపాటి మైండ్ లో ఏముందో తెలీదు. కానీ.. ఈ ఆఫ‌ర్ గురించి ఇప్ప‌టి వ‌ర‌కూ న‌రేష్ తో చ‌ర్చించ‌లేదు” అని న‌రేష్ పీఆర్ టీమ్ తెలిపింది. ఓ పాత్ర కోసం ఇది వ‌ర‌కే.. బోయపాటి న‌వీన్ చంద్ర‌ని ఎంచుకున్నారు. ఆ పాత్ర కోసం మ‌రిన్ని ఆప్ష‌న్లు వెదికే క్ర‌మంలో న‌రేష్ పేరు చ‌ర్చ‌కు వ‌చ్చింద‌ని, అయితే బోయపాటి చివ‌రికి న‌వీన్ చంద్ర కే ఫిక్స్ అయిన‌ట్టు తెలుస్తోంది. కాబ‌ట్టి బాల‌య్య సినిమాలో న‌రేష్ ఓ ఆప్ష‌న్ మాత్ర‌మే. ఈ పాత్ర కోసం న‌వీన్ చంద్ర ఇప్ప‌టికే ఫిక్స్ అయిపోయాడు. సో.. ఇందులో న‌రేష్ లేన‌ట్టే.
