ప‌వ‌న్ ప‌క్క‌న కొత్త క‌థానాయిక‌

ఓ వైపు పింక్ మ‌రోవైపు క్రిష్ సినిమా… మధ్య‌మ‌ధ్య‌లో రాజ‌కీయాలూ అంటూ బిజీ బిజీగా ఉన్నాడు ప‌వ‌న్‌. ఈనెల 8 నుంచి క్రిష్ సినిమా రెండో షెడ్యూల్ ప్రారంభ‌మైంది. సోమ‌వారం నుంచి ప‌వ‌న్ కూడా చిత్రీక‌ర‌ణ లో పాలు పంచుకుంటున్నాడు. రాత్రి నేప‌థ్యంలో కొన్ని స‌న్నివేశాల్ని తెర‌కెక్కిస్తున్నారు. ఈ సినిమాలో ఇద్ద‌రు హీరోయిన్ల‌ని ముందు నుంచీ ప్ర‌చారం జ‌రుగుతోంది. జాక్వెలెన్ ఫెర్నాండేజ్‌ని ఓ క‌థానాయిక‌గా ఎంచుకున్నార‌ని, మ‌రో క‌థానాయిక‌గా ప్ర‌గ్యా జైశ్వాల్‌ని తీసుకున్నారని చెబుతున్నారు. అయితే.. ప్ర‌గ్యా ఈ సినిమాలో లేద‌ని తెలుస్తోంది. ఆమె స్థానంలో ఓ స్టార్ క‌థానాయికే తెర‌పై క‌నిపిస్తుంద‌ని స‌మాచారం. ప్ర‌గ్యా ఉన్నా ఆమెకు క‌థానాయిక స్థాయి లేద‌ని, ప‌వ‌న్ పక్క‌న మ‌రో క‌థానాయిక క‌నిపించ‌నున్న‌ద‌ని టాక్‌. ఆ క‌థానాయిక అయితే స్టార్ హీరోయిన్ అవ్వాలని, లేదంటే ఓ కొత్త ఫేస్‌ని వెండి తెర‌కు ప‌రిచ‌యం చేయాలని క్రిష్ భావిస్తున్నాడు. 90 శాతం కొత్త క‌థానాయిక ఎంపిక వైపే మొగ్గు చూపించే అవ‌కాశాలు ఉన్నాయి.