రేవంత్ ఆతృతే కానీ కాంగ్రెస్ నేతలకు సోయి ఉంటుందా..!?

గ్రేటర్ ఎన్నికల్లో మళ్లీ ఎలా గెలవాలా అని టీఆర్ఎస్ అధినేత కేసీఆర్ ప్రణాళికలు సిద్ధం చేసేసుకున్నారు. ఆయన సర్వేల పేరుతో ఎన్ని గెలుస్తామో కూడా చెప్పడం ప్రారంభించారు. మరో వైపు కేటీఆర్… భాగ్యనగరాన్ని హామీలతో ముంచేస్తున్నారు. ఇలాంటి పరిస్థితుల్లో… కాంగ్రెస్ పార్టీ .. టీఆర్ఎస్‌ను ధీటుగా ఎదుర్కొనేందుకు ప్రయత్నించాలి.. మల్కాజిగిరి ఎంపీగా ఆ బాధ్యత తీసుకునేందుకు రేవంత్ రెడ్డి ప్రయత్నిస్తున్నారు. కానీ.. కాంగ్రెస్ నేతలు మాత్రం.. తమ సహజసిద్ధమైన రాజకీయాల్ని మార్చుకోవడం లేదు. సమావేశాలలో బాహాబాహీకి దిగుతున్నారు.

గ్రేటర్ ఎన్నికలపై.. గాంధీభవన్‌లో కాంగ్రెస్ నేతలు సమావేశమయ్యారు. ఈ సందర్భంగా రేవంత్ రెడ్డి… రాజకీయ వ్యూహాలను వివరించారు. ఏం చేయాలో.. ఎలా చేయాలో చెప్పారు. టీఆర్ఎస్ ఎలాంటి అడ్డదారులు తొక్కబోతోందో వివరించి.. వాటిని ఎదుర్కోవాలన్నారు. తక్కువ ఓట్లతో డివిజన్లు ఏర్పాటు చేశారని.. బోగస్ ఓట్లు వేయించేడం వంటి చర్యలకు పాల్పడేందుకు ప్రణాలికలు వేస్తున్నారని పార్టీ నేతలకు వివరించారు. ఓల్డ్ సిటీలోని డివిజన్లలో 15 నుంచి 30 వేల ఓట్లు ఉంటే ఇంకో దగ్గర 70, 80 వేలు ఓటర్లు ఉన్నారు. డిలిమిటేషన్ చేసేప్పుడు మనం చాలా జాగ్రత్తగా ఉండాలన్నారు. ఎన్నికల సమయంలో లీగల్‌గా ఎప్పటికప్పుడు అప్రోచ్ కావడానికి లీగల్ టీమ్ సిద్ధంగా ఉండాలని సూచించారు. 150 డివిజన్లలో ముఖ్య నాయకులను గుర్తించి గడప గడపకు పాదయాత్ర చేసి వాళ్ళను నామినేట్ చేస్తే బాగుంటుందని సూచించారు. ప్రతి డివిజన్లలో డివిజన్‌కి మేనిఫెస్టో ప్రకటించాలని.. ఇలా.. చాలా చాలా ఆలోచనలు చెప్పారు.

అయితే.. కాంగ్రెస్ నేతలు మాత్రం.. మొత్తం ఎజెండాను మార్చేసుకున్నారు. ఒకరినొకరు తిట్టుకోవడం ప్రారంభించారు. శ్రవణ్, నిరంజన్.. ఒకరిపై ఒకరు దూసుకెళ్లి బూతులు తిట్టుకున్నారు. ఎవరి ఆధిపత్యం కోసం వారు ప్రయత్నించడంలో అక్కడ గందరగోళ పరిస్థితి ఏర్పడింది. తిట్టుకోవడం అయిపోయాక.., పీసీసీ చీఫ్ ఉత్తమ్ సర్దిచెప్పారు. కానీ జరగాల్సిన నష్టం జరిగిపోయింది. కాంగ్రెస్ తీరు మారదని.. మీడియా ద్వారా ప్రజలకు స్పష్టత వచ్చింది. రేవంత్‌ది కంఠశోషగానే మిగిలిపోయింది. ఇలాంటి అనైక్యతతో .. టీఆర్ఎస్‌పై పోరాటం చేయడం సాధ్యం కాదనేది.. రాజకీయాలపై అవగాహన ఉన్నవారు చెప్పేమాట.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close