నిధుల కొరత ఉండని ముహూర్తాలు కావాలి సార్‌!

అమరావతి నగర నిర్మాణానికి సంబంధించి… ఆంధ్రప్రదేశ్‌ రాష్ట్ర ప్రజల్లో చాలా రకాల భయాలున్నాయి… అనుమానాలున్నాయి.. ప్రపంచం నివ్వెరపోయే నగరాన్ని నిర్మించేస్తా అంటూ ముఖ్యమంత్రి చంద్రబాబునాయుడు చాలా ఊదరగొట్టారు. పదేపదే ప్రకటనలు గుప్పించారు. ప్రజల్లో చాలా ఆశలు రేకెత్తించారు. సింగపూర్‌, చైనా, జపాన్‌ దేశాలన్నీ వెళ్లి వచ్చేశా… వాళ్లందరూ ఎప్పుడెప్పుడు మన దేశానికి వచ్చి రాజధాని కట్టేద్దామా? డబ్బు సంచులు రెడీగా పెట్టుకుని కూర్చున్నారు అనిపించే స్థాయిలో ఆయన బిల్డప్పులు ఇచ్చారు. కానీ.. ఇప్పుడు క్రమక్రమంగా ఆ మాటల్లోని డొల్లతనం బయటపడుతోంది. ప్రస్తుతం మొదలెట్టిన తాత్కాలిక సచివాలయ భవనాలు తప్ప.. ఆయన చెప్పిన 2018 గడువు నాటికి మరొక భవనం నిర్దిష్టమైన నిర్మాణం, ‘తాత్కాలిక’ అనే ట్యాగ్‌లైన్‌ లేని నిర్మాణం వస్తుందనే అబిప్రాయం ఎవ్వరికీ కలగడం లేదు.

అయితే ఒక్క విషయాన్ని మాత్రం చంద్రబాబు ప్రభుత్వం క్రెడిట్‌ కిందనే ఒప్పుకోవాలి. అమరావతి నగర నిర్మాణానికి సంబంధించి.. పనులు ఏం జరుగుతున్నాయో పరమాత్ముడి కెరుక! కానీ అక్కడ ఏదో జరిగిపోతున్నట్లుగా బాహ్యప్రపంచానికి ఒక కలర్‌ ఇవ్వడంలో మాత్రం.. అమరావతికి సంబంధించిన ‘పీఆర్‌’ టీం చాలా చక్కగా పనిచేస్తోంది. అక్కడ ఏదో జరిగిపోతున్నదనే ఫీలింగ్‌ సృష్టించేలా… అక్కడ వాస్తు దిక్కులు ఎలా ఉండబోతున్నాయో.. ముఖ్యమంత్రి, శాసనసభ స్పీకరు, మండలి ఛైర్మన్‌ ఏదిక్కులను ఫేస్‌ చేసి కూర్చునేలా.. నిర్మాణాలలో వాస్తు మార్పులు చేయిస్తున్నారో.. వార్తలు వస్తున్నాయి.

ఇలాంటి వార్తలు చూస్తున్నప్పుడు ఒక రకంగా ఏడవాలో నవ్వాలో కూడా అర్థం కాని పరిస్థితి. చంద్రబాబునాయుడుకు నికార్సుగా ముహూర్తాలు, వాస్తు మీద పట్టింపు ఉన్నట్లు అయితే.. అసలు నిధుల కొరత ఉండనివ్వని సుముహూర్తాన్ని పెట్టించి.. పనులకు శ్రీకారం చుట్టి ఉండాల్సింది. ఎన్నడో విజయదశమికి రెండవ శంకుస్థాపన కూడా జరిగినా.. ఉగాది దాకా.. ఒక్క ఇటుక కూడా నిజమైన నిర్మాణానికి కదలకపోవడం.. జనానికి సందేహాలు రేకెత్తించకుండా ఎలా ఉంటుంది. అందుకే జనం సీఎంను కోరుకుంటున్నది ఏంటంటే.. అయ్యా… నగర నిర్మాణం గురించి ప్రచారం రంజుగానే జరుగుతున్నది.. కానీ కుర్చీలు ఎటువైపు ఉండాలో వాస్తు లెక్కలు బాగానే వేయిస్తున్నారు గానీ… అసలు ఆ నిర్మాణాలు నిరాటంకంగా పూర్తయ్యేలా నిధుల కొరత ఉండని ముహూర్తాలూ పెట్టించండి స్వామీ అని విన్నవించుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మధ్యప్రదేశ్ సీన్ రాజస్థాన్‌లోనూ రిపీట్ అవుతోందా..?

జ్యోతిరాదిత్య సింధియా తన వర్గం ఎమ్మెల్యేలతో బీజేపీలో చేరిపోవడంతో మధ్యప్రదేశ్‌లో కాంగ్రెస్ ప్రభుత్వం కూలిపోయి... బీజేపీ ప్రభుత్వం ఏర్పడింది. పదిహేనేళ్ల సుదీర్ఘ విరామం తర్వాత... పట్టుమని ఏడాది కూడా ఉండలేకపోయింది. ఇప్పుడు అదే...

లాక్‌డౌన్ దిశగా రాష్ట్ర ప్రభుత్వాల ఆలోచనలు..!

వైరస్ దెబ్బకు మళ్లీ షట్‌డౌన్ ఆలోచనలు చేస్తున్నాయి ప్రభుత్వాలు. కర్ణాటక ప్రభుత్వం బెంగళూరులో వారం పాటు కంప్లీట్ లాక్ డౌన్ ప్రకటించేసింది. అక్కడ ఇప్పటికే వారంతాల్లో లాక్ డౌన్ అమలవుతోంది. అయినా.. అనూహ్యంగా.....

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

HOT NEWS

[X] Close
[X] Close