భూమనకూ జగన్ టిక్కెట్ ఇవ్వడం లేదట..!

వైఎస్ఆర్ కాంగ్రెస్ పార్టీ తరపున తిరుపతి టిక్కెట్ ఎవరిది అంటే… అందరూ ఒకే మాట చెబుతారు.. భూమన కరుణాకర్ రెడ్డిది అని. అక్కడ్నుంచి ఆయన గతంలో ఎమ్మెల్యేగా గెలిచారు. చిరంజీవి రాజీనామా చేసిన తర్వాత జరిగిన ఉపఎన్నికల్లో గెలిచారు. అంతకు ముందు చిరంజీవిపై పోటీ చేసి ఓడిపోయారు. 2014లో ఓడిపోయారు. తిరుపతికి రెండేళ్ల పాటే ఎమ్మెల్యేగా ఉన్నప్పటికీ.. వైఎస్ హయాంలో టీటీడీ చైర్మన్‌గా ఆయన తిరుపతిలో చక్రం తిప్పారు. కాంగ్రెస్‌లో ఉన్నా.. వైసీపీలో ఉన్నా.. వ్యవహారం మొత్తం ఆయన చేతుల్లోనే ఉంటుంది. సాక్షి పత్రిక యూనిట్ ఆఫీసులో కూడా ఆయనదే పెత్తనం. తిరుపతి సాక్షి పత్రికలో ఏమి రావాలో.. ఆయనే చెబుతారని అక్కడి మీడియా వర్గాలు చెబుతూ ఉంటాయి. ఓ రకంగా ఆయన నాన్ వర్కింగ్ ఎడిటర్ అన్నమాట. అంతగా.. పార్టీ, సాక్షి పై పట్టు సాధిచిన భూమనకు.. ఇప్పుడు జగన్ టిక్కెట్ ఇవ్వడం లేదట..!

సామాజికవర్గాల సమీకరణాలు చూస్తే.. తిరుపతిలో రెడ్డి అభ్యర్థి విజయం సాధించడం అంత తేలిక కాదు. ఓ వేవ్ రావాలి. ఉపఎన్నికల్లో.. భూమన కరుణాకర్ రెడ్డి గెలిచినప్పుడు… అధికారంలో కాంగ్రెస్ ప్రభుత్వం ఉంది. అందుకే గెలవగలిగారు. అక్కడ బలిజ వర్గానికే ఎక్కువగా రాజకీయ పార్టీలు టిక్కెట్లు ఇస్తూ ఉంటాయి. అందుకే జగన్ కూడా.. ఓ బలమైన బలిజ వర్గానికి చెందిన నేతకు టిక్కెట్ ఇవ్వాలని నిర్ణయించారు. టీడీపీ తరపున.. మాజీ ఎమ్మెల్యే ఎం. వెంకటరమణ భార్య సుగుణ ఉన్నారు. ఈ సారి టిక్కెట్ ఆమెకే ఖరారు చేయబోతున్నారు. అందుకే పోటీగా మహిళా అభ్యర్థినే బరిలోకి దించాలనే ఆలోచన చేస్తున్న జగన్.. ప్రముఖ సినీ నిర్మాత ఎన్వీ ప్రసాద్ భార్య పేరును పరిశీలిస్తున్నారట. ఎన్వీ ప్రసాద్ గతంలో టీడీపీ తరపున పోటీ చేశారు. తర్వాత ప్రజారాజ్యంలో చేరారు. కొంత కాలం నుంచి రాజకీయాలకు దూరంగా ఉంటున్నారు.

ఇప్పటికే వైసీపీ అభ్యర్థిని తానేనంటూ ప్రకటించుకొని కరుణాకర్ రెడ్డి ప్రచారం చేసుకుంంటున్నారు. వైఎస్ కుటుంబానికి అత్యంత సన్నిహితంగా ఉంటూ.. బంధువులుగా కూడా మారిన కరుణాకర్ రెడ్డికి టిక్కెట్ ఇవ్వకుండా.. .ఉండరని..అందరూ అనుకుంటున్నారు. కానీ అనూహ్యంగా సామాజిక సమీకరణాల కోసం.. టిక్కెట్ నిరాకరించే పరిస్థితి రావడమే.. భూమన వర్గీయులను.. ఆందోళనకు గురి చేస్తోంది. ఇప్పటి వరకూ.. జగన్ ఎంతో మంది సీనియర్లను పక్కన పెట్టేశారు. ఆ నిర్ణయాల ప్రకారం చూస్తే.. భూమనకూ టిక్కెట్ లేనట్లేనని.. వైసీపీ వర్గాలు బహిరంగంగానే చెప్పుకుంటున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అచ్చెన్నాయుడు అన్నీ అలా కలసి వస్తున్నాయంతే !

ఏపీ టీడీపీ అధ్యక్షుడు అచ్చెన్నాయుడుకు అన్నీ అలా కలసి వస్తున్నాయి. ఆయన ప్రత్యర్థి .. దువ్వాడ శ్రీనివాస్.. భార్య చేతిలోనే పదే పదే ఓడిపోతున్నారు. తాజాగా మరోసారి ఆయన భార్య రంగంలోకి దిగారు....

‘పారిజాత ప‌ర్వం’ రివ్యూ: సినిమా తీయ‌డం ఓ క‌ళ‌!

Parijatha Parvam movie review తెలుగు360 రేటింగ్: 1.5/5 'కిడ్నాప్ చేయ‌డం ఓ క‌ళ‌'... అనే కాన్సెప్ట్‌తో రూపొందించిన చిత్రం 'పారిజాత ప‌ర్వం'. దాన్ని బ‌ట్టి ఇదో కిడ్నాప్ క‌థ‌ అని ముందే అర్థం చేసుకోవొచ్చు....

ఉద్యోగం ఊస్టింగ్ ? వెంకట్రామిరెడ్డి ఇక జగన్ సేవకే.. !

ఏపీ సచివాలయ ఉద్యోగ సంఘం నేత వెంకట్రామిరెడ్డిని సస్పెండ్ చేసింది ఈసీ. ఆయన వైసీపీ కోసం ఎన్నికల ప్రచారం చేయడంతో నిర్ణయం తీసుకుంది. అంతే కాదు ఆయనను అమరావతి దాటి వెళ్లవద్దని ఉత్తర్వులు...

సీఎస్, డీజీపీ బదిలి ఇంకెప్పుడు !?

ఏపీలో వ్యవహారాలన్నీ గీత దాటిపోతున్నాయి. ఎన్నికలకోడ్ ఉన్నా.. రాజారెడ్డి రాజ్యాంగమే అమలవుతోంది. ఐపీసీ సెక్షన్ల కాకుండా జేపీసీ సెక్షన్లతో పోలీసులు రాజకీయ కేసులు పెట్టేస్తున్నారు. అమాయకుల్ని బలి చేస్తున్నారు. మరో...

HOT NEWS

css.php
[X] Close
[X] Close