నాని – సుధీర్ బాబు క‌థానాయ‌కులుగా రూపొందిన చిత్రం ‘వి’. క‌రోనా గొడ‌వ లేక‌పోతే.. ఈ పాటికి ఈ సినిమా విడుద‌ల‌య్యేది. కానీ… లాక్ డౌన్ వ‌ల్ల వాయిదా ప‌డింది. లాక్ డౌన్ ఎత్తేస్తే… ముందుగా క్యూ క‌ట్టే సినిమాల్లో `వి` ముందు వ‌రుస‌లో ఉంటుంది. ఇంద్ర‌గంటి మోహ‌న కృష్ణ ఈ చిత్రానికి ద‌ర్శ‌కుడు. నానిని తొలిసారి నెగిటీవ్ షేడ్‌లో చూపిస్తున్న సినిమా ఇది. మ‌రి నేచురల్ స్టార్ అయిన నాని… త‌న‌లోని విల‌నిజాన్ని ఎలా ప్రెజెంట్ చేస్తాడో చూడాలి.
అన్న‌ట్టు ఈ క‌థ‌లో విలన్ ల‌క్ష‌ణాలున్న మరో పాత్ర కూడా ఉంద‌ట. క‌థానాయిక అతిథిరావు హైద‌రీ క్యారెక్ట‌రైజేష‌న్‌లో నెగిటీవ్ షేడ్స్ క‌నిపిస్తాయ‌ని, ఆమె పాత్ర ప్రేక్ష‌కుల్ని ఆశ్చ‌ర్యంలో ముంచెత్తుతుంద‌ని టాక్‌. అతిథి ముందు నుంచీ కాస్త విభిన్న‌మైన క‌థ‌ల‌నే ఎంచుకుంటోంది. రెగ్యుల‌ర్ క‌మ‌ర్షియ‌ల్ క‌థానాయిక పాత్ర‌ల్ని అస్స‌లు ప‌ట్టించుకోవ‌డం లేదు. ఇంద్ర‌గంటి తన పాత్ర‌ని డిజైన్ చేసిన విధానానికి అతిథిరావు మ‌రోసారి ఫిదా అయిపోయింద‌ని, నాని, సుధీర్ త‌ర‌వాత.. ప్రేక్ష‌కుల్ని తన వైపుకు తిప్పుకునే క్యారెక్ట‌ర్ అతిథిదే అని టాక్‌. త్వ‌ర‌లో విడుదల కాబోతున్న ఈ `వి`లో ఇంకెన్ని వింత‌లున్నాయో మ‌రి.
