దావూద్‌కు పాక్‌ ఆర్మీ స్పెషల్ కమేండోలతో సెక్యూరిటీ

హైదరాబాద్: పాకిస్తాన్‌లో తలదాచుకుంటున్న అండర్ వరల్డ్ డాన్, 1993 ముంబాయి పేలుళ్ళ కుట్రదారు – దావూద్ ఇబ్రహీంకు సెక్యూరిటీని పటిష్ఠం చేశారు. దావూద్ చిరకాల శత్రువు ఛోటా రాజన్ ఇండోనేషియాలో అరెస్ట్ అయిన నేపథ్యంలో దావూద్‌కు, లష్కరే తోయిబా తీవ్రవాద సంస్థ అధినేత, 26/11 ముంబాయి పేలుళ్ళు కుట్రదారు హఫీజ్ మొహమ్మద్ సయీద్‌కు పాకిస్తాన్ ఆర్మీ భద్రత పెంచిందని భారత ఇంటలిజెన్స్ వర్గాలు చెబుతున్నాయి. ఛోటా రాజన్ అరెస్ట్ అవటంతో ఇక దావూద్‌పై భారత్ దృష్టి పెడుతుందనే ఉద్దేశ్యంతోనే సెక్యూరిటీని టైట్ చేసినట్లు చెబుతున్నారు. కరాచీ, ఇస్లామాబాద్ నగరాలలో ఉన్న దావూద్ ఇళ్ళవద్ద పాక్ స్పెషల్ కమాండోలను మోహరించినట్లు ఇంటలిజెన్స్ వర్గాల సమాచారం. అతని ఇళ్ళ అడ్రెస్‌లు, ఆ ఇళ్ళ తాజా ఫోటోలు, అతని భార్య పేరుమీద ఉన్న బిల్లులతో ఇంటెలిజెన్స్ వర్గాలు పక్కాగా ఆధారాలు సేకరించి ఇటీవలే నివేదిక రూపొందించాయి. అతను తమవద్ద లేడంటూ పాకిస్తాన్ చెబుతూ వస్తున్నందున, ఆగస్ట్‌లో జరగాల్సిన ఇరుదేశాల ఉన్నతస్థాయి చర్చలలో ఈ నివేదికను పాకిస్తాన్‌ ముందు పెట్టాలని అధికారులు భావించారు. అయితే ఆ చర్చలు రద్దయ్యాయి. ఆ నివేదికలో సమాచారం ప్రకారం – దావూద్ కొన్నేళ్ళుగా పాకిస్తాన్ నుంచి కాలు బయటపెట్టటంలేదు. తరచూ ఇళ్ళు మారుతూ ఉంటాడు. భారత్‌లో ఐఎస్ఐ సంస్థ జరిపే తీవ్రవాద కార్యకలాపాలకు సాయపడటంతోపాటు, అక్రమ వసూళ్ళు, బెట్టింగ్, డ్రగ్స్, ఆయుధాల రవాణా తదితర వ్యాపారాలు చేస్తున్నాడు. దావూద్‌ను పట్టుకొచ్చి తీరుతామంటూ కొన్ని రోజులక్రితం కేంద్ర హోంమంత్రి రాజ్‌నాథ్ సింగ్ పార్లమెంట్‌లో ప్రకటన చేసిన సంగతి తెలిసిందే.

మరోవైపు బాలిలో ఛోటా రాజన్ సంచలన వ్యాఖ్యలు చేశాడు. బాలి జైలులో తన ప్రాణాలకు ముప్పు ఉందని చెప్పాడు. దావూద్ పాకిస్తాన్‌లో ఐఎస్ఐ సంరక్షణలో ఉన్నాడని అన్నాడు. తనకు ముంబాయి పోలీసులపై నమ్మకంలేదని, వారిలో దావూద్ మనుషులు ఉన్నారని చెప్పాడు. తనను ముంబై బదులు ఢిల్లీ తీసుకెళ్ళాలని కోరాడు. ముంబై పోలీసులు తనను చిత్రహింసలు పెట్టారని అన్నాడు. దావూద్ అంటే తనకు భయంలేదని చెప్పాడు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పవన్‌ని కలిసి జగన్‌పై విమర్శలు చేసిన బండి సంజయ్..!

తెలుగు రాష్ట్రాల సీఎంలు ప్రజల మధ్య విద్వేషాలు రగిల్చాలని చూస్తున్నారని.. తెలంగాణ బీజేపీ చీఫ్.. బండి సంజయ్ ఆరోపించారు. హైదరాబాద్‌లో ఆయన జనసేన అధినేత పవన్ కల్యాణ్‌తో సమవేశమయ్యారు. తెలంగాణలో జనసేనతో కలిసి...

క్రైమ్ : ఒక్క హత్య బయట పడకుండా 9 హత్యలు..! కానీ..

ఒక్క హత్య చేశాడు.. అది ఎక్కడ బయటపడుతుందోనని తొమ్మిది మందిని చంపేశాడు. స్థూలంగా వరంగల్ జిల్లాలోని గొర్రెల కుంట బావిలో బయటపడిన తొమ్మిది మృతదేహాల కథ. ఇందులో నిందితుడు..బాధితులు.. ఎవరూ తెలుగువాళ్లు కాదు....

తూచ్.. శ్రీవారి భూములు అమ్మాలని బోర్డు నిర్ణయం తీసుకోలేదన్న సుబ్బారెడ్డి..!

శ్రీవారి భూములు అమ్మడానికి ఆస్తులు గుర్తించి..రిజిస్ట్రేషన్ అధికారాలను కూడా అధికారులకు కట్టబెట్టేసిన తర్వాత... ఇప్పుడు వివాదం ఏర్పడటంతో.. టీటీడీ బోర్డు చైర్మన్ మాట మార్చారు. భూములు అమ్మడానికి పాలక మండలి నిర్ణయం తీసుకోలేదని...కేవలం...

బీజేపీ తల్చుకుంటే శ్రీవారి ఆస్తుల అమ్మకం నిలిపివేత ఎంత సేపు..!?

తిరుమల తిరుపతి దేవస్థానం బోర్డు..శ్రీవారి ఆస్తులను అమ్మకానికి పెట్టిన విషయంపై బీజేపీ భగ్గమని లేస్తోంది. ఆంధ్రప్రదేశ్ బీజేపీ నేతలు దీక్షలకు సిద్ధమయ్యారు..తెలంగాణ నేతలు కూడా.. ఊరుకునేది లేదని.. హెచ్చరికలు జారీ చేస్తున్నారు. స్వయంగా......

HOT NEWS

[X] Close
[X] Close