పార్లమెంట్ గడపతొక్కబోతున్న `అసహనం’

ఇంతకాలంగా దేశంలో అక్కడక్కడా కనిపించిన `అసహనం’ ఇప్పుడు నేరుగా పార్లమెంట్ గడపతొక్కబోతున్నది. బాలీవుడ్ సూపర్ స్టార్ అమీర్ ఖాన్ కూడా గత ఆరెనిమిది నెలలుగా దేశంలో అసహనం పేరుకుపోయిందనీ, దేశ పౌరులకు భద్రత లోపించిందనీ, తన భార్యకూడా దేశం విడిచి వెళ్ళిపోదామంటూ చేసిన వ్యాఖ్యలు- పార్లమెంట్ లో సైతం ప్రాధాన్యత సంతరించుకోబోతున్నాయి. పార్లమెంట్ సమావేశాల ప్రారంభానికి కొద్దిరోజుల ముందు అమీర్ ఖాన్ వ్యాఖ్యానించడం, దానికి రాహుల్ గాంధీ వత్తాసు పలకడం, ఆపైన ఇటు కాంగ్రెస్, అటు బిజెపీ నేతలు కామెంట్లు చేస్తుండటంతో `అసహనం’ అగ్గి మరోసారి రాజుకుంది. అమీర్ ఖాన్ చేత ఈ `అసహనపు’మాటలు ఏ రాజకీయశక్తులైనా అనిపించాయా?, లేక నిజంగానే ఆయనే అన్నారా?-అన్నది ఇప్పటికి అప్రస్తుతం. ఎందుకంటే ఆయన మెసేజ్ చేరాల్సినవారికి చేరింది. ఇక పార్లమెంట్ సాక్షిగా వాగ్యుద్ధం మాత్రమే మిగిలింది. `అసహన వాగ్యుద్ధా’నికి లోక్ సభ అత్యున్నతవేదిక మారబోతున్నది. రేపటి నుంచి (నవంబర్ 26) నుంచి జరిగే పార్లమెంట్ శీతాకాలపు సమావేశాల్లో కీలకమైన బిల్లుల ఆమోదం సంగతేమోగానీ `అసహనం’ వ్యవహారం మాత్రం అటోఇటో తేలిపోతుంది. ఈ విషయంపై పార్లమెంట్ దద్దరిల్లడం ఖాయం.

ఈ శీతాకాలపు సమావేశాల్లో `అసహనం’పై తీర్మానం ప్రవేశపెట్టాలంటూ ప్రతిపక్షాలు గట్టిగా పట్టుబట్టబోతున్నాయి. ఈ విషయంపై పార్లమెంట్ దద్దరిల్లబోతున్నదని అంతా భావిస్తుంటే, ప్రధాని నరేంద్రమోదీ మాత్రం సభ అర్థవంతంగా నడుస్తుందనీ, కీలక బిల్లులకు ఆమోదం లభిస్తుందన్న ఆశాభావం వ్యక్తం చేస్తున్నారు. అమీర్ ఖాన్ వ్యాఖ్యల కారణంగానే మరోపక్క అఖిలపక్ష సమావేశం కూడా అసహనంపై చర్చను ప్రాధాన్యతా అంశంగానే భావించింది. దేశంలోని ప్రముఖ కళాకారులు, సినీనిర్మాతలు, రచయితలు గతంలో తాము అందుకున్న అవార్డులను తిరిగిఇచ్చేయడం వంటి సంఘటనలను తేలిగ్గాతీసుకోలేమనీ, దానిపై చర్చ అవసరమని ఈ సమావేశం భావించింది. పార్లమెంటరీ వ్యవహారాలశాఖమంత్రి వెంకయ్యనాయుడు కూడా ఇదే సరైన పద్దతిగా అనుకుంటున్నారు. నిజానికి ఈ అంశాలు ఆయా రాష్ట్ర ప్రభుత్వాల పరిధిలోవే అయినప్పటికీ కేంద్రప్రభుత్వం వీటిపై సమగ్రంగా చర్చించడానికి సిద్ధంగా ఉన్నట్లు చెప్పారు. దాద్రీలో దాడి, ఎం.ఎం.కల్బుర్గీ మరణం వంటి సంఘటనలు ఎక్కడజరిగినా వాటిని ఖండించాలని ప్రభుత్వం భావిస్తున్నట్లు వెంకయ్యనాయుడు అంటున్నారు. దేశ అభివృద్ధి అన్నది శాంతియుత, మతసామరస్యధోరణిలోనే సాధ్యమవుతుందని తమ ప్రభుత్వం భావిస్తున్నదని కూడా వెంకయ్యనాయుడు చెప్పారు. అఖిలపక్ష సమావేశానికి ప్రధాని మోదీ కూడా హాజరయ్యారు.

కాగా, శీతాకాల సమావేశాల్లో ఎన్డీయే ప్రభుత్వం కొన్ని కీలక బిల్లులను ఆమోదింపజేయాలని చూస్తోంది. వస్తు,సేవల పన్ను బిల్లు (GST Bill), భూసేకరణ, రియల్ ఎస్టేట్ నియంత్రణ-అభివృద్ధి వంటి బిల్లలపై ప్రతిపక్షాల సందేహాలను సభలో తీర్చే ప్రయత్నం జరగవచ్చు. అయితే ఎక్కువ సమయం `అసహన’ప్రభంజనంలోనే కొట్టుకుపోయేలా ఉంది. ప్రజాప్రతినిధులు సమన్వయంతో చర్చలు సాగిస్తారా లేక, గందరగోళ పరిస్థితులు సృష్టిస్తారా అన్నది వేచిచూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వకీల్ సాబ్… వర్క్ మొద‌లైంది

క‌రోనా ఎఫెక్ట్, లాక్ డౌన్‌ల వ‌ల్ల షూటింగులు ఆగిపోయాయి. పోస్ట్ ప్రొడ‌క్ష‌న్ ప‌నుల‌కూ ఆటంకం ఏర్ప‌డింది. అయితే కొన్ని సినిమాలు మాత్రం ధైర్యం చేస్తున్నాయి. వీలైనంత వ‌ర‌కూ సినిమాని సిద్ధం చేసే ప్ర‌య‌త్నాల్లో...

ఓటీటీలో రాజ‌మౌళి శిష్యుడి సినిమా

రాజ‌మౌళి శిష్యుడు అశ్విన్ గంగ‌రాజు ద‌ర్శ‌క‌త్వంలో రూపొందిన చిత్రం 'ఆకాశ‌వాణి'. స‌ముద్ర‌ఖ‌ని కీల‌క పాత్ర‌ధారి. ఈ సినిమా ఓ వెరైటీ కాన్సెప్టుతో తెర‌కెక్కుతోంది. నోరు లేని రేడియో... ఓ భ‌యంక‌ర‌మైన విల‌న్ పై...

పోలీస్ స్టేషన్‌పై దాడి చేసిన కేసులు కూడా ఎత్తేస్తారా..!?

ఆంధ్రప్రదేశ్ పోలీసుల తీరు రాను రాను వివాదాస్పదమవుతోంది. ఇప్పటికే దళితులపై పోలీసుల అరాచకాలు హైలెట్ అవుతూండగా.. తాజాగా..పోలీస్ స్టేషన్‌పై దాడి చేసి.. పోలీసుల్ని కొట్టి విధ్వంసం సృష్టించిన కేసులను కూడా... ఎత్తేయాలని నిర్ణయించుకోవడం...

వైఎస్-చంద్రబాబు స్నేహంపై దేవాకట్టాకు కాపీరైట్ ఉందా..!?

నిర్మాత విష్ణు ఇందూరి - దర్శకుడు దేవా కట్ట మధ్య నాలుగు రోజుల కిందట.. సోషల్ మీడియాలో ప్రారంభమైన... వైఎస్ - చంద్రబాబు స్నేహం కథపై సినిమా వివాదం టీవీ చానళ్లకు ఎక్కింది....

HOT NEWS

[X] Close
[X] Close