చైతన్య : విభజన బిల్లు తర్వాత పార్లమెంట్ సాక్షిగా మరోసారి ప్రజాస్వామ్య పతనం..!

ఆంధ్రప్రదేశ్ విభజన బిల్లును పార్లమెంట్ ముఖ్యంగా రాజ్యసభ ఆమోదించిన విధానం భారత ప్రజాస్వామ్య పునాదుల్ని బలహీనం చేసింది. ప్రత్యక్ష ప్రసారాలు నిలిపివేసి.. తలుపులు మూసేసి.. లోపలేం జరిగిందో రికార్డులు తెలియకుండా.. ఎవరు మద్దతిచ్చారో..ఎవరు వ్యతిరేకించారో కూడా .. చరిత్రకు తెలియకుండా చేసి. మూజువాణి ఓటుతో ఆమోదింప చేసుకున్నారు. ఈ ప్రజాస్వామ్య పతన ప్రయత్నంలో అన్ని పార్టీలు భాగస్వాములయ్యాయి. ఇప్పుడు అదే ఒరవడి కొనసాగుతోంది. రోజు రోజుకు ప్రజాస్వామ్య పునాది బలహీనపడిపోతోంది. వ్యవసాయ బిల్లును కేంద్రం మరోసారి అదే పద్దతిలో ఆమోదింప చేసేసుకుంది.

స్పీకర్ లేదా చైర్మన్ స్థానంలో ఉన్న వారిదే నిర్ణయం..!

సభలో ప్రభుత్వం నిలబడాలన్నా.. బిల్లులు పాసవ్వాలన్నా ఇక మెజార్టీ ఉండాల్సిన అవసరం లేదని.. వరుసగా జరుగుతున్న పరిణామాలతో నిరూపితమవుతోంది. మూజువాణి ఓటు అనే మార్గం ద్వారా అన్నింటికీ ఓకే చేసుకుంటూ.. వెళ్లిపోయే దగ్గరి దారిని ప్రభుత్వాలు కనిపెట్టేశాయి. ఇలా చేయాలంటే స్పీకర్ స్థానంలో తమ వారు ఉంటే సరిపోతుంది. వారు విలువల్ని పాటిస్తారా..? ప్రజాస్వామ్యం గురించి అవగాహన ఉందా..? రాజకీయ ప్రయోజనాలే ముఖ్యమా..? వంటి వాటి గురించి పట్టింపు లేదు. ఒక వేళ.. స్పీకర్ లేదా చైర్మన్‌కు ఇబ్బంది అయితే.. వారు ఆ సమయానికి పక్కకు వెళ్లిపోతే.. ప్యానల్ స్పీకర్‌నో మరొకర్నో తీసుకొచ్చి కుర్చీలో కూర్చోబెట్టి పని పూర్తి చేసే వెసులుబాటు కూడా ఉంది. ఈ విషయం రాజ్యసభలో మరోమారు వ్యవసాయ బిల్లు విషయంలో స్పష్టమయింది. రాజ్యసభలో మెజార్టీ లేదని తెలిసి.. మూజువాణి ఓటుతో బిల్లును ఆమోదింపచేసేసుకున్నారు. దీంతో విభజన బిల్లు తర్వాత .. భారత ప్రజాస్వామ్యం పతనం దిశగా మరో అడుగు ముందుకు వేసినట్లయింది.

సముగ్రమైన చర్చ జరిగితే ప్రజాస్వామ్యానికి నష్టమా..?

వ్యవసాయ బిల్లులపై దేశవ్యాప్తంగా ఆందోళన నెలకొంది. రైతుల్లో అనేక అంశాలపై అపోహలు ఏర్పడ్డాయి. తాము కార్పొరేట్ల చేతిలో పావుగా మారబోతున్నామని రైతులకు అర్థయింది. కానీ అలా కాదని ప్రభుత్వం అంటోంది. నిజానికి ఆలాంటిదేమీ లేనప్పుడు ప్రభుత్వం పార్లమెంట్ వేదికగా రైతులకు బిల్లుల వల్ల కలిగే ప్రయోజలను వెల్లడిచాల్సింది ప్రతిపక్షాలను కన్వీన్స్ చేయాల్సింది. ప్రభుత్వం తీసుకొచ్చిన అనేకానేక బిల్లులను.. ఓటింగ్ ద్వారానే ఆమోదం పొందారు. అలాంటప్పుడు.. అత్యంత వివాదాస్పదమైన బిల్లుకూ ఆదే దారిని పాటించాల్సి ఉంది. అలా చేసి ఉంటే… ప్రజలు వ్యతిరేకిస్తున్నారని అనుకున్నా.. ప్రజలు ఎన్నుకున్న ప్రభుత్వమే చేసిందని .. ప్రజాస్వామ్యమేనని.. సర్దుకుపోయే పరిస్థితి ఉండేది. కానీ ఇప్పుడు… ఆ బిల్లులపై అనుమానాలు అలాగే ఉన్నాయి.. ప్రభుత్వం వ్యవహరించిన తీరుతో.. మరింత బలపడే ప్రమాదం కూడా ఉంది.

అధికార బలంతో ఏదైనా చేస్తే అంతిమంగా నష్టం దేశానికే..!

ఒకప్పుడు.. పార్లమెంట్‌లో గీత దాటడాన్ని కూడా.. సభ్యులు అవమానంగా ఫీలయ్యేవారు. అర్థవంతమైన చర్చలు జరిగేవి. ఆ చర్చల ద్వారానే.. ఆ బిల్లు ఎలాంటిదో ప్రజలు నిర్ణయించుకునేవారు. కానీ ఇప్పుడా పరిస్థితి లేకుండా పోయింది. చర్చల సంగతి తర్వాత అసలు ఆ బిల్లుకు మద్దతు లేకపోయినా… ఓ వైపు ప్రజాందోళనలు భారీ స్థాయిలో జరుగుతున్నా.. అంతా రాజకీయం అనే ముద్ర వేసి తమ పని తాము చేసుకుపోతున్నారు పాలకులు. ఈ క్రమంలో పార్లమెంట్ ను కూడా.. అధికార బలంతోనే దారిలో తెచ్చుకుంటున్నారు. ఈ పరిణామాలు దేశాన్ని క్లిష్ట పరిస్థితుల్లోకి నెడుతున్నాయి. ఇప్పుడు బిల్లులే .. రేపు ప్రభుత్వాలు కూడా ఇదే పద్దతిలో కొనసాగినా ఆశ్చర్యపోనవసరం లేదు. ఎందుకంటే.. పతనం ప్రారంభమైన తర్వాత.. ఎక్కడ ఆగుతుందో అంచనా వేయడం కష్టం. ఆ విషయం.. ఏపీ లాంటి కొన్ని రాష్ట్రాల్లో జరుగుతున్న పరిణామాలే నిరూపిస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close