కరోనా కష్టాలు… తీరని జిహ్వ ఛాపల్యాలు

రిపోర్టర్ ; ఎక్కడి నుంచి వచ్చారు
పౌరుడు; శ్రీ నగర్ కాలనీ నుంచి
ఎందుకు; గోధుమ పిండి కోసం
రిపోర్టర్ ; శ్రీ నగర్ కాలనీలో దొరకడం లేదా?
పౌరుడు; అక్కడ ఆశీర్వాద్ దొరకలేదు…

ఇదీ లాక్ డౌన్ వేళ కనిపించిన, నవ్వించిన సన్నివేశం. దీని మీద ఇప్పుడు ఎన్ని జోకులో, ఎన్ని మీమ్సో. తెలుగువాళ్లంతే. మాంఛి భోజన ప్రియులు. వాళ్ల జిహ్వ చాపల్యాల గురించి కథలు కథలుగా చెప్పుకోవొచ్చు. ఇప్పుడు కళ్లెదుట కనిపిస్తున్నాయి కూడా. గోధుమ పిండి కోసం శ్రీనగర్ కాలనీ నుంచి చింతలబస్తీ వెళ్లాడో యువకుడు. అది కూడా కరోనా భయం వెంటాడుతున్న వేళ. దీన్ని జోక్ గా తీసుకుని నవ్వేసుకుంటున్నారు గానీ, ప్రాణం మీదకి వచ్చిన వేళ నోరు కూడా కట్టేసుకోని మన అస్సహాయతని, బలహీనతని అత్యంత బలంగా చూపించిన ఉదాహరణలో ఇదొకటి.

తెలుగు వారు భోజన ప్రియులు. అందుకే.. పల్లెటూర్లలో కూడా కర్రీ పాయింట్లు వెలుస్తున్నాయి. అడుగుకో రెస్టారెంటు కనిపిస్తోంది. హైదరాబాద్ లాంటి మహా నగరాల్లో స్విగ్గీ, జొమోటో బళ్లు విచ్చల విడిగా తిరిగేస్తుంటాయి. బిర్యాని కోసం నగరమంతా గాలించే వాళ్లెందరో. అర్థరాత్రి అలా తీరిగ్గా బండి మీద జామ్ జామ్ అంటూ వెళ్లి ఐస్ క్రీమ్ లాగించేసేవాళ్లూ ఉన్నారు. అందుకే హైదరాబాద్ లో తెల్లవార్లూ ఐస్ క్రిమ్ పార్లర్లు తెరచుకుని కూర్చుంటాయి. ఎవరి వ్యాపారం వాళ్లది.

ఇప్పుడు ఆ సరదాలూ, షికార్లూ అన్నీ బంద్ అయ్యాయి. రుచులన్నీ దూరమయ్యాయి. చుక్క దొరక్కపోతే మందు బాబులు ఎంతగా విలవిలలాడిపోతారో, భోజన ప్రియులు కూడా అలానే తయారైపోతున్నారిప్పుడు. కొంతమందికి ముక్క లేనిదే ముద్ద దిగదు. అలాంటి వాళ్లు ఇలాంటి రోజుల్లోనూ కక్కా, ముక్కా, చేప అంటూ సంచులు పట్టుకుని బయల్దేరుతున్నారు. ఈ ఆదివారం కిలో మటన్ రూ.1000కి పలికింది. సాధారణ రోజుల్లో ఆరొందలు ఉండే మటన్ ధరని అదును చూసుకుని 1000కి పెంచేశారు. అయినా మన వాళ్లు తగ్గలేదు. మొన్నటి వరకూ చికెన్ అంటే చిచ్చీ అనేవాళ్లు. కరోనా చికెన్ వల్ల కూడా వస్తుందన్న భయం ఉండేది. అందుకే చికెన్ అమ్మకాలు భారీగా తగ్గిపోయాయి. కిలో 40 రూపాయలకు అమ్ముతున్నా ఎవ్వరూ కొనేవాళ్లు కాదు. కొన్ని చోట్ల… కోళ్లు ఉచితంగా సరఫరా చేశారు. చికెన్ తింటే కరోనా రాదు మొర్రో అన్నా… కన్నెత్తి చూడలేదెవరు.

ఇప్పుడు పరిస్థితి మారింది. కిలో చికెన్ 200 కి వెళ్లిపోయింది. ఇదంతా భోజన ప్రియుల వల్లే. నోటిని ఎవ్వరూ కట్టేసుకోమనడం లేదు. కానీ…. ఆ చికెనూ, మటనూ కోసం క్యూ లో నిలబడి, ఎగబడుతుంటేనే భయం వేస్తుంటుంది. చికెన్ కొసమో, మటన్ కోసమో బయటకు వెళ్లి, కరోనాకి మరింత దగ్గరవుతున్నారనే ఆందోళన. కొన్ని రోజులు నోరు కట్టేసుకుంటే వచ్చే నష్టమేమీ లేదు కదా. ఇంట్లో కూర్చుని, క్షేమంగా కలో గంజో తాగితే.. అది అద్భుతమే కదా. కరోనా వల్ల చాలా మంది జీవితాలు దుర్భరంగా తయారయ్యాయి. తినడానికి తిండి లేక కడుపు మాడ్చుకుంటున్నవాళ్లెంతోమంది. వాళ్ల కంటే.. మనం చాలా బెటర్ కదా? కరోనా తీవ్రత ఎక్కువై, నిత్యావసర వస్తువులు కూడా అందనివ్వకుండా బంద్ పాటించమంటే.. అప్పుడు ఆనందమా?

ఇప్పుడు రుచులు కాదు .. ప్రాణాలు ముఖ్యం. నాలుగు వేళ్లూ, ఏదోలా నోట్లోకి వెళ్లడమే.. మన సౌభాగ్యం. ఈ విషయాన్ని గుర్తు పెట్టుకోండి. మన వల్ల, కేవలం మన వల్ల.. ఎవ్వరికీ ఎలాంటి నష్టం జరక్కూడదు. అది మాత్రం కాస్త గట్టిగా ఆలోచించుకోండి. బోర్డరుకు వెళ్లి గన్ను పట్టుకొని ప్రాణ త్యాగాలు చేయాల్సిన అవసరం లేుదు. జస్ట్ కొన్ని కోరికలు అదుపులో ఉంచుకుంటే చాలు. ఇది కూడా చేయలేకపోతే ఇక మన ఖర్మ.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ప్రభుత్వం సుప్రీంకోర్టుకు వెళ్లే వరకూ రమేష్‌కుమార్ బాధ్యతలు తీసుకోకూడదట..!

స్టేట్ ఎలక్షన్ కమిషనర్‌గా నిమ్మగడ్డ రమేష్‌కుమార్ బాధ్యతలు తీసుకున్నట్లుగా ప్రకటించుకుని.. సిబ్బందికి ఆదేశాలు జారీ చేయడం చట్ట విరుద్ధమని తాజాగా ఏపీ ప్రభుత్వం వాదన వినిపించడం ప్రారంభించింది. సోమవారం.. ఎస్‌ఈసీగా రమేష్...

అన్‌లాక్ 1 : 8వ తేదీ నుంచి హోటళ్లు, ఆలయాలు ఓపెన్..!

దేశంలో లాక్‌డౌన్‌ను కంటెన్మెంట్‌జోన్లకే పరిమితం చేస్తూ... కేంద్ర ప్రభుత్వం నిర్ణయం తీసుకుంది. లాక్ డౌన్‌ ముగింపు కోసం.. అన్‌లాక్ పాలసీని ప్రకటించింది. దీనిలో భాగంగా జూన్ ఎనిమిదో తేదీ నుంచి ఆలయాలు, హోటళ్లు,...

ఇన్ సైడ్ న్యూస్: సొంత పత్రిక , ఛానల్ ప్రారంభించడం కోసం జనసేన కసరత్తు

త్వరలోనే సొంత పత్రిక, టీవి ఛానల్ ప్రారంభించాలనే యోచన తో జనసేన పార్టీ ఆ దిశగా అడుగులు వేస్తున్నట్లుగా సమాచారం. ఈ మేరకు పార్టీలో క్యాడర్ నుంచే కాకుండా, పార్టీ ముఖ్య నేతల...

మోడీ సాధించే స్వావలంబనపై పవన్‌కు ఎంతో నమ్మకం..!

కేంద్ర ప్రభుత్వం ప్రకటించిన రూ. 20 లక్షల కోట్ల ప్యాకేజీతో దేశం స్వయం స్వావలంబన సాధిస్తుందని.. ప్రధానమంత్రి మోడీ, ఆర్థికమంత్రి నిర్మలాసీతారామన్ తరవాత గట్టిగా నమ్ముతున్న వ్యక్తి జనసేన అధినేత పవన్...

HOT NEWS

[X] Close
[X] Close