బాలకృష్ణని ఎవరూ అవమానించలేదు: సి.కళ్యాణ్

ఎన్టీఆర్ జయంతి సందర్భంగా ఇవాళ ఆయనకు నివాళులు అర్పించిన తర్వాత ఆయన తనయుడు నందమూరి బాలకృష్ణ ఇటీవలి సినీ పరిశ్రమ తెలంగాణ ప్రభుత్వ భేటీపై ఆసక్తికర వ్యాఖ్యలు చేశాడు. ఆయన వ్యాఖ్యలు చేసిన కాసేపట్లోనే బాలకృష్ణ తో పరమవీరచక్ర, రూలర్ వంటి చిత్రాలు నిర్మించిన నిర్మాత సి.కళ్యాణ్ బాలకృష్ణ వ్యాఖ్యలను ఖండించడం ఆసక్తికరంగా మారింది. వివరాల్లోకి వెళితే..

కరోనా వైరస్, లాక్ డౌన్ తదితర పరిణామాల కారణంగా అన్ని రంగాలతో పాటు సినీ పరిశ్రమ కూడా కుదేలు అయిన సంగతి తెలిసిందే. సినీ పరిశ్రమ తదుపరి కార్యాచరణ కోసం చిరంజీవి నేతృత్వంలో సినీ పెద్దలు పలు దఫాలుగా మంత్రి తలసాని శ్రీనివాస్ యాదవ్ తో భేటీ కావడం, ఆ తర్వాత తలసాని చొరవతో పరిశ్రమ పెద్దలకు కేసీఆర్ కి మధ్య భేటీ జరగడం తెలిసిందే. ఈ చర్చల కారణంగా సినీ పరిశ్రమ పట్ల కేసీఆర్ సానుకూలత వ్యక్తం చేయడం కూడా తెలిసిందే. కెసిఆర్ తో చర్చల అనంతరం ఆంధ్రప్రదేశ్ ప్రభుత్వం కూడా సినీ పరిశ్రమకు సింగిల్ విండో అనుమతులు ఇవ్వడానికి అంగీకరించడం దానికి బదులుగా చిరంజీవి ముఖ్యమంత్రి జగన్ కు కృతజ్ఞతలు తెలపడం తెలిసిందే. అయితే ఈ రోజు నందమూరి బాలకృష్ణ మాట్లాడుతూ ఈ చర్చ గురించి తనకేమీ తెలియదని, తననెవరూ పిలవలేదని, పత్రికలలో మీడియాలో వచ్చిన వార్తల ఆధారంగానే తాను తెలుసుకున్నానని ఈ వ్యాఖ్యలు చేశారు. కొంతమంది సినీ పరిశ్రమ పెద్దలు తనను సైడ్ చేశారేమో అన్న అర్థం వచ్చేలా ఆయన మాట్లాడారు.

అయితే దీనిపై స్పందించారు నిర్మాత సి.కళ్యాణ్. సినీ పరిశ్రమ తరపున చొరవ తీసుకుని ప్రభుత్వంతో మాట్లాడమని తామే చిరంజీవిని అభ్యర్థించామని, బాలకృష్ణ ని ఎవరూ అవమానించ లేదని, ఆయన కూడా తమతో కలిసి వస్తానంటే ఎవరూ కాదనరని, అక్కడ భేటీలో పాల్గొన్న మిగతా వాళ్లు సైతం తమంతట తాము చొరవ తీసుకుని సినీ పరిశ్రమ సమస్యలపై మాట్లాడడానికి ముందుకు వచ్చారని, ఎవరిని తాము ప్రత్యేకించి వ్యక్తిగతంగా ఆహ్వానించలేదని ఆయన వివరణ ఇచ్చారు.

అటు నందమూరి బాలకృష్ణ అలిగినట్లుగా వ్యాఖ్యలు చేయడం, వాటికి వెంటనే బాలకృష్ణతో కూడా సినిమాలు నిర్మించిన నిర్మాత సి.కళ్యాణ్ వివరణ ఇవ్వడం ఈరోజు ఆసక్తికరంగా మారింది. అయితే 2018 తెలంగాణ ఎన్నికల సందర్భంగా కెసిఆర్ ప్రభుత్వం పై బాలకృష్ణ అసందర్భ వ్యాఖ్యలు చేసిన కారణంగా బహుశా ప్రభుత్వ పెద్దలకు ఇబ్బంది కలిగించవద్దు అనే ఉద్దేశంతో బాలకృష్ణ ని ఈ భేటీ సమయంలో పక్కన పెట్టి ఉండవచ్చని అభిప్రాయాలు కూడా వ్యక్తమవుతున్నాయి. ఏది ఏమైనా ఇరు రాష్ట్రాల ముఖ్యమంత్రులు తెలుగు సినీ పరిశ్రమ పై సానుకూల స్పందన వ్యక్తం చేసి, పరిశ్రమకు ఉపయోగపడే నిర్ణయాలు తీసుకున్న దరిమిలా నటుడు బాలకృష్ణ కూడా తన వ్యక్తిగత భావోద్వేగాలను సినీ పరిశ్రమపై రుద్దక పోవడమే మంచిదన్న అభిప్రాయం వ్యక్తమవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీ నేతలు ఎన్ని మాటలన్నా బీజేపీ ఎందుకు భరిస్తోంది..!?

ఆంధ్రప్రదేశ్ బీజేపీ నేతలు వైసీపీ నేతలకు అలుసైపోయారు. వైసీపీ నేతలు ఏ స్థాయి వారైనా.. బీజేపీ నేతలపై ఇష్టం వచ్చినట్లుగా విమర్శలు చేస్తున్నారు. కానీ బీజేపీ నేతలు మాత్రం.. ముసిముసి నవ్వులు నవ్వుకుంటూ.....

శేఖర్ రెడ్డి వద్ద దొరికిన ఆ “కోట్లు” సాక్ష్యాలు కావా..!?

టీటీడీ పాలకమండలి ప్రత్యేక ఆహ్వానితుడు శేఖర్‌రెడ్డికి సీబీఐ కోర్టు క్లీన్‌చిట్ ఇచ్చింది. ఆయన నేరాలకు సంబంధించి ఎలాంటి సాక్ష్యాలు లేవని.. కేసు మూసివేయవచ్చని సీబీఐ అధికారులు కోర్టుకు చెప్పడంతో ఈ మేరకు కోర్టు...

ఏపీ సర్కార్‌పై అశ్వనీదత్, కృష్ణంరాజు న్యాయపోరాటం..!

ఆంధ్రప్రదేశ్ ప్రభుత్వం, ఎయిర్‌పోర్ట్స్ అధారిటీ ఆఫ్ ఇండియాపై సినీ నిర్మాత అశ్వనీదత్, రెబల్ స్టార్ కృష్ణంరాజు హైకోర్టులో పిటిషన్లు వేశారు. గన్నవరం విమానాశ్రయ విస్తరణ కోసం తమ భూముల్ని తీసుకుని ఇస్తామన్న పరిహారం...

స్వరశిల్పి బాలుకు స్వరనివాళులర్పించిన తానా – వీక్షించిన 50,000 మంది…

ఉత్తర అమెరికా తెలుగు సంఘం (తానా) ఆధ్వర్యంలో గానగంధర్వుడు, పద్మభూషణ్‍ డాక్టర్ ఎస్‍.పి. బాలసుబ్రహ్మణ్యం మృతికి సంతాపంగా "స్వరశిల్పికి స్వర నివాళి" పేరుతో ఆన్‍లైన్‍ వేదికగా ఏర్పాటు చేసిన నివాళి కార్యక్రమానికి పలువురు...

HOT NEWS

[X] Close
[X] Close