షూటింగులేల‌… వ‌డ్డీల‌ దండ‌గ‌!?

కరోనా పుణ్య‌మా అని… నిర్మాత‌ల ప్లానింగ్ అంతా అస్త‌వ్య‌స్త‌మైపోయింది. బ‌తుకులు బాగుంటే చాలు,.. అనుకుంటున్నారు జ‌నాలు. ఇక‌.. సినిమాలు, షికార్ల‌కు టైమ్ ఎక్క‌డిది? నిర్మాత‌ల ప‌రిస్థితి కూడా అలానే ఉంది. `రేపు ఏం జ‌రుగుతుందో` అనే భ‌యాలే త‌ప్ప‌.. సినిమాల్ని ముగించాలి, ఏదో ఓ రేటుకి అమ్ముకోవాలి… అనే తొంద‌ర ఉండ‌డం లేదు. ఏవో కొన్ని సినిమాలు షూటింగులు జ‌రుపుకుంటున్నాయి. అది కూడా ఓటీటీని టార్గెట్ చేసుకున్న సినిమాలు. అంతే. మిగిలిన‌వ‌న్నీ `హోల్డ్‌` మోడ్ లోకి వెళ్లిపోయాయి.

షూటింగుల‌కు వెసులు బాటు క‌ల్పించినా.. ఇప్ప‌టికిప్పుడు మ‌ళ్లీ ఆ హ‌డావుడి మొద‌ల‌య్యే అవ‌కాశం లేదు. ఎందుకంటే.. ఈ వేస‌వి షెడ్యూల్ అంతా.. క‌ల‌గాపుల‌గం అయిపోయింది. మార్చి, ఏప్రిల్, మేల‌లో రావ‌ల్సిన సినిమాలు వాయిదా ప‌డ్డాయి. ఒక‌వేళ‌.. క‌రోనా భ‌యాలు తగ్గి, జ‌నాలు సాధార‌ణ జీవ‌నానికి అల‌వాటు ప‌డినా – షూటింగులు మొద‌లెట్టే ఛాన్స్ లేదు. ఎందుకంటే… ఏప్రిల్, మేల‌లో సినిమాలు వ‌చ్చే ప‌రిస్థితి లేదు. జూన్ నుంచి అంతా ఓకే అనుకున్నా… ఏప్రిల్, మేలో రావాల్సిన ల‌వ్ స్టోరీ, సిటీమార్‌, ఆచార్య‌, నార‌ప్ప‌, అఖండ లాంటి సినిమాల‌కు ముందుగా దారి ఇచ్చేయాలి. అంటే.. ఏప్రిల్, మేలో రావ‌ల్సిన సినిమాల‌కు జూన్‌లో థియేట‌ర్లు ఇవ్వ‌గ‌ల‌గాలి. అలానే జూన్ లో ఫిక్స‌యిన సినిమాలు జులై, ఆగ‌స్టుల‌కు వెళ్తాయి. అలా… అనుకున్న స‌మ‌యానికి, వాస్త‌వ ప‌రిస్థితుల‌కూ మ‌ధ్య ఒక‌ట్రెండు నెల‌ల గ్యాప్ ఉంద‌న్న‌మాట‌. ఎప్పుడో సెప్టెంబ‌రు, అక్టోబ‌రున రావ‌ల్సిన సినిమాలు ఇప్ప‌టికిప్పుడు షూటింగులు ముగించుకున్నా లాభం ఉండ‌దు. పైగా… సినిమా పూర్త‌యి, విడుద‌ల లేట‌యితే.. దానికిపై అవుట్ డేటెడ్ అనే ముద్ర ప‌డిపోతుంది. అన్నిటికంటే ముఖ్యంగా వ‌డ్డీల భారం ఎక్కువ అవుతుంది. ఫైనాన్షియ‌ర్ల నుంచి ఒత్తిడి పెరిగిపోతుంది. అందుకే నిర్మాత‌లెవ‌రూ.. ఇప్పుడు షూటింగుల గురించి ఆలోచించ‌డం లేదు.

ఫిల్మ్ ఛాంబ‌ర్, ర‌చ‌యిత‌ల సంఘంలో ఎప్పుడూ టైటిళ్లు, క‌థ‌ల రిజిస్ట్రేష‌న్ల హ‌డావుడి క‌నిపిస్తుంటుంది. స్లంప్‌లో కూడా… ఆ జోరు ఎప్పుడూ ఆగ‌లేదు. అలాంటిది ఇప్పుడు ఆ ధ్యాసే లేదు ఎవ‌రికీ. దాన్ని బ‌ట్టి… నిర్మాత‌లు ఎంత సైలెంట్ మోడ్ లోకి వెళ్లిపోయారో అర్థ‌మ‌వుతోంది. ఇదే ప‌రిస్థితి ఇంకొన్నాళ్లు కొన‌సాగితే… చిత్ర‌సీమ‌, దాన్ని న‌మ్ముకుని ప‌నిచేస్తున్న కార్మికులు మ‌ళ్లీ రోడ్డున ప‌డాల్సిన ప‌రిస్థితులు వ‌చ్చే ప్ర‌మాదం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close