టాలీవుడ్ లో షూటింగుల క‌ళ మొద‌లైంది. ఈనెల‌లోనే ఆచార్య, ఆర్.ఆర్.ఆర్ సెట్స్‌పైకి వెళ్ల‌బోతున్నాయి. వ‌చ్చే నెల‌లో `పుష్ష` కూడా షూటింగ్‌కి శ్రీ‌కారం చుట్టుకుంటోంది. అయితే అందుకు సంబంధించిన స‌న్నాహాలు మాత్రం ఇప్పుడే మొద‌లైపోయాయి. కొత్త షెడ్యూల్‌ని ఓ పోరాట ఘ‌ట్టంతో ప్రారంభించ‌బోతున్నాడు సుకుమార్. అడ‌వుల్లో ఫైట్. కాబ‌ట్టి… ప్ర‌త్యేకంగా ఉండాల్సిందే. అందుకే ఇప్ప‌టి నుంచే రిహార్స‌ల్స్ కూడా మొద‌లెట్టేశారు. ప్ర‌స్తుతం హైదరాబాద్ లో బ‌న్నీ ఈ ఫైటింగ్ రిహార్స‌ల్స్ మొద‌లు పెట్టారు. పీట‌ర్ హెయిన్స్ ఆధ్వ‌ర్యంలో ఈ పోరాట ఘ‌ట్టాన్ని తెర‌కెక్కించ‌బోతున్న‌ట్టు తెలుస్తోంది. కేర‌ళ‌లో గానీ, మారేడుమ‌ల్లి లో గానీ ఈ ఫైట్ ని తెర‌కెక్కించే అవ‌కాశం ఉంది. సుకుమార్ మొద‌టి ఆప్ష‌న్‌మాత్రం కేర‌ళ‌నే. అక్క‌డి నుంచి అనుమ‌తులు వ‌స్తే.. షూటింగ్ మొద‌లెట్టేయొచ్చు. ఈ సినిమా కోసం బ‌న్నీ ప్ర‌త్యేక‌మైన లుక్ లో క‌నిపించ‌బోతున్నాడు. ఈ లాక్ డౌన్ వేళ.. ఈ లుక్‌పైనే బ‌న్నీ శ్ర‌ద్ధ పెట్టాడు. క‌థానాయిక‌గా ర‌ష్మిక న‌టిస్తోంది. తన ఆహార్యం, మాట్లాడే తీరు కూడా విభిన్నంగా ఉండ‌బోతున్నాయ‌ని తెలుస్తోంది. ఈ సినిమా కోస‌మే ర‌ష్మిక చిత్తూరు మాండ‌లికం కూడా నేర్చుకుంది.
‘పుష్ష’.. ఫైట్ రిహార్స‌ల్‌
