‘రాధే శ్యామ్‌’లో కొత్త ట్విస్టు

ప్ర‌భాస్ కథానాయ‌కుడిగా న‌టిస్తున్న చిత్రం `రాధే శ్యామ్‌`. పూజా హెగ్డే క‌థానాయిక‌. రాధాకృష్ణ ద‌ర్శ‌కుడు. యూవీ క్రియేష‌న్స్ నిర్మిస్తోంది. ఈనెల 23న ప్ర‌భాస్ పుట్టిన రోజు. ఈ సంద‌ర్భంగా `రాధేశ్యామ్‌` నుంచి అడ్వాన్స్ బ‌ర్త్ డే గిఫ్ట్ వ‌చ్చేసింది. ఈసినిమాలోని ప్ర‌భాస్ క్యారెక్ట‌ర్‌ని ప‌రిచ‌యం చేస్తూ.. చిత్ర‌బృందం ఓ పోస్ట‌ర్ వ‌దిలింది. ఈ సినిమాలో ప్ర‌భాస్ పేరు విక్ర‌మాదిత్య‌.

నిజానికి హీరోయిన్ పేరు రాధ‌, హీరో పేరు… శ్యామ్ అనుకున్నారంతా. అలా టైటిల్ జ‌స్టిఫికేష‌న్ చేశారేమో అనుకున్నారు. కానీ.. విక్ర‌మాదిత్య గా ప్ర‌భాస్ ని ప‌రిచ‌యం చేసి ట్విస్ట్ ఇచ్చింది చిత్ర‌బృందం. కాక‌పోతే…. ఈ సినిమాలో రాధ‌, శ్యామ్ కూడా ఉంటార‌ట‌. ఆ సంగ‌తేంటో త‌ర‌వాత చూడాలి. విక్ర‌మాదిత్య‌గా ప్ర‌భాస్ అవ‌తారం స్టైలీష్‌గా ఉంది. ఇట‌లీ నేప‌థ్యంలో సాగే క‌థ ఇది. ఆ వాతావ‌ర‌ణం, రెట్రో క‌ల‌రింగు, కార్లు.. అన్నీ లుక్ లో క‌నిపిస్తున్నాయి. ప్ర‌భాస్ పుట్టిన రోజున మోష‌న్ పోస్ట‌ర్ రాబోతోంది. ఇది కేవ‌లం అడ్వాన్స్ గిఫ్టే. అస‌లు గిఫ్టు ముందుంద‌న్న‌మాట‌.