`ఓం న‌మో వేంక‌టేశాయ` త‌ర‌వాత రాఘ‌వేంద్ర‌రావు మెగాఫోన్‌కి దూరం అయ్యారు. అదే ఆయ‌న చివ‌రి చిత్ర‌మ‌ని అప్ప‌ట్లోనే ప్రచారం జ‌రిగింది. కానీ ఆ సినిమా ఫ్లాప్‌. ఓ పరాజ‌యంతో.. ఓ అద్భుత‌మైన కెరీర్‌కి ముగింపు ప‌ల‌క‌డం ఇష్టం లేని ద‌ర్శ‌కేంద్రుడు, మ‌ళ్లీ తన స్టైల్ లో ఓ సినిమా చేయాల‌ని, దాన్ని హిట్ చేశాకే, స‌గ‌ర్వంగా రిటైర్‌మెంట్ ప్ర‌క‌టించాల‌ని భావించారు.
ఇటీవ‌లే `పెళ్లిసందD` పేరుతో ఓ సినిమా ప్ర‌క‌టించారు. ఈ సినిమాకి రాఘ‌వేంద్ర‌రావు ద‌ర్శ‌కుడ‌ని చెప్పారు. అయితే స‌డ‌న్ గా.. ద‌ర్శ‌కేంద్రుడి ప్లాన్ మారింది. ద‌ర్శ‌క‌త్వ బాధ్య‌త‌ని గౌరీ రోన‌కి కి అప్ప‌గించారు. ద‌ర్శ‌కేంద్రుడు కేవ‌లం ద‌ర్శ‌క‌త్వ ప‌ర్య‌వేక్ష‌ణ‌కే ప‌రిమితం అయ్యారు. హీరోగా శ్రీ‌కాంత్ త‌న‌యుడు రోష‌న్‌ని ఎంచుకున్నారు. ఇది యూత్ ఫుల్ సినిమా. అందులోనూ ప్రేమ, పెళ్లి క‌థ. అందుకే.. యువ‌త‌రానికే ద‌ర్శ‌క‌త్వం అప్ప‌గించాల‌ని రాఘ‌వేంద్ర‌రావు భావించారు. అయితే.. తన ప్లాన్ ప్ర‌కారం.. ద‌ర్శ‌కుడిగా తన చివ‌రి సినిమా తీస్తార‌ట. అయితే అది కొత్త వాళ్ల‌తో కాకుండా, స్టార్స్‌తోనే చేయాల‌ని అనుకుంటున్నారు. అందుకే `పెళ్లి సంద‌డి` నుంచి ఆయ‌న డ్రాప్ అయిన‌ట్టు సమాచారం. ఈచిత్రానికి కీర‌వాణి సంగీతం అందిస్తున్నారు. త్వ‌ర‌లోనే సినిమా షూటింగ్ ప్రారంభం కానుంది.
