సీఐడీ సునీల్‌ను ఫిర్యాదులతో రఘురామ భయపెడుతున్నారా..!?

సీఐడీ సునీల్ కుమార్ విషయంలో వైసీపీ ఎంపీ రఘురామకృష్ణరాజు.. వరుసగా ఫిర్యాదులు చేస్తున్నారు. ఆయన తన ఫోన్‌ను అనధికారివాడారాని ఓ సారి ఢిల్లీలో పోలీసులకు ఫిర్యాదు చేశారు. ఆ తర్వాత తనపై ధర్డ్ డిగ్రీ ప్రయోగించారని,… దేశంలో ఉన్న రాజ్యాంగ వ్యవస్థలన్నింటికీ ఫిర్యాదు చేశారు. ఆ తర్వాత ఆయన మత విద్వేష వ్యాఖ్యలు చేశారని సీడీలతో సహా కేంద్ర హోంశాఖకు ఫిర్యాదు చేశారు. తర్వాత డీవోపీటీకి కూడా ఫిర్యాదు చేశారు. ఆయన బయటకు చెప్పకుండా.. మరికొన్ని వ్యవస్థలుకూ సీఐడీ సునీల్‌పై ఫిర్యాదులు చేసినట్లుగా తెలుస్తోంది.

అయితే ఎన్ని ఫిర్యాదులు చేసినా కేంద్రం నుంచి పెద్దగా స్పందన ఉండటం లేదు. తాజాగా.. ఐపీఎస్ సునీల్ కుమార్ పై వచ్చిన ఆరోపణలపై విచారణ జరిపి నిజం నిగ్గు తేల్చి నివేదిక ఇవ్వాల్సింది.. కేంద్ర సిబ్బంది వ్యవహారాలను చూసే డీవోపీటీ విభాగం హోంశాఖను ఆదేశించింది. డీవోపీటీకి సునీల్ కుమార్‌పై ఫిర్యాదు చేసింది రఘురామకృష్ణరాజునే. ఆయన మత విద్వేష వ్యాఖ్యలు చేశారన్న ఫిర్యాదును.. ఆయన డీవోపీటికి పంపారు. దాన్నే విచారణ జరిపి నివేదిక ఇవ్వాలని వారు హోంశాఖకు పంపారు. అయితే.. అంతకు ముందే హోంశాఖకు ఈ అంశంపై ఫిర్యాదు చేశారు రఘురామకృష్ణరాజు.

కేంద్ర హోంశాఖ దీనిపై స్పందించింది. ఏపీ చీఫ్ సెక్రటరీకి లేఖ రాసింది. రఘురామ లేఖ, సునీల్‌ ప్రసంగ వీడియోల ఆధారంగా.. తగిన చర్యలు తీసుకోవాలని ఏపీ సీఎస్‌ను కేంద్ర హోంశాఖ ఆదేశించింది. సునీల్ కుమార్ తీసుకున్న చర్యలను నివేదిక రూపంలో ఇవ్వాలని కేంద్రం ఆదేశించింది. కానీ ఇక్కడ ఏపీ ప్రభుత్వంలో అదనపు డీజీ హోదాలో ఉన్న సునీల్ కుమార్.. అంతకు మించి పవర్ ఫుల్ అధికారం చెలాయిస్తున్నారు. ఆయనకు వ్యతిరేకంగా చీఫ్ సెక్రటరీ కూడా నివేదిక ఇచ్చే పరిస్థితి లేదు. అందుకే.. ఆయనపై ఏ చర్యలూ తీసుకోలేకపోతున్నారు.

రఘురామకృష్ణరాజుకు.. కేంద్రం మద్దతు ఉందో లేదో కానీ.. పీవీ సునీల్‌కుమార్‌కు మాత్రం ఏపీ ప్రభుత్వ పెద్దల మద్దతు మాత్రం పుష్కలంగా ఉంది. దీంతో ఆయనను భయపెట్టడానికే.. రఘురామ ఫిర్యాదులు చేస్తున్నారని…కానీ ప్రభుత్వ అండ ఉన్నంత వరకూ.. సునీల్‌పై ఎలాంటి చర్యలు తీసుకోలేరని.. వైసీపీ వర్గాలు.. ప్రచారం చేస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close