కేంద్ర ప్రభుత్వ “పెట్రో దోపిడి”ని ప్రజల ముందు పెట్టిన రాహుల్..!

దేశంలో ప్రజల ఆదాయం పడిపోతే.. కేంద్రం పెట్రో ధరలను బాదేస్తోంది. అంతర్జాతీయంగా ముడి చమురు ధరలు తగ్గుతున్నప్పటికీ.. ఇండియాలో మాత్రం రోజుకు అర్థ రూపాయి నుంచిరూపాయి వరకూ పెంచుతూ పోతున్నారు. ఇప్పటి వరకూ గత వారం రోజుల్లో లీటర్‌కు ఆరు రూపాయల వరకూ పెంచారు. దీనిపై ప్రజల్లో తీవ్ర అసంతృప్తి వ్యక్తమవుతోంది. కేంద్రం ప్రజల్ని ఎలా దోపిడి చేస్తుందో వివరిస్తూ.. కాంగ్రెస్ పార్టీ నేత రాహుల్ గాంధీ చేసిన ఓ ట్వీట్ వైరల్ అవుతోంది. అందులో..గత ప్రభుత్వాలు.. ఈ ప్రభుత్వం.. ఎలా పన్నులు వసూలు చేశాయో వివరించారు. అలాగే అంతర్జాతీయంగా క్రూడాయిల్ ధరలు అప్పుడు.. ఇప్పుడు ఎలా ఉన్నాయో కూడా వివరించారు.

20014 మేలో యూపీఏ ప్రభుత్వం చివరి రోజులు. ఆ రోజుల్లో… క్రూడాయిల్ బ్యారెల్ ధర దాదాపుగా 108 డాలర్లు ఉంది. కానీ ఆ రోజు ప్రజలకు పెట్రోల్ అమ్మిన రేటు రూ. 71, డీజిల్ రేటు రూ. 55. ఇప్పుడు అంటే.. 2019 జూన్‌లో క్రూడాయిల్ ధర కేవలం 40 డాలర్లు మాత్రమే. అంటే దాదాపుగా అరవై ఏడు డాలర్లు తక్కువ. కానీ ఇప్పుడు ప్రజలకు పెట్రోల్, డీజిల్‌ను కేంద్రం అమ్ముతోంది చాలా ఎక్కువకు. పెట్రోల్ ధర రూ. 76, డీజిల్ ధర 74 రూపాయలకు అమ్ముతున్నారు. అంటే.. క్రూడాయిల్ ధర అరవై శాతం పెరిగినప్పటికీ.. పెట్రోల్ ధర స్వల్పంగా.. డీజిల్ ధరను భారీగా కేంద్రం పెంచింది.

ఇలా ప్రజల నుంచి పిండుకోవడానికి కేంద్రం… ఎక్సైజ్ డ్యూటీలను అదే పనిగా పెంచుతూ పోయింది. మన్మోహన్ సింగ్ ప్రభుత్వం హయాంలో లీటర్ పెట్రోల్‌పై ఎక్సైజ్ డ్యూటీ రూ. 9. 20 పైసలు ఉండేది. మోడీ ప్రభుత్వంలో.. లీటర్ పెట్రోల్ పై వసూలు చేస్తున్న ఎక్సైజ్ పన్ను అక్షరాలా ముప్ఫై మూడు రూపాయలు. అంటే.. మనం లీటర్ పెట్రోల్ కొంటే.. అందులో 33 రూపాయలు కేంద్ర ప్రభుత్వం పన్నుగా తీసుకుంటుంది. మరో ఇరవై రాష్ట్ర ప్రభుత్వాలు తీసుకుంటాయి. అదే డీజిల్‌పై మన్మోహన్ సర్కార్.. కేవలం మూడున్నర రూపాయలు మాత్రమే ఎక్సైజ్ డ్యూటీ విధించేది.. ఇప్పుడు మోడీ సర్కార్ వసూలు చేస్తోంది అక్షరాలా 32 రూపాయలు. పెట్రో, డీజిల్‌పై బాదుడుతోనే.. కేంద్రం… నాలుగైదు లక్షల కోట్ల పన్నును ఏటా ప్రజల వద్ద పిండేస్తోందని.. ఈ గణాంకాలతో స్పష్టమవుతోంది. ప్రజలకు ఆదాయ మార్గాలు పెంచి.. వారి కొనుగోలు శక్తిని పెంచాల్సిన కేంద్రం… ప్రజల నుంచి పన్నుల రూపంలో పిండుకోవడానికే ప్రాధాన్యం ఇస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రివ్యూ: ‘నిఫా వైర‌స్‌’

ప్ర‌పంచం మొత్తం.. క‌రోనా భ‌యంతో వ‌ణికిపోతోంది. ఇప్పుడైతే ఈ ప్ర‌కంప‌న‌లు కాస్త త‌గ్గాయి గానీ, క‌రోనా వ్యాపించిన కొత్త‌లో... ఈ వైర‌స్ గురించి తెలుసుకుని అల్లాడిపోయారంతా. అస‌లు మ‌నిషి మ‌నుగ‌డ‌ని, శాస్త్ర సాంకేతిక...

సర్వేలు.. ఎగ్జిట్ పోల్స్ అన్నీ బోగస్సే..!

గ్రేటర్ ఎన్నికల విషయంలో ఎగ్జిట్ పోల్స్ మొత్తం బోల్తా కొట్టాయి. ఒక్కటంటే.. ఒక్క సంస్థ కూడా సరిగ్గా ఫలితాలను అంచనా వేయలేకపోయింది. భారతీయ జనతా పార్టీ పట్ల ప్రజల్లో ఉన్న వేవ్ ను...

కాంగ్రెస్ పనైపోయింది..! ఉత్తమ్ పదవి వదిలేశారు..!

పీసీసీ చీఫ్ పోస్టుకు ఉత్తమ్ కుమార్ రెడ్డి రాజీనామా చేశారు. తాను ఎప్పుడో రాజీనామా చేశానని.. దాన్ని ఆమోదించి.. కొత్తగా పీసీసీ చీఫ్ ను నియమించాలని ఆయన కొత్తగా ఏఐసిసికి లేఖ రాశారు....

గ్రేటర్ టర్న్ : టీఆర్ఎస్‌పై బీజేపీ సర్జికల్ స్ట్రైక్..!

గ్రేటర్‌ ఎన్నికల్లో భారతీయ జనతా పార్టీ అనూహ్యమైన ఫలితాలు సాధించింది. హోరాహోరీగా సాగిన ఎన్నికల్లో టీఆర్ఎస్ కాస్త ముందు ఉన్నట్లుగా కనిపిస్తోంది కానీ.. భారతీయ జనతా పార్టీ.. టీఆర్ఎస్‌పై సర్జికల్‌ స్ట్రైక్...

HOT NEWS

[X] Close
[X] Close