రాహుల్ అధ్య‌క్ష ప‌గ్గాలు చేప‌ట్ట‌డం అనివార్య‌మ‌ట‌..!

నావ‌ల్ల కాదు… అంటూ కాంగ్రెస్ పార్టీ అధ్య‌క్ష బాధ్య‌త‌ల నుంచి రాహుల్ గాంధీ త‌ప్పుకున్న సంగ‌తి తెలిసిందే. లోక్ స‌భ ఎన్నిక‌ల్లో ఓట‌మికి నైతిక బాధ్య‌త త‌న‌దే అన్నారు. ఆ స‌మ‌యంలో, మీరే ఉండాలంటూ నాయ‌కుల రాజీనామాల‌ ప్ర‌హ‌స‌నాలూ… గాంధీయేతర కుటుంబానికి ప‌గ్గాలిచ్చినా ఫ‌ర్వాలేదంటూ రాహుల్ గాంధీ ప్ర‌క‌ట‌న‌లు… ఈ హ‌డావుడి అంతా అంద‌రికీ గుర్తున్న‌దే. ఓ మ‌హా డ్రామా ముగిశాక చిట్ట చివ‌రికి మ‌ళ్లీ సోనియా గాంధీకే తాత్కాలిక అధ్య‌క్ష బాధ్య‌త‌లు క‌ట్ట‌బెట్టారు. ఇప్పుడు విష‌యం ఏంటంటే… త్వ‌ర‌లో రాహుల్ గాంధీకే మ‌ళ్లీ పార్టీ ప‌గ్గాలు తిరిగి ఇచ్చే అవ‌కాశం ఉంద‌ని క‌థ‌నాలు వ‌స్తుండ‌టం, దానికి అనుగుణంగా నాయ‌కుల ప్ర‌క‌ట‌న‌లు ప్రారంభం కావ‌డం.

మూడురోజుల ప‌ర్య‌ట‌న కోసం కేర‌ళ‌లోని త‌న నియోజ‌క వ‌ర్గం వాయ‌నాడుకు రాహుల్ గాంధీ వెళ్లారు. ఆయ‌న వెంట కేసీ వేణుగోపాల్ కూడా ఉన్నారు. ఈయ‌న మీడియాతో మాట్లాడుతూ… త్వ‌ర‌లోనే రాహుల్ గాంధీ పార్టీ ప‌గ్గాలు తీసుకోవాల్సిన అవ‌స‌రం క‌నిపిస్తోంద‌న్నారు. మ‌రి, గ‌డ‌చిన జులైలో బాధ్య‌త‌ల నుంచి త‌ప్పుకున్నారు క‌దా అంటే… అది ఎమోష‌నల్ గా తీసుకున్న నిర్ణ‌యంగా చూడాల‌న్నారు! వ‌చ్చే నెల‌లో ఎ.ఐ.సి.సి. స‌మావేశం ఉంద‌నీ, దాన్లో రాహుల్ గాంధీకి పార్టీ ప‌గ్గాలు అప్ప‌గించే అవ‌కాశం ఉంటుంద‌ని ఆయ‌న అన్నారు. అయితే, పార్టీ ప‌గ్గాలు త‌న‌కు వ‌ద్ద‌ని ఒక‌ సైనికుడిగా ప‌నిచేస్తాన‌ని చెప్పిన రాహుల్, ఇప్పుడు ఒప్పుకుంటారా అంటే… పార్టీలో చాలామంది అభిప్రాయ‌మే ఇద‌నీ, అంద‌రూ న‌చ్చ‌జెబితే ఒప్పుకుంటార‌ని న‌మ్మ‌కం ఉంద‌ని వేణుగోపాల్ చెప్పారు.

రెండోసారి ఓట‌మి అనంత‌రం ఇప్ప‌టికీ కాంగ్రెస్ పార్టీ కోలుకోవ‌డం లేద‌నీ, పార్టీని ముందుకు న‌డిపించే వ్యూహాత్మ‌క నిర్ణ‌యాలు జాతీయ నాయ‌క‌త్వం తీసుకోలేక‌పోతోంద‌నే అభిప్రాయం ఉంది. ప్ర‌తిప‌క్ష పార్టీగా భాజ‌పాని స‌మ‌ర్థంగా ఎదుర్కోవ‌డంలో ఢిల్లీ స్థాయిలో త‌డ‌బ‌డుతూనే ఉంది. ఇప్పుడున్న ప‌రిస్థితుల్లో రాహుల్ కి వ‌చ్చే నెల‌లోనే మ‌ళ్లీ అధ్య‌క్ష బాధ్య‌త‌లు క‌ట్ట‌బెట్టాలంటూ చ‌ర్చించ‌డం కూడా వ్యూహాత్మ‌క త‌ప్పిద‌మే అవుతుంద‌న‌డంలో సందేహం లేదు. సోనియా ప్ర‌స్తుతం తాత్కాలికంగా బాధ్య‌త‌లు స్వీక‌రించినా, అంతిమంగా రాహుల్ కే ప‌గ్గాలు ద‌క్కుతాయ‌న్న‌ది చాలామందికి ఉన్న న‌మ్మ‌కం. అంతేత‌ప్ప‌, మ‌రెవ‌రికో పీఠం ద‌క్కేస్తుంద‌నే ప‌రిస్థితి లేదు క‌దా! వ‌ద్ద‌ని త‌ప్పుకున్న ఆర్నెల్ల‌లోపే మ‌ళ్లీ ఆయ‌న‌కే ప‌గ్గాలు ఇవ్వాల్సిన‌ అవ‌స‌రం క‌నిపిస్తోందంటే… ఆ అవ‌స‌రం ఏంటో స్ప‌ష్టం చెయ్యాల్సిన అవ‌స‌రం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైతన్య : “ఓ వర్గం” సెలబ్రిటీలకే ప్రభుత్వ సాయమా ? మిగతా వాళ్లు, సామాన్యులు మనుషులు కారా ?

సిరివెన్నెల సీతారామశాస్త్రి కన్నుమూశారు. ఆయన సినిమా పాటలతో ప్రసిద్ధి పొందారు. సినిమా సహజంగానే గ్లామర్ ఫీల్డ్.. ఆయన పాటలు అన్ని వర్గాలను ఆకట్టుకున్నాయి కాబట్టి స్ఫూర్తి పొందిన వారు.. ప్రేరణ పొందిన వారు...

“సెక్రటేరియట్” ఉద్యోగుల పర్మినెంట్ ఎప్పుడు !?

గ్రామ, వార్డు సచివాలయాల ఉద్యోగుల్ని రెండేళ్ల తర్వాత పర్మినెంట్ చేస్తామని ఏపీ సర్కార్ ప్రకటించి వారిని ఉద్యోగాల్లోకి తీసుకుంది. ఇప్పటి వరకూ వారికి ఎలాంటి ప్రత్యేక భత్యాలు లేకుండా కేవలం రూ. పదిహేను...

బీజేపీ నెత్తిన పాలు పోస్తున్న మమత,కేజ్రీవాల్ !

భారతీయ జనతా పార్టీకి ప్లస్ పాయింట్ విపక్షాలే. కాంగ్రెస్ పార్టీ సొంతంగా గెలిచే పరిస్థితి లేదు. ఖచ్చితంగా ఇతర పార్టీలతో కలిసి మోడీని ఓడించాలి. కానీ ఆ ఇతర పార్టీల్లోని నేతలు తమను...

అఖండ‌ రివ్యూ – మాస్ జాతర

Akhanda telugu review Telugu360 Rating : 3/5 ఓ మాస్ హీరోని ఎలా చూపించాలో బోయ‌పాటి శ్రీ‌నుకి బాగా తెలుసు. ఫ్యాన్స్ కి ఏం కావాలో, ఎలా కావాలో.. ఆ లెక్క‌ల‌న్నీ బాగా బ‌ట్టీ...

HOT NEWS

[X] Close
[X] Close