అమరావతి రైతుల దీక్షలకు రాహుల్ గాంధీ ..!?

అమరావతి ఉద్యమాన్ని మరో  స్థాయికి తీసుకెళ్లే ప్రయత్నాలను చాలా గట్టిగానే చేస్తున్నారు. వైసీపీ మినహా అన్ని పార్టీల నేతలూ మద్దతిస్తూండటంతో… జాతీయ స్థాయి నాయకుల్ని పిలిపించే ప్రయత్నాలు చేస్తున్నారు. కాంగ్రెస్ పార్టీ కూడా మూడు రాజధానుల కాన్సెప్ట్‌ను వ్యతిరేకిస్తోంది. అమరావతికి సంపూర్ణ మద్దతు ప్రకటించింది. ఈ క్రమంలో.. ఏపీ కాంగ్రెస్‌కు కొత్తగా నియమితులైన కార్యవర్గం.. కొత్త పీసీసీ చీఫ్ శైలజానాథ్…అమరావతికి మద్దతుగా తమదైన ముద్రతో ఓ పోరాట ప్రణాళిక ఖరారు చేసుకునేందుకు ప్రయత్నిస్తున్నారు. ఇందులో భాగంగా… రాహుల్ గాంధీని అమరావతికి తీసుకు రావాలని నిర్ణయించారు. ఈ ప్రతిపాదనకు రాహుల్ గాంధీ కూడా మద్దతు తెలిపారు. తాను వస్తానని భరోసా ఇచ్చారు.

రాహుల్ గాంధీ పర్యటనతో… అమరావతి పోరాటం… జాతీయ స్థాయికి చేరుతుందన్న అభిప్రాయంతో.. ఉద్యమకారులు ఉన్నారు. అందుకే.. వీలైనంత త్వరగా రాహుల్ పర్యటనను ఖరారు చేసుకోవాలన్న ఆలోచనలో ఉన్నారు. మార్చి ఒకటో తేదీ నుంచి రెండో విడత బడ్జెట్ సమావేశాలు జరగనున్నాయి. ఆ సమావేశాల మధ్యలో రాహుల్ .. రావడం కుదరదన్న అంచనాలో.. ఏపీ కాంగ్రెస్ పెద్దలు ఉన్నారు. ఆ సమావేశాలు ముగిసిన తర్వాత.. తొలి వారంలోనే పర్యటన ఖరారు చేయాలన్న ఆలోచనలో ఉన్నారు. దీని కోసం అమరావతి జేఏసీతో కాంగ్రెస్ నేతలు సమన్వయం చేసుకునే అవకాశం ఉంది.

ఒకటో తేదీన అమరావతి జేఏసీ ఢిల్లీ పర్యటనకు వెళ్తోంది. మోడీ, అమిత్ షా అపాయింట్‌మెంట్ల కోసం.. గతంలో వీరు ప్రయత్నించారు. ఆ అపాయింట్‌మెంట్ల విషయంలో… పార్లమెంట్ సమావేశాల సందర్భంగా.. కదలిక వచ్చే అవకాశం ఉందంటున్నారు. మోదీ, అమిత్ షాలకు ఉన్న వెసులుబాటుని బట్టి… సమయం ఇవ్వొచ్చన్న సమాచారం రావడంతో.. వారు ఢిల్లీ వెళ్తున్నారు. అక్కడే రాహుల్ గాంధీని కూడా కలిసి.. లాంఛనంగా.. అమరావతికి రావాలని ఆహ్వానించే అవకాశం ఉందంటున్నారు. రాహుల్ గాంధీ అమరావతి పర్యటనకు వస్తే.. విషయం.. జాతీయ స్థాయికి చేరే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రివ్యూ: ‘బొంభాట్‌’

వేర్ ద లాజిక్ స్టార్స్ట్‌... డ్రామా ఎండ్‌, వేర్ ద డ్రామా స్టార్ట్స్ .. లాజిక్ ఎండ్‌ - అని హిచ్ కాక్ అనే ఓ పెద్దాయ‌న చెప్పాడు. లాజిక్‌వేసుకుంటూ వెళ్లిన చోట...

ర‌జ‌నీ మ్యాజిక్ చేయ‌గ‌ల‌డా??

రజనీకాంత్ రాజకీయం ఇప్పటి మాట కాదు. మూడు దశాబ్దాల నుంచి నానుతోంది. కానీ రజనీ మాత్రం ''దేవుడు ఆదేశిస్తాడు' అనే సినిమా డైలాగులతోనే సరిపెట్టేశారు. అయితే ఎట్టకేలకు రజనీ నుంచి పొలిటికల్ పార్టీ...

“తాపీ దాడి” కేసులో కొల్లు రవీంద్రకు నోటీసులు..!

మచిలీపట్నం పోలీసులు తాపీ దాడి కేసును మెల్లగా మాజీ మంత్రి, టీడీపీ నేత కొల్లు రవీంద్ర వద్దకు తీసుకెళ్తున్నారు. ఆయనకు సెక్షన్ 91 కింద నోటీసులు పంపారు. విచారణకు హాజరు కావాలని...

ఏపీ అసెంబ్లీ : రెండో సైడ్ కనిపించకూడదు..! వినిపించకూడదు..!

ఆంధ్రప్రదేశ్ అసెంబ్లీలో వరుసగా నాలుగో రోజు కూడా టీడీపీ సభ్యుల్ని సస్పెండ్ చేసి సభను నిర్వహించారు. రాష్ట్రంలో అమూల్ మిల్క్ ప్రాజెక్ట్ అంశంపై చర్చ జరుగుతున్నప్పుడు.. తమకు మాట్లాడే అవకాశం ఇవ్వాలని టీడీపీ...

HOT NEWS

[X] Close
[X] Close