ఈ సారి తెలంగాణలో రాహుల్ టూర్ పక్కా !

తెలంగాణ కాంగ్రెస్ పార్టీని గాడిలో పెట్టేందుకు ఈ నెల 28న వరంగల్‌లో నిర్వహించనున్న భారీ బహిరంగసభకు రాహుల్ గాంధీ హాజరు కానున్నారు. తర్వాతి రోజు ముఖ్య నేతలతో రాహుల్ గాంధీ సమావేశం కానున్నారు. పార్టీ నేతల సమావేశంలో రాహుల్ తెలంగాణ పర్యటన తేదీలను ఖరారు చేసినట్లుగా తెలుస్తోంది. తెలంగాణలో రాహుల్ గాంధీ పర్యటించక చాలా కాలం అవుతోంది. పీసీసీ చీఫ్‌గా రేవంత్ రెడ్డి నియమితులయ్యాక.. పలుమార్లు రాహుల్ గాంధీతో సభ నిర్వహించాలని అనుకున్నారు. కానీ పరిస్థితులు అనుకూలించలేదు. ఈ సారి మాత్రం రాహుల్ గాంధీ పర్యటన ఖరారైనట్లుగా తెలుస్తోంది.

తెలంగాణలో కాంగ్రెస్ పార్టీ బలంగానే ఉంది. తెలంగాణ ఇచ్చిన పార్టీగా రాజకీయ ప్రయోజనాలు పొందడంలో మాత్రం విఫలమవుతోంది. కాంగ్రెస్ పార్టీని ఏకతాటిపైకి నడిపించే నాయకుడు కరవవడం.. కొత్తగా ఎవరిని నియమించినా గ్రూపు తగాదాలు పెరిగిపోవడంతో పార్టీ విజయాలు నమోదు చేయలేకపోతోంది. రేవంత్ రెడ్డిని పీసీసీ చీఫ్‌గా నియమించిన తర్వాత కూడా పరిస్థితులు మారలేదు. సీనియర్లు ఆయనపై రకరకాల ఆరోపణలు చేస్తున్నారు. ఈ కారణంగా రాహుల్ గాంధీ కూడా తెలంగాణ పర్యటనపై ఎలాంటి ఆసక్తి వ్యక్తం చేయలేదు.

అయితే ప్రస్తుతం అందర్నీ ఢిల్లీకి పిలిపించి మూడు గంటల పాటు రాహుల్ గాంధీ సమావేశం అయ్యారు. పార్టీని నష్ట పరిస్తే ఊరుకునేది లేదని సీనియర్లకు నేరుగానే హెచ్చరికలు జారీ చేశారు. దీంతో అందరూ సైలెంటయ్యారు. ప్రస్తుతం తెలంగాణలో మన ఊరు – మన పోరు వంటి కార్యక్రమాలతో కాంగ్రెస్ పార్టీ ప్రజల్లోకి వెళ్తోంది. రాహల్ గాంధీ పర్యటన తర్వాత క్యాడర్‌లో మరింత ఉత్సాహం వస్తుందని కాంగ్రెస్ పార్టీ నేతలు ఆశిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close