వావ్.. రాయల్స్ దంచేశారు..!

ఇండియన్ ప్రీమియర్ లీగ్‌లో ప్రతీ ఆదివారం ఓ స్పెషల్‌గా మారుతోంది. గత వారం సూపర్ ఓవర్‌దాకా సాగిన మ్యాచ్ ఊపిరిబిగపట్టి చూసేలా చేయగా.. ఈ సారి రాజస్థాన్ రాయల్స్ అసలు అసాధ్యమనుకున్న లక్ష్యాన్ని అంతే ట్విస్టులతో చేధించేసి..ఔరా అనిపించింది. ఈ మ్యాచ్‌లో ఇంకా మెరుపులు ఉన్నాయి. పంజాబ్ ప్లేయర్ నికోలస్ పూరన్ చేసిన ఓ ఫీల్డింగ్ విన్యాసం చూస్తే జాంటీరోడ్స్ ముత్తాత అని అనుకోక తప్పదు.

షార్జా ఒకప్పుడు క్రికెట్ ప్రేమికుల స్వర్గధామం. అక్కడి స్టేడియం అందరికీ చిరపరిచితం. కానీ అక్కడ మ్యాచ్‌లు జరగక ఏళ్లు దాటిపోయింది. ఇప్పుడు కరోనా పుణ్యామాని ఐపీఎల్‌కు ఆతిధ్యం ఇచ్చే జాబితాలో చేరింది. ఆ షార్జా స్టేడియంలోనే… ఐపీఎల్ చరిత్రలోనే అత్యధిక రన్ చేజింగ్ మ్యాచ్ జరిగింది. పంజాబ్- రాజస్థాన్ మధ్య జరిగిన మ్యాచ్‌లో మొదట బ్యాటింగ్ చేసిన పంజాబ్ 224 పరుగుల లక్ష్యాన్ని రాజస్థాన్ ముందు ఉంచింది. ఇది భారీ స్కోరే కానీ.. అత్యధిక స్కోర్ కాదు. కానీ ఇంత స్కోరు చేసిన జట్టు ఏదీ ఐపీఎల్‌లో ఓడిపోలేదు. మాయంక్ అగర్వాల్ సెంచరీ చేశారు. కేఎల్ రాహుల్ కూడా బాదేశాడు. దీంతో.. ఇక పంజాబ్‌దే జోరు అనుకున్నారు. చిరునవ్వుతో వెళ్తున్నా అని సందేశం ఇచ్చిన పంజాబ్ జట్టు కో ఓనర్ ప్రీజింతాకు… ఆ చిరునవ్వు మిగిలిస్తారని అందరూ అనుకున్నారు.

కానీ ఇక్కడ ఒక్కటే రాజస్థాన్‌కు ప్లస్ పాయింట్ ఉంది. ఇప్పటి వరకూ అత్యధిక పరుగుల చేజింగ్ రికార్డు రాయల్స్ పేరుమీదనే ఉంది. దాంతో.. ఈ సారి కూడా అద్భుతం ఏమైనా జరుగుతుందా అని అనుకున్నారు. కానీ అలాంటి చాన్స్ లేదని.. మొదటి పది ఓవర్లకు రియలైజ్ అయ్యారు చాలా మంది ఫ్యాన్స్. ఎదుకంటే ఇన్నింగ్స్ చేజింగ్‌కు తగ్గ వేగంతో నడవలేదు. చివరి నాలుగు ఓవర్లలో 63 పరుగులు చేస్తేనే గెలుస్తారన్న గణాంకాలు వచ్చేటప్పటికీ ఎవరికీ అశల్లేవు. ఎందుకంటే.. అప్పటి వరకూ క్రీజ్‌లో ఉన్న తెవాతియా .. సాదాసీదాగా అడుతూ వచ్చాడు. కానీ అప్పటి నుండి పూనకం వచ్చినట్లుగా ఊగిపోయాడు. 18 ఓవర్ల వరుసగా ఐదు సిక్స్‌లు బాదేసి.. ఐపీఎల్‌లో ఏపీ అసాధ్యం కాదని నిరూపించాడు. దీంతో మూడు బంతులు మిగిలి ఉండగానే రాజస్థాన్ గెలిచేసింది. భారీ స్కోరు చేసిన విజయం దక్కనందుకు ప్రీతిజింటాకు చిరునవ్వు మాయమైంది.

అయితే ఈ మ్యాచ్‌లో ఫీల్డింగ్ అద్భుతాలు చోటు చేసుకున్నాయి. పంజాబ్ ఆటగాడు నికోలస్ పూరన్ బౌండరి లైన్ అవతల పడిన బంతిని డైవింగ్ చేసి పట్టుకున్నాడు. తాను కింద పడుతున్నానని తెలిసి లోపలికి విసిరేశాడు. కానీ అలా విసిరేసిన సమయం భూమికి.. పూరన్ ఎంత దగ్గరగా ఉన్నాడో… ప్రత్యక్షంగా చూస్తేనే.. ఆ విన్యాసంలో ఉన్న గొప్పతనం తెలుస్తుంది. మొత్తానిగి మరో ఆదివారం .. ఐపీఎల్ ఫ్యాన్స్‌కు అద్భుతమైన అనుభవం అందించింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సోనూ రేటు: రోజుకి 20 ల‌క్ష‌లు

ఈ కరోనా స‌మ‌యంలో.. సోనూసూద్ రియ‌ల్ హీరో అయిపోయాడు. హీరోల‌కూ, రాజ‌కీయ నాయ‌కుల‌కు, ప్ర‌భుత్వాల‌కు, సంస్థ‌ల‌కు ధీటుగా - సేవ‌లు అందించాడు. త‌న యావ‌దాస్తినీ దాన ధ‌ర్మాల‌కు ఖ‌ర్చు పెట్టేస్తున్నాడా? అనేంత‌గా...

స‌ర్కారు వారి పాట అప్ డేట్: మ‌హేష్ ముందే వెళ్లిపోతున్నాడు

మ‌హేష్‌బాబు క‌థానాయ‌కుడిగా `సర్కారువారి పాట‌` తెర‌కెక్కుతున్న సంగ‌తి తెలిసిందే. జ‌న‌వ‌రి 4 నుంచి అమెరికాలో షూటింగ్ ప్రారంభం కానుంది. వీసా వ్య‌వ‌హారాల‌న్నీ ఓ కొలిక్కి వ‌స్తున్నాయి. అయితే చిత్ర‌బృందం కంటే ముందే.. మ‌హేష్...

ఏపీ విద్యార్థుల్ని కూడా పొరుగు రాష్ట్రాలకు తరిమేస్తున్నారా..!?

ఆంధ్రప్రదేశ్ ప్రభుత్వం ఏం చేస్తుందో అక్కడి ప్రజలకు అర్థమవడం లేదు. బస్సుల నుంచి మద్యం వరకూ ..ఉద్యోగాల నుంచి చదువుల వరకూ అన్నింటిపైనా పొరుగు రాష్ట్రాలపైనే ఏపీ ప్రజలు ఆధారపడేలా విధానాలు...

“పోస్కో” చేతికి విశాఖ స్టీల్ ప్లాంట్..!?

ముఖ్యమంత్రి జగన్మోహన్ రెడ్డితో రెండు రోజుల కిందట... పోస్కో అనే స్టీల్ ఉత్పత్తిలో దిగ్గజం లాంటి పరిశ్రమ ప్రతినిధులు సమావేశమయ్యారు. ఏపీలో పెట్టుబడులు పెట్టేందుకు సిద్ధంగా ఉన్నామని చెప్పారు.ఈ విషయాన్ని ముఖ్యమంత్రి జగన్మోహన్...

HOT NEWS

[X] Close
[X] Close